Banɔkpɛkpɛ Axɔ̃ɛ 20:19 - Nyangbo New Testament

¹⁹ Ɛlɛkɔ ishu esi zhizhinɔ hohoe nɛ̀ ɛwɔmɛ kpɛ kɛtakpu esi ɔkɔ Apaleteɛ nɔ, gɛ Yudanɛ alɔkɔ kɛtakpu mɛ kpa tɔtɔɖɔ efeke mɛɖi nɔ nyagaa flogo.

Banɔkpɛkpɛ Axɔ̃ɛ 20:19 Referans Kwoze

Koloseanɛ 3:24

ɔmɔsɛ nɔonyi ɔsɛ nɔbɔmɔ kaŋãsi odenɔ Apaleteɛ ɔkɔ asɛ kɛbhɛ babuia ana. Apalete Yesu nɔ ɔkpɛ ɛtakpu esi ɔkɔ.

Korintoanɛ 2 2:4

Ɔmɔsɛ ɔwɔ̃nyɔnɔ gbagbla, kibui tɔtɔɖɔ anɔ abha nɛ̀ ɛwɔmɛ mɛ̀ mɛlɔkɔ fɔnɔ ebui alɛ kɔ wɔnɔ nɔ, gɛnɛ sɛ tɛ ɛkpɛ wɔnɔ ɔmɔpɔɛ nɔ, pɔ tɛ nɔmɔ mɛ tɛdɛdɛmɛ nɔ gbagbla ɔkɔ wɔnɔ.

Romanɛ 12:11

Nɔtɛ shrɛrɛ nɛ wɔnɔ axɔ̃ɛ wɔawɔa mɛ, pɔ nɔkɔ kifu zã wɔnɔ mɛ nɛ ɔfɔfuĩa nɔ mɛ, ɔkɔ axɔ̃ɛ dɛdɛ ɔkɔ Apaleteɛ.

Banɔkpɛkpɛ Axɔ̃ɛ 20:3

ɛkɛlɛ yɛazã bewoele tatá. Ɔmɔsɛ Yudanɛ atɔɖɔ kibui kpa nɛishu kibeɛ gɛ apɛ asɛ tɛ̀ eku kelĩabhaohu avɛ Siria, klisoɔ atɔɖɔ asɛ etsodzi adɛgã Makedonia.

Korintoanɛ 2 7:5

Ɔmɔsɛ gɛ bɔba Makedonia nɔ, bɔlɔ ishudzya ɛlɛ gimoele ɖi, pɔ bazã kpɛ bɔlɔ buluhũ nɛ kɛka nyia ka bhɛbhɛtɛ shu, ebela pɛpɛ ebui nɛ ɔtɔ̃ɔ, kɛmana kifu sisi nɛ bɔlɔ etúɔ mɛ.

Yakobo 1:2

Mɛadzya alɛ mɔ, onupɛ tifefekeɖi ediedi aba ɔnɔ abhaa, nɔkɔ ilidzi same ibui kɔ ɔnɔ,

Filipianɛ 3:18

Ɔmɔsɛ, asɛ gɛ izi tseɖe ɔnɔ bafalanɔ, pɛ ɛkaɖɔ ɛlɛ nɛ̀ ɛwɔmɛɛ, banɔ kpekpèɛ edzi nɛ̀ ɛkpã asɛ banɔ gɛ agɛ dɛmɛ Kristo yɛutsi osiɛ.

Efesoanɛ 6:7

Nɔkpɛ kɛtakpu esi nɛ̀ wɔnɔ etúɔ nyɔ̃ɔ, asɛ gɛ onupɛ Apaleteɛ nɔkpɛ̀ ketakpu esi ɔkɔ ana, gɛnɛ banɔ,

Galatianɛ 1:10

Banɔ mɛpɛ otsiɛ ɔsɛ baɖɔ atɔɖɔ mɛibuiɛ nabha pɛnɔsɛ Owusoso Akaa dza? Pɛnɔsɛ banɔ mɛpɛ ɔsɛ tɛ mɛiku alɛ awɔ̃ dza? Onupɛ ɛka pɛ ɔsɛ tɛ mɛiku banɔ awɔ̃ɔ, kɛlɛ ɛtɛ balà dzi axɔ̃ɛdɛ ɔkɔ Kristo.

Korintoanɛ 2 3:5

Etinu asɛ gɛ bɔna nɛ kɛxɔ̃ɛ dɛdɛ mɛ ɔsɛ tɛ bɔyɛkɛ kɛdɔ̃ nanà kɔ bɔlɔshu, pɔ Owusoso Akaa yɛakɔ bɔlɔ kɛxɔ̃ɛ gbangbã tɛwɔawɔa ɛlɛ nɛidi.

Banɔkpɛkpɛ Axɔ̃ɛ 20:31

Kliso nɔzã nɛ̀ awɔ̃! Nɔbakà ɔsɛ̀ nɛ agɔ tatá mɛɛ, ɛgɛ yɔlɔ ɔsha kpɛkpɛ kɔ wɔnɔ nɛ̀ ɛwɔmɛ bibi mɛ elishi nɛ̀ kemuze.

Petro 2 1:1

Mɛ Simon Petro, gɛinu Yesu Kristo yɛaxɔ̃ɛdɛ nɛ̀ anɔkpɛkpɛ, Mɛ fɔnɔ keplukpa alɛ sɛsɛ, bagɛ ɔganà ebui gbangbã bhɛbhɛtɛ mɛ ɔkɔ bɔlɔ Owusoso Akaa nɛ̀ Yesu Kristoɔ gɛebu ɔlɔ bayɛkɛ tɛyɛyɛkɛŋã ɛlɛ gɛ yɛkɛ edzi asɛ bɔlɔ ɛyɛ ana.

Petro 1 1:6

Nɛ alɛ mɛ nɔmɔ same hohoe, pɔ otsiɛ nɔ, agɔ kibè gulũi gɛ nɔbɔ mɔ̃ ɔwɔ̃nyɔnɔ nɛ tifefekeɖi ediedi mɛ.

Tesalonikanɛ 1 1:9

ɔmɔsɛ batɛɖɔ kɛlɛ nɛ balɛishu ahɔɛ mɛ nɛ kana gɛ nɔyɛkɛ bɔlɔ shu. Betseɖe bɔlɔ nɛ kana gɛ notsyina odenɔ ibudiɛ ɔkɔ pɛ nɔba ɔsɛ tɛ nɔkpɛ kɛtakpu esi ɔkɔ Owusoso Akaa gbangbã gɛ alɛ nɛ ɛkpãa pɛ enu enunuɔ,

Romanɛ 1:9

Owusoso Akaa, anunɔ gɛ yɛaxɔ̃ɛ mɛdɛ nɛ̀ mɛitúɔ nyɔ̃ɔ nɛ Yɛeyi Nɛibui Gbangbã tɛɖɔɖɔ mɛɛ, yɛabà dalɛ mɛishu nɛ kɛbakà gɛ ɛbakà wɔnɔɛbui ibe nyiɛ beɛ

Romanɛ 1:1

Mɛ Paulo, Kristo Yesu yɛaxɔ̃ɛdɛ gɛ bekulu asɛ tɛ edzi anɔkpɛkpɛ, pɛ bebu elu akɔ Owusoso Akaa Ibui Gbangbã.

Banɔkpɛkpɛ Axɔ̃ɛ 27:23

Kivũɔ elishiɛ, Owusoso Akaa axɔ̃ɛdɛ teli gɛ ɛkpɛ kɛtakpu esì ɔkɔɔ ebu yɛishu akasɛ mɛ

Banɔkpɛkpɛ Axɔ̃ɛ 17:13

Kibeɛ gɛ Yudanɛ gɛ alɛ Tesalonika elũ asɛ Paulo aɖɔ Owusoso Akaa nɛibuiɛ nɛ Beroea nɔ, bavɛ ɛkɛlɛ tsyɛ, kɛlɛ badaakpɛ ebelà nɛ balɛishi.

Kibui Bubú Kasɛ 7:15

Kliso pɛ, balɛ Owusoso Akaa ekusiegbuɔ otugbà pɛ badɛ yɛaxɔ̃ɛ nɛ yɛuvũɔ mɛ kemuze nɛ̀ elishi, kɛlɛ anunɔ gɛ edzi ekusiegbu nabha ebefe yɛpɔtɛ agba nɛ balɛ abha.

Timoteo 2 1:4

Ɛbakà ɛwɔmɛ gɛ ozobiɛ, kinu mɛ tɛpɛpɛ sɛ tɛ ɛmɔ wɔ, sɛ tɛ same eku mɛ tsyɛ.

Banɔkpɛkpɛ Axɔ̃ɛ 17:5

Pɔ kabhã wɔawlɔakɛ afala eku Yudanɛ teli mɛ, kliso bagbana banɔ kpa teli nɛ kedziɛ mɛ pɛ babhɛtɛ kɛza tili gɛ ɔmɔpɔɛ ɔzã balɛ mɛ, pɛ badɛkpɛ kititì lɔlɔ esi nɛ ɔmamɛ. Bebu tɛtsɛɖɛmɛ avɛnɔ Yason bɔpã mɛ tɛ̀ badɛpɛɛ Paulo nɛ̀ Sila tɛ bagbana alɛ amana banɔɛza ɔkɔ.

Banɔkpɛkpɛ Axɔ̃ɛ 21:27

Gɛ ewui tegegeneɛ ebelè ebèkeɛ, Yudanɛ teli gɛede Asia bɔdɔ̃ mɛ adɛmɔ Paulo nɛ Akaavũɔ mɛ. Betsú kifu akpɛ banɔ nɔ petee mɛ kɛlɛ bedivũ yɛ,