Banɔkpɛkpɛ Axɔ̃ɛ 20:21 - Nyangbo New Testament

²¹ Ɛdalɛ kɛlɛ mɛ ɔkɔ Yudanɛ nɛ̀ Helanɛ ɔsɛ tɛ betsyina atɔnɔ Owusoso Akaa nɛ̀ balɛ etúɔ tɛ̀ bayɛkɛ Apalete Yesu abha aŋã.

Banɔkpɛkpɛ Axɔ̃ɛ 20:21 Referans Kwoze

Banɔkpɛkpɛ Axɔ̃ɛ 2:38

Petro ebuiliulũ asɛ, “Notsyina etúɔ mɛ, tɛ bakpɛ bulĩ akɔ wɔnɔ ɔmayɛmɛ ka nyia ka nɛ Yesu Kristo yɛinye mɛ̀, tɛ balɔkɔ wɔnɔ ebui kpa etsye wɔnɔ. Kɛlɛ nɔbɔ yɛkɛ Ɔfɔfuĩa Gbangbã ɛdɔ̃ kɔkɔ.

Banɔkpɛkpɛ Axɔ̃ɛ 11:18

Gɛ belũ kibui ɛlɛɛ, ananà egefekè kibui nanà, pɔ bakpɛ Owusoso Akaa nɛinye nɛitití pɛ baɖɔ asɛ, “Kɛlɛ́ otsiɛnɔ, Owusoso Akaa akɔ bagɛ̀ betinu Yudanɛ tsyɛ etumɛ tsyitsyina tɛ bamɔ ɛkpã.”

Banɔkpɛkpɛ Axɔ̃ɛ 20:24

Klisoɔ, ɛtɛka lɔkɔ mɛkpã asɛ lɛinu kɛdɔ nanà ɔkɔ mɛ, pɛ ɛtalà kɛxɔ̃ɛ gɛ Apalete Yesu akpɛ mɛahɔɛ wɔa bekeɛ, kɛxɔ̃ɛ gɛ kɛlɛinu ɔsɛ tɛ ɛdalɛ Owusoso Akaa ibuiɛ gɛ kibhui bɔlɔ buɔ shu.

Korintoanɛ 2 7:10

Ɔwɔ̃nyɔnɔ mɔmɔ gɛode Owusoso Akaa mɛɛ, lɔmana kitú mɛ tsyitsyina gɛ gbana anɔ ɔkpɛ kɛtɔwui bubu mɛ gɛ kitinu kibui gɛ dɛ mɛulũ, pɔ kanɔ mɛ ɔwɔ̃nyɔnɔ xɔnɔ lɔmana butsí.

Romanɛ 10:9

Kɛlɛinu ɔsɛ, tɛɔdalɛ kɛlɛ mɛ nɛ wɔolũgbuɔ ɔsɛ, “Yesu enu Apalete,” kɛlɛ ɔyɛkɛ ɔŋã nɛ wɔɛtúɔ mɛ ɔsɛ, Owusoso Akaa efeke edenɔ bekpuɔ mɛɛ, bebè bu wɔ.

Banɔkpɛkpɛ Axɔ̃ɛ 26:18

tɛ̀ ɔkpà balɛ awuhũɔ, tɛ̀ otsyinà alɛ odenɔ otumũ mɛ̀, ɔmana kanɔ dadalɛ mɛ̀, nɛ̀ odenɔ Satana yɛohumi ahɔɛ mɛ̀, ɔmana Owusoso Akaa ɔkɔ. Sɛ tɛ̀ balɔkɔ ebui kpa etsye alɛ, tɛ̀ bamɔ ɔzãkɔ nɛ bagɛ badalɛ balɛ ishu ɔganà mɛabha tɛyɛyɛkɛŋã mɛ.’

Yohanes 1 5:5

Afana gɛenu anɔ gɛ aŋã kanɔ nɔ̀ nabha? Anunɔ gɛ yɛayɛkɛ aŋã sɛ̀ Yesu yɛenu Owusoso Akaa yɛeyiɛ ete.

Banɔkpɛkpɛ Axɔ̃ɛ 26:20

Iputɔ dɛ bagɛ alɛ Damasko ɔkɔ, kɛlɛ ɛbavɛ Yerusalem nɛ̀ Yudea petee, nɛ̀ bagɛ betinu Yudanɛ ɔkɔ tsyɛ, ɛɖɔ kibuiɛ tseɖe balɛ ɔsɛ̀ tɛ betsyina avɛ Owusoso Akaa ɔkɔ, tɛ̀ bakasɛ balɛ tìtsyitsyina ɔganà ebui bhɛbhɛtɛ mɛ.

Yohanes 1 5:1

Anɔ ka nyia ka gɛ ayɛkɛ aŋã sɛ̀ Yesu yɛenu Kristoɔ, enu Owusoso Akaa ayɛ, kɛlɛ aka nyia aka gɛ adɛmɛ nɔ Akaa adɛmɛ nɔ yɛeyiɛ tsyɛ.

Filimon 1:5

ɔmɔsɛ ilũ wɔ tɛyɛyɛkɛŋã nɛ Apalete Yesu abha nɛ̀ wɔtɛdɛdɛmɛ nɔ ɔkɔ bagɛ ayɛkɛ yɛabha aŋãa petee nɔ.

Efesoanɛ 1:15

Nɛ kibui ɛlɛ shu soɔ, odenɔ kibeɛ gɛ ilũ wɔnɔ tɛyɛyɛkɛŋã nɛ Apaleteɛ Yesu abha nɛ̀ wɔnɔ tɛdɛdɛmɛ nɔ ɔkɔ banɔ dadalɛ petee nɔ,

Galatianɛ 2:20

Bakpalà mɛ ɔplɛnɔ Kristo nɛ butsi osiɛ shu kɛlɛ gɛnɛ mɛ kalɛ nɛkpã, pɔ Kristoɔ yɛakpasɛ mɛ mɛ̀. Ɛkpã gɛ ɛlɛ mɛidzinɔ nɛ ishudzya mɛɛ, idzi nɛ ɛlɛ nɛ tɛyɛyɛkɛŋã nɛ Owusoso Akaa Yɛeyianyɛ mɛ, anɔ gɛ adɛmɛ mɛibui pɛ alɔkɔ yɛishu akɔ nɛ mɛtakpu.

Romanɛ 5:1

Kliso gɛ balɔkɔ ɔlɔ asɛ bunu banɔ gbangbã ɔgana tɛyɛyɛkɛŋã mɛɛ, ishu yɔyɔ lɛ ɔlɔ nɛ̀ Owusoso Akaa nɛishi, ɔgana bɔlɔ Apalete Yesu Kristo abha,

Romanɛ 4:24

pɔ ɔkɔ ɔlɔ tsyɛ, gɛ Owusoso Akaa balɔkɔ asɛ bunu banɔ gbangbã, bɔlɔ agɛ yɛkɛ yɛ gɛ efeke Yesu bɔlɔ Apaleteɛ edenɔ bekpu mɛ abha aŋãa.

Romanɛ 1:16

Ɔmɔsɛ Kibui Gbangbã tinu kiwuĩbui ɔkɔ mɛ, ɔmɔsɛ kinu Owusoso Akaa yɛohumi ɔkɔ, anɔ nyia anɔ gɛ ayɛkɛ aŋãa yɛtibubu. Putɔ nɔɔ, ɔkɔ Yudanɛ flogo pɛ bagɛ betinu Yudanɛ.

Banɔkpɛkpɛ Axɔ̃ɛ 17:30

Kuku ibeɛ, Owusoso Akaa ezedzini awɔ̃ atɔɖɔ ebui alɛ gɛ noɔtinyiɛ nabha, pɔ otsiɛ xɔnɔɔ akpɛ ɔsha akɔ aka nyia aka asɛ betsyina nɛ balɛ etúɔ mɛ.

Galatianɛ 3:22

Kibuiɛ gɛ bafɔnɔ eluɔ mɛ dalɛ ɔsɛ, kanɔ nɔ̀ petee alɛ kibui kpa bhɛbhɛtɛ ohumi esi, ɔsɛ tɛ tɛtɔtɔɖɔ luɔ gɛ kpa plɛnɔ Yesu Kristo abha tɛyɛyɛkɛŋã mɛ, dzì bagɛ ayɛkɛ yɛabha ŋã nɛdɔ̃.

Galatianɛ 2:16

bunyi ɔsɛ beti bhui bɔtsyɔa akɔ anɔ nɛ yɛ ɔsha abha tɛbhɛbhɛtɛ shu, pɔ ɔganà tɛyɛyɛkɛŋã nɛ Yesu Kristo abha mɛ. Klisoɔ, bɔlɔ tsyɛ lɔkɔ bɔlɔ tɛyɛyɛkɛŋã kpɛ Kristo Yesu mɛ ɔsɛ tɛ bebhui bɔtsyɔa akɔ ɔlɔ nɛ Kristo abha tɛyɛyɛkɛŋã mɛ, gɛnɛ nɛ ɔsha nabha tɛbhɛbhɛtɛ shu so, ɔmɔsɛ ganà ɔsha nabha tɛbhɛbhɛtɛ mɛɛ, betibe bhui bɔtsyɔa akɔ anɔ nanà.

Korintoanɛ 1 1:22

Yudanɛ ebisi atsyindzyeɛ ebui tɛ̀ bamɔ, kɛlɛ Helanɛ xɔnɔ atɔnɔ bubuti ede,

Romanɛ 2:4

Pɛnɔsɛ mabomabo nɔlɔkɔ ɔkɔɛ nɛ yɛyamɛ gbangbã tɛbhɛbhɛtɛ, yɛemi kpɛkpɛ nɛ̀ yɛtɛdɔdɔ fɔ̃ɔ ɔkɔ ɔnɔɔ shu, pɔ nɔtɛ ɔmɔsɛ yɛyamɛ gbangbã gɛ abhɛtɛɛ kɛkɔ ɔsɛ notsyina etú mɛɛ dza?

Romanɛ 1:14

Kɛxɔ̃ɛ kinu ɔkɔ mɛ sɛ tɛ ibu Helanɛ nɛ̀ bagɛ betinu Helanɛ, bebuitinɛ nɛ̀ bagɛ betinyi ibui.

Banɔkpɛkpɛ Axɔ̃ɛ 28:23

Batɔɖɔ kiwui asɛ tɛ babamɔ Paulo, kɛlɛ balɛ anɔ nɔ̀ gɛaba ebekpe atɔɖɔ nɛ ɛkɛlɛ gɛ Paulo azãa. Odenɔ kɛvɔlɔ vɛnɔ owlagoɔ, ezebu ebui mɛ pɛ adalɛ Owusoso Akaa bukusi ŋaŋã shu kɔ alɛ, kɛlɛ apɛ asɛ tɛ̀ etsyina balɛ ekpeɖekpeɖeɛ mɛ odenɔ Mose ɔshaa nɛ̀ ebuiɖɔluanɛ buplukpa mɛ avɛnɔ Yesu ɔkɔ.

Banɔkpɛkpɛ Axɔ̃ɛ 16:31

Bebuiliulũ asɛ, “Yɛkɛ Apalete Yesu abha ɔŋã kɛlɛ ɔbɔ mɔ ɛkpã, wɔ nɛ̀ wɔ bɔpã mɛ anɛ.”

Banɔkpɛkpɛ Axɔ̃ɛ 10:43

Bebuiɖɔluanɛ pete aɖɔ nɛishu asɛ, anɔ ka nyia ka gɛ ayɛkɛ yɛabha ŋãa, babàlɔkɔ yɛ ebui kpa etsye yɛ gana yɛinye mɛ.”

Banɔkpɛkpɛ Axɔ̃ɛ 8:25

Gɛ baɖɔ kibuiɛ alɔkɔ adalɛ Apaleteɛ shu ebekeɛ, Petro nɛ̀ Yohanes etsodzi etsyina avɛ Yerusalem, pɛ badaaɖɔ kibui gbangbã nɛ Samaria ɛma bhlui gelee nɔ mɛ.

Banɔkpɛkpɛ Axɔ̃ɛ 3:19

Klisoɔ, notsyina etúɔ mɛ, tɛ notsyina ɔvɛ Owusoso Akaa ɔkɔ ɔsɛ tɛ beplu wɔnɔ ebui kpa, ɔmɔsɛ kibe ɛlɛ ɛkpã vɔvɔ titsyitsyina badɛ Apaleteɛ ɔkɔ ɔba.

Banɔkpɛkpɛ Axɔ̃ɛ 2:40

Alɔkɔ ebui bhlatɔ etseɖe nɔ nɛ̀ balɛ, kɛlɛ akɔ balɛ kɛtakpu asɛ, “Nobu wɔnɔ ishu odenɔ kibè kpa kanɔ alɛ mɛ.”

Koloseanɛ 2:5

Ɛma ɔnɔ ɔbha nɛ ishupi mɛ tsyɛ elo, ɛlɛ wɔnɔ ɔbha nɛ ɔfɔfuĩa xɔnɔ mɛ, kɛlɛ ɛpɛ sɛ mɛitì kɛlɛ gɛ wɔnɔ tɛyɛyɛkɛŋã lɛ gagalĩ nɛ Kristoɔ mɛ.

Banɔkpɛkpɛ Axɔ̃ɛ 24:24

Ewui gelee edeɛ, Felike nɛ̀ yɛedzinì Drusila gɛenu Yudadziɛ aba. Akpɛ banɔ nɛ Paulo ɔkɔ kɛlɛ azataatɔ̃ niyɛ kibeɛ gɛ azaɖɔaɖɔ nɛ tɛyɛyɛkɛŋã gɛlɛ Yesu Kristoɔ mɛ shuɔ.

Banɔkpɛkpɛ Axɔ̃ɛ 19:17

Gɛ Yudanɛ nɛ̀ Helanɛ gɛ alɛ Efeso ebelũ kibui ɛlɛ, kifù yialɛ petee, kɛlɛ balɔkɔ kɛtakpu esi kpɛkpɛ hohoe akɔ Apalete Yesu yɛinyeɛ.

Banɔkpɛkpɛ Axɔ̃ɛ 20:23

Inyi sɛ nɛ ɔmahohoe ka nyia ka mɛɛ, Ɔfɔfuĩa Gbangbã ɔkpɛ ɔsha kɔmɛ ɔsɛ ɔɖavũmɛ tɛzazã nɛ̀ ebui gagalĩ mɛbà dɛ mɔ.