Banɔkpɛkpɛ Axɔ̃ɛ 20:24 - Nyangbo New Testament

²⁴ Klisoɔ, ɛtɛka lɔkɔ mɛkpã asɛ lɛinu kɛdɔ nanà ɔkɔ mɛ, pɛ ɛtalà kɛxɔ̃ɛ gɛ Apalete Yesu akpɛ mɛahɔɛ wɔa bekeɛ, kɛxɔ̃ɛ gɛ kɛlɛinu ɔsɛ tɛ ɛdalɛ Owusoso Akaa ibuiɛ gɛ kibhui bɔlɔ buɔ shu.

Banɔkpɛkpɛ Axɔ̃ɛ 20:24 Referans Kwoze

Korintoanɛ 2 4:1

Klisoɔ, gɛ gana Owusoso Akaa ashagabui ɖiɖi mɛ bɔwɔa axɔ̃ɛ soɔ, bɔlɔ etúɔ ohuiɛ otio bhui.

Korintoanɛ 2 12:10

Kliso pɛ nɛ Kristo yɛtakpuɔ, ɛmɔ same nɛ tibobotsò mɛ, nɛ akwalatu mɛ, nɛ ebui gagalĩ mɛ, nɛ banɔede tɛtɔtɔnɔ mɛ nɛ̀ bɔtɔ mɛ. Ɔmɔsɛ onupɛ ibotsoɔ, ɛkɛlɛ mɛmɔ tɛgagalĩ.

Banɔkpɛkpɛ Axɔ̃ɛ 21:13

Kɛlɛ Paulo ebuiliulũ asɛ, “Kiɖe sopɛ nɔobiyoyò pɛ nɔyɛɛ mɛ kitúɔ ana? Gɛnɛ mɛ tɛnyanyã ete shu mɛ balɛ ɔkɔ, pɔ ɛbalɛ tsyɛ sɛ tɛ̀ itsi nɛ Yerusalem nɛ Apalete Yesu yɛinyeɛ nɛtakpu.”

Korintoanɛ 1 15:58

Klisoɔ, mɛadzya alɛ mɔ, nɔzã gagalĩ. Nɔtɛkɔ kɛnanà tii wɔnɔ. Nɔlɔkɔ wɔnɔ ishu petee ɔkɔ Apalete nɛxɔ̃ɛ wɔawɔa, ɔmɔsɛ nɔonyi ɔsɛ wɔnɔ kɛxɔ̃ɛ wɔawɔa ɔkɔ Apaleteɛ tɛbàdzì kɛlɛɛ etee.

Romanɛ 11:6

Kliso onupɛ ɔgana tibhui bhuibu mɛɛ, kɛlɛ́ɛ, kɛtɛ kanu ɔsɛ kide balɛ axɔ̃ɛ wɔawɔa mɛ̀. Onupɛ balɛ axɔ̃ɛ wɔawɔa mɛ kide pɔɔ, kɛlɛ kɛtɛ kanu tibhui bhuibu.

Banɔkpɛkpɛ Axɔ̃ɛ 14:3

Kliso Paulo nɛ̀ Barnaba azã ɛkɛlɛ nɛ ewui gele mɛ, pɛ bazaɖɔaɖɔ nɛ Apaleteɛ shu nɛ̀ ohumi. Kɛlɛ Apaleteɛ akɔ bamɔ yɛ tibhui bhuibu ibuiɛ ɔganà atsyindzye nɛ̀ ebui gɛ abhɛtɛ ibi gɛ akɔ babhɛtɛ mɛ.

Petro 1 5:12

Denɔ Sila anɔ gɛ ɛlɔkɔ yɛasɛ anɔ gɛ ɛyɛkɛŋã, denɔ yɛ tɛpɛplɛnɔ mɛ ɛfɔnɔ keplukpa alɛ gulũi kɔ wɔnɔ pɛ̀ ɛkpɛ wɔnɔ kemi tɛ̀ ɛɖɔ kaɖɔ dalɛ kɛlɛ mɛ sɛ, kɛlɛ kɛlɛinu Owusoso Akaa tibhui bhuibu gɛlɛ ɛlɛ ɔzãkɔ. Nɔzã gagalĩ nɛ kɛlɛ mɛ̀.

Tito 1:3

kɛlɛ nɛ yɛ kibeɛ gɛ atɔɖɔ eluɔ shuɔ, amana yɛibuiɛ nɛ tɛdadalɛ mɛ ɔgana kibuiɛ tɛɖɔɖɔ gɛ balɔkɔ akpɛ mahɔɛ ɔgana Owusoso Akaa gɛ ebu ɔlɔ yɛɔsha kpɛkpɛ mɛ,

Galatianɛ 1:1

Mɛ Paulo, anɔkpɛkpɛ gɛ anɛ baanɔ alo anɔ yɛasɛsɛ mɛ, pɔ Yesu Kristo nɛ̀ Owusoso Akaa, gɛ yɛefeke yɛ odenɔ bekpuɔ mɛ-

Korintoanɛ 2 5:8

Ɛɖɔ ɛlɛ sɛ bɔyɛkɛ bɔlɔ shu abha ŋã, kɛlɛ bɔba pɛ sɛ tɛ bukoeyi nɛ ishudzya ɛlɛ mɛ tɛ bɔdɛzã Apaleteɛ bɔpã mɛ.

Banɔkpɛkpɛ Axɔ̃ɛ 20:32

“Otsiɛ nɔ, ɛɛlɔkɔ̀ wɔnɔ ɔkpɛ ahɔɛ akɔ Owusoso Akaa nɛ̀ yɛibuiɛ gɛ alɔkɔ ebhui bɔlɔ ebuɔ nɔ̀. Kɛlɛ bàbhɔ wɔnɔ wunu kabha pɛ kɛbàkɔ wɔnɔ bagɛ badalɛ wɔnɔ shuɔ petee kaŋãsiɛ.

Banɔkpɛkpɛ Axɔ̃ɛ 11:23

Gɛ ediku pɛ amɔ asɛ kibui gbã kinu ɔsɛ Owusoso Akaa ebhui balɛ ebuɔ, same ekui, kɛlɛ akpɛ balɛ petee kemi asɛ tɛ̀ balɔkɔ̀ balɛ etúɔ nyɔ̃ɔ azã nɛ̀ ɛkpã ɔkɔ Apaleteɛ.

Filipianɛ 2:17

Pɔ edzi asɛ babalɛ mɛ dzyosu esi odenɔ wɔnɔ ishu tɛlɔlɔkɔ ɔkɔ nɛ̀ kɛxɔ̃ɛ wɔawɔa gɛide tɛyɛyɛkɛŋã mɛɛ tsyɛ elo, same eekù mɛ nɛ ɔnɔ petee shu.

Banɔkpɛkpɛ Axɔ̃ɛ 9:15

Pɔ Apaleteɛ etseɖe Anania asɛ, “Gavɛ! Anyɛ alɛ enu anɔ gɛ ibú ɔsɛ tɛ̀ alɔkɔ mɛinyeɛ avɛnɔ bagɛ betinu Yudanɛ nɛ̀ balɛ bekusiɛ nɛ̀ Israel kɛmadiɛ ɔkɔ.

Banɔkpɛkpɛ Axɔ̃ɛ 1:17

Yuda edzi bɔlɔ ɔmayɛmɛ tenikpo, kɛlɛ bakɔɛ ɔzãkɔ nɛ bɔlɔ axɔ̃ɛdɛdɛ alɛ mɛ.”

Kibui Bubú Kasɛ 12:11

Baxɔ̃ɛdɛ aŋã kɛtsɔpɛ nabha ɔgana Obhoshieyiɛ dzyosu nɔ mɛ nɛ̀ yɛibui gbangbã tɛdadalɛ mɛ, bagɛ adɛmɛ nɔ nɛ̀ balɛ ɛkpã adɛ pɛ besì butsí ifu.

Yohanes 1 3:16

Kidzo ɛlɛ abha bɔgã pɛ butì kɛgɛ inu tɛdɛdɛmɛ nɔ, Yesu Kristo alɔkɔ yɛkpã elú akɔ ɔlɔ. Bɔlɔ tsyɛ kɛlɛ sɛ bɔlɔkɔ ɔlɔ ɛkpã lu ɔkɔ ɔlɔ adzya alɛ.

Timoteo 2 1:12

Kliso pɛ ɛmɔ bɔtɔ ɔlɛ asɛ gɛ ɛmɔ ana. Pɔ kiwũi tiyi mɛ, ɔmɔsɛ inyi anunɔ gɛ yɛabha mɛyɛkɛŋã, kɛlɛ ɛyɛkɛŋã sɛ abalà anyanã kibuiɛ gɛ ɛkpɛ yɛahɔɛ ovunɔ ɔvɛnɔ kiwui ɛlɛ nabha.

Koloseanɛ 1:24

Otsi alɛ ɛmɔ samɛ nɛ kɛgɛ ɛlɛ shu mɛtɔ ɔkɔ ɔnɔ, kɛlɛ mɛishu dzya mɛ yuku nɛ̀ kɛgɛ ma mɛahɔɛ nɛ Kristo ɔtɔ shuɔ, ɔmɔsɛ nɛ yɛishu dzya shu soɔ, gɛenu ɔhaa

Efesoanɛ 3:13

Ibisi denɔ wɔnɔ ahɔɛ mɛ sɛ, nɔotì yi idè nɛ mɛ bɔtɔ gɛ ɛtɔ nɛ ɔnɔ shuɔ, gɛ bɔlɛinu wɔnɔ ishu dadalɛ.

Korintoanɛ 2 7:4

Ɛyɛkɛ wɔnɔ abha aŋã, kɛlɛ itũ mɛitelũ nɛ wɔnɔ kɛtakpu. Kemi kpɛkpɛ gbagbla alɛ mɛahɔɛ sɛ nɛ bɔlɔ bɔtɔ gelee mɛ tsyɛ, ɔtɔ̃kɔ nanà ma ɔkɔ mɛ samè mɔmɔ.

Hebrianɛ 10:34

Nɔɔnyɔnɔ awɔ̃ nɛ bagɛ bakpɛ nɛ ɛɖavũ mɛɛ shu, kɛlɛ nɔdɛmɛ bayɛkɛ ɔnɔ ahɔɛ mɛ bɔdɔ̃ tsyɛ nɛ ɔnɔ ahɔɛ faa. Ɔmɔsɛ nonyi ɔsɛ bɔdɔ̃ gbangbã gɛdɛ ɔlɛ bazã ɔnɔ ahɔɛ tihɔɔ kiwui tili.

Tito 2:11

Ɔmɔsɛ Owusoso Akaa tibhui bhuibuɔ gɛ mana tibubuɔ koeyì ɔkɔ banɔ nɔ petee.

Timoteo 2 4:17

Pɔ, Apaleteɛ azã aplɛnɔ mɛ pɛ akpɛ mɛ ohumi, sɛ tɛ ɔgana mɛabhaa, baba ɖɔ kibuiɛ akana, kɛlɛ bagɛ betinu Yudanɛ tsyɛ ebelũ ɛlɛ. Kɛlɛ bebu mɛ edenɔ dzata olugbũ mɛ.

Banɔkpɛkpɛ Axɔ̃ɛ 22:21

“Kɛlɛ Apaleteɛ etseɖe mɛasɛ, ‘Gavɛ, ɛbakpɛ wɔ sɛsɛ fãa nɛ bagɛ etinu Yudanɛ ɔkɔ.’ ”

Tesalonikanɛ 1 3:3

sɛ tɛ ananà atɛba mɔ ɔwɔ̃nyɔnɔ denɔ tifefekeɖi lɛ mɛ. Ɔmɔsɛ nonyi piapii ɔsɛ babhɛtɛ bɔlɔ ɔkɔ tifefekeɖi ebui alɛ.

Tesalonikanɛ 1 2:2

Bɔtɛ mɔ bɔtɔ bafalanɔ pɛ bazakwala bɔlɔ nɛ Filipi, asɛ gɛ nonyi ana, pɔ nɛ bɔlɔ Owusoso Akaa anɔ tɛpɛplɛnɔ mɛɛ, bɔkpɛ kité pɛ ɖɔ yɛibuiɛ tseɖe wɔnɔ nɛ kititì lɔlɔ gagalĩ ɛlɛ mɛ tsyɛ.

Banɔkpɛkpɛ Axɔ̃ɛ 20:21

Ɛdalɛ kɛlɛ mɛ ɔkɔ Yudanɛ nɛ̀ Helanɛ ɔsɛ tɛ betsyina atɔnɔ Owusoso Akaa nɛ̀ balɛ etúɔ tɛ̀ bayɛkɛ Apalete Yesu abha aŋã.

Efesoanɛ 1:6

ɔkɔ yɛinyeɛ tɛkpɛkpɛ nɛitití nɛ̀ tibhui bhuibu dadalɛ gɛ alɔkɔ akɔ ɔlɔ kɛbhɛ mabuia mabuia ɔgana agɛ yɛadɛmɛ nɔ nabha.

Timoteo 2 3:11

kede tɛtɔtɔnɔ, mɛ bɔtɔ mɔmɔ, ebui nɔnɔ ɛdi gɛ laba mɛabha nɛ Antioxia, Ikonio nɛ̀ Listra nɔ, kede tɔtɔnɔ nɔnɔ ɛdi gɛ ɛkpɛ kemi nɛ alɛ mɛ. Pɔ Apaleteɛ ebu mɛ edenɔ alɛ petee mɛ.

Romanɛ 4:4

Onupɛ anɔ teli awɔɛ ɛxɔ̃ɛɛ, yɛbhɛ babuia nɔ tinu asɛ kɛdɔ̃ gɛ balɔkɔ akɔɛ ete, pɔ kinu kibui tɔtɔɖɔ olu nɛ kɛxɔ̃ɛ shu.

Banɔkpɛkpɛ Axɔ̃ɛ 13:25

Kibeɛ gɛ Yohanes aawɔa yɛaxɔ̃ɛ ebekeɛ, aɖɔ asɛ, ‘Afana noɖi ɔsɛ mɛinu? Gɛnɛ mɛinu anɔ alɛ́. Ao, pɔ alɛ miede aba, gɛ ɛgɛ shɔnɔ ɔsɛ tɛ̀ mɛiboele yɛɔtsɛɖɛkɔlɔ ihuiɛ ete tsyɛ.’

Banɔkpɛkpɛ Axɔ̃ɛ 15:7

Gɛ bapɔɛ kɛlɛishu ebekeɛ, Petro alɔ pɛ aɖɔ etseɖe alɛ asɛ, “Mɛadzya alɛ mɔ, nɔbaka asɛ kibe tili gɛba falaa, Owusoso Akaa ebu banɔ teli edenɔ wɔnɔɛshi ɔsɛ tɛ̀ bagɛ etinu Yudanɛ tsyɛ elũ Kibui Gbangbã ɛlɛ odenɔ mɛolugbũ mɛ̀ tɛ̀ bayɛkɛ aŋã.

Banɔkpɛkpɛ Axɔ̃ɛ 18:5

Kibeɛ gɛ Sila nɛ̀ Timoteo ede Makedonia aba, Paulo alɔkɔ yɛishu akɔ kibuiɛ tɛɖɔɖɔ, pɛ adalɛ kɛlɛ mɛ ɔkɔ Yudanɛ ete ɔsɛ Yesu yɛenu Kristoɔ.

Banɔkpɛkpɛ Axɔ̃ɛ 20:23

Inyi sɛ nɛ ɔmahohoe ka nyia ka mɛɛ, Ɔfɔfuĩa Gbangbã ɔkpɛ ɔsha kɔmɛ ɔsɛ ɔɖavũmɛ tɛzazã nɛ̀ ebui gagalĩ mɛbà dɛ mɔ.

Filipianɛ 2:30

ɔmɔsɛ agɔ̃ kɛbɔɛ tɛ etsí nɛ Kristo yɛxɔ̃ɛ shu, gɛ alɔkɔ yɛkpã sɛ tɛ akɔ mɛ tɛpɛplɛnɔ gɛ nɔgɛ là kɔ mɛɛ shu.

Kibui Bubú Kasɛ 6:11

Kɛlɛ balɔkɔ akpɛkpɛ dzlolo fufu akɔ balɛ mɛ anɔ nyia anɔ, kɛlɛ betseɖe alɛ asɛ, bewlui adɔfɔ̃ kɛbɔɛ ɔvɛnɔ kibeɛ gɛ beyí balɛ ɔhagbo baxɔ̃ɛdɛ nɛ̀ balɛ adzya alɛ gɔgɔ̃ɛ nɔ gɛ batɔɖɔ asɛ bebèyíɛ ebeke.

Korintoanɛ 2 4:12

Klisoɔ, butsí wɔa axɔ̃ɛ nɛ bɔlɔ mɛ, pɔ ɛkpã ɛlɛ wɔa axɔ̃ɛ nɛ wɔnɔ xɔnɔ mɛ.