Banɔkpɛkpɛ Axɔ̃ɛ 20:28 - Nyangbo New Testament

²⁸ Nɔzanà awɔ̃ ɔkɔ wɔnɔ ishu tɛ nozoɖi ibhoshiɛ gɛ Ɔfɔfuĩa Gbangbã ɔkpɛ wɔnɔ ahɔɛ ɔsɛ nɔoɖi ɛlɛ abha. Nodzi ibhoshi agbagbana elete ɔkɔ Owusoso Akaa ɔhaa, gɛ edzi nɛ yɛ dzyosu nɔ.

Banɔkpɛkpɛ Axɔ̃ɛ 20:28 Referans Kwoze

Timoteo 1 4:16

Lu awɔ̃ nɛ̀ wɔ ɛkpã nɛ̀ bɔdɔ̃ kakasɛ shu piapii. Kpɛ kemi nɛ bɔlɛ mɛ, ɔmɔsɛ ɔbhɛtɛ ana, obo bu wɔ ishu nɛ bagɛ ɔkasɛ bɔdɔ̃.

Timoteo 1 3:2

Kɛma ɔsɛ tɛ̀ bazã amɔ bamɛ tsitsí ebui nɛ osofo nɔ shu, edzì anɔ gɛ agbana adzɛ tenikpo, anɔ gɛ elu kitú esi, pɛ aŋã yɛishu abha, anɔ gɛ atɛkpɛ yɛishu awũi, anɔ gɛ adɛmɛ beefu tɛyɛyɛkɛ ibui pɛ alà kasɛ ɔdɔ̃ tsyɛ,

Banɔkpɛkpɛ Axɔ̃ɛ 13:2

Kibeɛ gɛ bazanyã olũgbu pɛ baakpɛ kɛtakpu esi akɔ Apaleteɛ, Ɔfɔfuĩa Gbangbã otseɖe balɛ ɔsɛ, “Nobu Barnaba nɛ̀ Saulo ɔtɔ ɔkɔ kɛxɔ̃ɛ gɛ kɛlɛishu mɛikulu alɛ.”

Hebrianɛ 13:17

Nolũ atɔ̃ ɔkɔ bagɛ alɛ̀ ɔnɔ lũɔ, tɛ nɔkpɛ ɛtakpu esi ɔkɔ alɛ gɛ balɛ eɖi wɔnɔ abha, pɛ balɛ enu banunɔ gɛ babàkɔ akɔnta nɛ wɔnɔ shuɔ. Nolũ atɔ̃ nɛ alɛ, sɛ tɛ balɛ ɛxɔ̃ɛ wɔawɔa etsyina edzi same ibui, pɔ nɔtɛkpɛ bɔtɔ gɛ tɛba mana ɔnɔ ibui gbangbã nanà nɔ.

Timoteo 1 5:17

Besheshèɛ gɛ beɖì ɔhaa nabha, kɛshɔnɔ ɔsɛ balɔkɔ kɛtakpu esi kpɛkpɛ gbangbã tili idi akɔ alɛ, asɛ banunɔ gɛ balɛxɔ̃ɛ wɔawɔa kɛlɛinu kibuiɛ tɛɖɔɖɔ nɛ̀ kɛlɛ tɛkakasɛ.

Korintoanɛ 1 10:32

Nɔtɛ kɔ sɛ anɔ nanà akpatà bɔdɔ̃, edzi asɛ Yudanɛ o, Helanɛ, pɛnɔsɛ Owusoso Akaa yɔhaa

Filipianɛ 1:1

Mɛ Paulo nɛ̀ Timoteo, gɛenu Kristo Yesu yɛaxɔ̃ɛdɛ, Balɛ asɛsɛ banɔ dadalɛ pete eplukpa nɛ Kristo Yesu mɛ nɛ Filipi, ɔlɔkɔ plɛnɔ ɛsofo nɔ nɛ̀ ɛzãkɔ bhlui eleteɛ,

Efesoanɛ 1:7

Nɛ yɛ mɛɛ, bebu ɔlɔ ɔgana yɛ dzyosu nɔ mɛ, ebui kpa tɛlɔlɔkɔ tsye, nɛ Owusoso Akaa ehoeyi udɔ̃ gɛ alɔkɔ ebhui ɔlɔ ebuɔ mɛ

Timoteo 1 3:5

(Onupɛ anɔ teli etinyi kana gɛ ebeɖi yɛahɔɛ bɔpã abhaa pɔ, kɛlɛ yɛabalà eɖi Owusoso Akaa ɔhaa nabha dza?)

Kibui Bubú Kasɛ 5:9

Kɛlɛ bazhã ɔdzɛ vɔvɔ asɛ, “Wonu anunɔ gɛ ɔshɔnɔ ɔsɛ tɛ bɔlɔkɔ eplukpa kɔ tɛ ɔdalɛ kalɛ adadã, Ɔmɔsɛ wɔ bebhui, kɛlɛ wɔdzyosu nɔ, wɔlɔkɔ odzi banunɔ ɔkɔ Owusoso Akaa odenɔ egbogboɔ nyɔ̃ɔ mɛ, beluhũ, banɔdzyrameeyi nɛ̀ ɛmadi.

Timoteo 1 4:14

Tɛ shɛnɛ ahɔɛ nɛ wɔ bɔdɔ̃ kɔkɔ gɛ bakɔ wɔ ɔgana ebuiɖɔɖɔ luɔ shu, nɛ kibeɛ gɛ banɔ sheshèɛ ɛzaa nɛ̀ ɔhaa mɛ tɔɖɔ ahɔɛ nɛ wɔabhaa.

Efesoanɛ 1:14

gɛenu kɛdɔ̃ gɛ alɔkɔ akpɛ ide ɔkɔ ɔlɔ kaŋãsiɛ odiyinɔ kibeɛ gɛ bebu bagɛ enu Owusoso Akaa yɛanunɔ ɔkɔ yɛ tɛdadalɛ kpɛkpɛ nɛitití.

Galatianɛ 1:13

Ɔmɔsɛ nɔotilũ mɛ ɛkpãa gɛ ɛzã bafala nɔ nɛ Yudanɛ ɛkɔɔ tishushuɔ shu, kɛtɔnɔ gɛ ɛzɛ tɔnɔ ɔha niede gagalĩi pɛ ɛpɛ ɔsɛ tɛ̀ mɛyɛ yɛɛ.

Banɔkpɛkpɛ Axɔ̃ɛ 20:29

Inyi sɛ onupɛ ɛbashɛɛ kidegbaa, igulu babà wɔnɔɛshi, kɛlɛ lɛti bàbi ibhoshiɛ ashagabui.

Banɔkpɛkpɛ Axɔ̃ɛ 20:17

Denɔ Miletoɔ, Paulo akpɛ banɔ nɛ Efeso ɔhamɛ besheshèɛ ɔkɔ.

Banɔkpɛkpɛ Axɔ̃ɛ 14:23

Paulo nɛ̀ Barnaba edzu ɔhamɛ besheshè akɔ alɛ nɛ ɔha ka nyia ka mɛ, kɛlɛ nɛ Owusoso Akaa tikukulu nɛ̀ olugbũnyanyã mɛɛ, balɔkɔ balɛ akpɛ ahɔɛ akɔ Apaleteɛ gɛ yɛabha bayɛkɛ aŋãa.

Petro 1 2:25

Ɔmɔsɛ nɔzã asɛ ibhoshi gɛ ɛzɛ tsaɖakɛ idzo ana, pɔ otsiɛ xɔnɔɔ, nozotsyina ba ibhoshi agbagbana eleteɛ nɛ̀ agɛ yɛeɖi wɔnɔ atɔwuiɛ nabha ɔkɔ.

Petro 1 2:9

Pɔ nɔonu banɔ gɛ bebú elú, bukusi ɔŋakɔ gɛ nɔonu ekusi, kɛmadi gɛdalɛ, banɔ gɛ benu Owusoso Akaa ayɛ, sɛ tɛ nɔɖɔaɖɔ ɔkpɛ anunɔ gɛ ekulu wɔnɔ yɛinyeɛ nɛitití, anunɔ gɛ ebu wɔnɔ eyinɔ odenɔ otumũɔ mɛ amana tɛdadalɛ gɛ bhɛtɛ ibiɛ mɛ.

Koloseanɛ 4:17

Nɔotseɖe Akipo ɔsɛ, “Ɖi ɛlɛ ɔkɔ ɔsɛ ɔwɔa kɛxɔ̃ɛ gɛ ɔyɛkɛ odenɔ Apaleteɛ ɔkɔ obeke.”

Efesoanɛ 4:11

Yɛenu anɔ gɛ akɔ asɛ beteli edzi banɔkpɛkpɛ, tɛ beteli edzi ebuiɖɔluanɔ, beteli tɛ baɖɔ yɛebuiɛ akanà, kɛlɛ beteli tsyɛ tɛ bedzi kibuiɛ aɖɔɖɔ elete nɛ̀ kɛlɛ adɔ̃kasɛ,

Korintoanɛ 1 15:9

Ɔmɔsɛ mɛinù banɔkpɛkpɛ balɛ agɔgɔɛ nɔ gɛ ɛgɛ shɔnɔ ɔsɛ bekulu mɛ asɛ anɔkpɛkpɛ flogo, ɔmɔsɛ ɛzɛtɔnɔ Owusoso Akaa yɛɔhaa niede.

Korintoanɛ 1 1:2

Ɛfɔnɔ kalɛ sɛsɛ Owusoso Akaa ɔha gɛalɛ Korinto, nɛ̀ bagɛ badalɛ balɛishu nɛ Yesu Kristo mɛ pɛ balɛishu dalɛ, ɔlɔkɔ plɛnɔ bagɛ balɛ ɔkɔ nyia ɔkɔ pɛ beekulu Apalete Yesu Kristoɔ inyeɛ, anɔ gɛenu balɛ Apaleteɛ nɛ̀ bɔlɔ ayɛ.

Yohanes 1 1:7

Pɔ onupɛ bɔgã nɛ tɛdadalɛ mɛɛ, asɛ kana gɛ yɛtsyɛ agã nɛ tɛdadalɛ mɛ anaa, kɛlɛ bɔkpasɛ ɔhakpɛkpɛ mɛ nɛ̀ bagɔlɔ, kɛlɛ Yɛeyì Yesu dzyosu nɔ, abadalɛ bɔlɔ shu nɛ ebui kpa ka nyia ka mɛ.

Hebrianɛ 12:15

Nɔnyana ishu piapii sɛ tɛ noti tsodzi nɛ Owusoso Akaa tibhui bhuibuɔ shu. Nɛ kidzo ɛlɛ nabhaa anɔ nanà atɛzã asɛ tɛwɔa kɛtɛtɛ́ gɛ tishè pɛ tɛlɔkɔ ɛlɛ abɔɛ zĩ udɔ̃ gelee nɔ ana.

Tito 1:7

Gɛ balɔkɔ Owusoso Akaa ɛxɔ̃ɛ akpɛ osofo ahɔɛ soɔ, kɛma sɛ tɛ bamɛ tsitsí ebui azã yɛishu-kɛma ɔsɛ tɛ eze feke yɛishu, etidzi anɔ gɛ akpɛ ɔmɔpɔɛ nɛ ebui mɛ, etidzi enuwɔ̃ɛ, etidzi ebelapɛ, etidzi anɔ gɛ apɛ kanɔ mɛ ɔdɔ̃ ɔgana kidzo kpa abha.

Koloseanɛ 1:14

anɔ gɛ yɛmɛ bebu ɔlɔ pɛ balɔkɔ ɔlɔ ebui kpa etsye ɔlɔ.

Korintoanɛ 1 11:22

Bapã mã wɔnɔ ahɔɛ gɛ nɔbɔ ŋã pɛ nɔbɔwɔɛ bɔdɔ̃ dza? Alo sɛ tɛ̀ nɔtɛ Owusoso Akaa ɔhaa olú, tɛ nɔtɛɛ bagɛ kɛdɔ̃ nanà má balɛ ahɔɛ olu kesiɛ dza? Kiɖe nɔpɛ ɔsɛ ɛɖɔ tseɖe wɔnɔ? Nɔsɛ ɛkpɛ wɔnɔ kinyè nɛitití nɛ alɛ nɛidi shu dza? Kɛma ɛlɛ mɛ ana ɖa!

Romanɛ 16:16

Nɔsɛnɔ bagɔlɔ nɛ̀ same, nɛ ahɔɛ kpɛkpɛ nɛ bagɔlɔ mɛ. Kristo yɛɔhamɛeyiɛ pete basɛnɛ wɔnɔ piapii.

Korintoanɛ 1 6:20

budzi bedzi wɔnɔ nɛ kedzi tieli. Klisoɔ, nɔkpɛ Owusoso Akaa nɛinye nɛ kititi nɛ wɔnɔ ishupiɛ.

Timoteo 1 3:1

Kɛlɛ nu tɛyɛyɛkɛŋã ibui gɛɖɔ ɔsɛ, Onupɛ anɔ teli atɔɖɔ edenɔ yɛitúɔ mɛ ɔsɛ tɛ edzì osofo, ebu kɛxɔ̃ɛ gɛiku awɔ̃.

Tito 2:14

anɔ gɛ yɛalɔkɔ yɛishu akɔ asɛ tɛ̀ ebu ɔlɔ denɔ atakpu mɛ gagalĩɛ petee mɛ. Tɛ̀ epulu ɔlɔ akɔ yɛishu asɛ banɔ gɛenu yayɛ, banɔ gɛ apɛɛ asɛ tɛ̀ babhɛtɛ kɛgɛ pɛ.