Banɔkpɛkpɛ Axɔ̃ɛ 2:47 - Nyangbo New Testament

⁴⁷ pɛ bazakpɛ Owusoso Akaa nɛinyè nɛitití kɛlɛ balɛ ebuiɛ ezeku banunɔ petee awɔ̃. Kɛlɛ Apaleteɛ akɔ bagɛ ayɛkɛ elú nɛkpã abaplɛnɔ balɛ bekpè atɔɖɔ kiwui nyia wui.

Banɔkpɛkpɛ Axɔ̃ɛ 2:47 Referans Kwoze

Banɔkpɛkpɛ Axɔ̃ɛ 16:5

Kliso bakɔ ɔhaa amɔ ohumi nɛ balɛ tɛyɛyɛkɛŋã mɛ kɛlɛ balɛ tɛkaklà mɛ zikpè tɔɖɔ kibe nyia be.

Korintoanɛ 1 1:18

Butsi osiɛ shu ebuiɛ enu bɔga ebui ɔkɔ bagɛ bayalàa, pɔ bɔlɔ bagɛ baayɛkɛ elu nɛkpã xɔnɔɔ, lɛenu Owusoso Akaa ohumi ɔkɔ bɔlɔ.

Banɔkpɛkpɛ Axɔ̃ɛ 2:41

Batɛkpɛ bulĩ akɔ bagɛ ayɛkɛ yɛibuiɛ, kɛlɛ balɔkɔ banɔ asɛ ihotu tɛta aplɛnɔ balɛ tɛkaklà mɛ kiwui ɛlɛ.

Banɔkpɛkpɛ Axɔ̃ɛ 2:39

Tɛtɔtɔɖɔ ɛlɛ lɛ ɔkɔ wɔnɔ nɛ̀ wɔnɔ beyi alɛ nɛ̀ bagɛ balɛ kitsí fãa nɔ, gɛ benu banɔ nɔ nyɔ̃ɔ gɛ bɔlɔ Apaleteɛ Owusoso Akaa ebekuluɔ.”

Romanɛ 14:18

Ɔmɔsɛ anunɔ gɛ akpɛ ɛtakpu esi akɔ Kristo nɛ idzo ɛlɛ nɛidi abhaa yɛibui Owusoso Akaa adɛmɛ nɔ, kɛlɛ banɔ tsyɛ adɛmɛ atɔɖɔ kɛlɛ abha.

Banɔkpɛkpɛ Axɔ̃ɛ 11:24

Barnaba edzi anɔ gbangbã teli gɛ̀ Ɔfɔfuĩa Gbangbã ɔzã yɛmɛ̀ pɛ̀ ayɛkɛ aŋã, kɛlɛ bagbana banɔ kpekpè teli amana Apaleteɛ ɔkɔ.

Banɔkpɛkpɛ Axɔ̃ɛ 13:48

Gɛ bagɛ etinu Yudanɛ elũ kibui ɛlɛ, same eku balɛ kɛlɛ bakpɛ Apalete nɛibuiɛ nɛitití, kɛlɛ bagɛ Owusoso Akaa ebu elu akɔ ɛkpã tihɔɔ nɔ mɛ tsyɛ ayɛkɛ aŋã.

Romanɛ 9:27

Yesaya azakpɛ ozĩ nɛ Israel itakpu asɛ, “Gɛ Israelanɛ tɛkaklà kpè asɛ ayisɛ nɛ aƒu nɔtɔ̃ tsyɛ elo, banɔ gɛ bebu eluɔ ete ko.

Romanɛ 8:30

Bagɛ balɛishu yɛabhɛtɛ tɛtɔtɔɖɔ ɛlɛ elu akɔɔ, balɛ tsyɛ yɛekulu, bagɛ ekuluɔ balɛ tsyɛ yɛebhui utsyɔa akɔ, kɛlɛ bagɛ balɛ yɛebhui utsyɔa akɔɔ, balɛ tsyɛ shu yɛadalɛ.

Banɔkpɛkpɛ Axɔ̃ɛ 4:21

Gɛ bazakpɛ alɛ ɛkpã nɛifu ebekeɛ, bashɛnɛ ahɔɛ nɛ balɛishu. Bagɛ là atɔɖɔ kɛklagbu nɛ batɔ̃ pɔpɔ̃ ɔkɔ balɛ shu ɔmɔsɛ banunɔ nyɔ̃ɔ azakpɛ Owusoso Akaa nɛinyè nɛitití nɛ kɛgɛ ba ɛlɛ mɛ shu.

Banɔkpɛkpɛ Axɔ̃ɛ 4:33

Nɛ ohumi gbagbla mɛɛ, banɔkpɛkpɛ azaɖɔaɖɔ adalɛ Apalete Yesu tɛlɔlɔ odenɔ bekpuɔ mɛ shu, kɛlɛ bebhui balɛ petee ebú.

Banɔkpɛkpɛ Axɔ̃ɛ 4:4

Pɔ, banɔ kpekpèɛ gɛelũ balɛ ibui ɖɔɖɔɔ ayɛkɛ aŋã, kɛlɛ banunɔ tɛkaklà mɛ bakpè tɔɖɔ asɛ ihotu titì ana.

Banɔkpɛkpɛ Axɔ̃ɛ 6:1

Nɛ ewui alɛ mɛ, gɛ badɔkpasɛanɛ tɛkaklà mɛ zikpè tɔɖɔɔ, Helanɛ gɛenu Yudanɛ gɛazã balɛishiɛ bazakpamɛ ishu nɛ Hebrianɛ gɛenu Yudanɛ shu, ɔmɔsɛ beebhui Helanɛ bavɛvɛ edzyini alɛ bho kibe nyia be nɛ bɔŋaŋã tibubú ɔkɔ alɛ mɛ.

Banɔkpɛkpɛ Axɔ̃ɛ 6:7

Kidzo ɛlɛ nabha Owusoso Akaa ibuiɛ yɛɛvɛ, kɛlɛ badɔkpasɛanɛ nɛ Yerusalem bezekpè atɔɖɔ ziazia, kɛlɛ banɔlũazazã kpekpè teli ebelũ batɔ esi akɔ tɛyɛyɛkɛŋã.

Banɔkpɛkpɛ Axɔ̃ɛ 9:31

Kɛlɛ ɔhaa petee gɛzã Yudea, Galilea nɛ̀ Samaria ɔdɔ̃ mɛɛ abamɔ ishu yɔyɔ nɛ kibè ɛlɛ. Ɔfɔfuĩa Gbangbã ɔkpɛ kemì ɔkɔ ɔhaa, kɛlɛ ɔhamɛ banunɔ ekpè atɔɖɔ kɛlɛ bazã nɛ̀ ɛkpã pɛ beesi Apaleteɛ nifù.

Banɔkpɛkpɛ Axɔ̃ɛ 9:35

Bagɛ bazã Lida nɛ̀ Saron kibeɛ bamɔ yɛ kɛlɛ betsyina atɔnɔ Apaleteɛ.

Banɔkpɛkpɛ Axɔ̃ɛ 11:21

Apaleteɛ ɔhɔɛ ɔzã balɛ abha, kliso banɔ kpekpè teli ayɛkɛ aŋã pɛ betsyina avɛ Apaleteɛ ɔkɔ.

Banɔkpɛkpɛ Axɔ̃ɛ 14:1

Nɛ Ikonio nɔ, Paulo nɛ̀ Barnaba avɛ Yudanɛ ɔtsyɔakɔ asɛ gɛ babhɛtɛɛ ana. Ɛkɛlɛ badɛ ɖɔ kaɖɔ nɛ̀ ohumi, gɛ kɛkɔ ɔsɛ banɔ kpekpèɛ gɛenu Yudanɛ nɛ̀ bagɛ etinu Yudanɛ tsyɛ ayɛkɛ aŋã.

Banɔkpɛkpɛ Axɔ̃ɛ 14:21

Baɖɔ Kibui Gbangbã nɛ Derbe, kɛlɛ bamɔ badɔkpasɛnɛ kpekpè teli nɛ ɛkɛlɛ. Kidegba betsyina adɛgã Listra, Ikonio nɛ̀ Antioxia,

Banɔkpɛkpɛ Axɔ̃ɛ 17:12

Yudanɛ kpekpèɛ ayɛkɛ aŋã, kana ɛzãkɔ elete gɛenu Helanɛ badzɛ nɛ̀ ɛzakɔ elete banyɛ tsyɛ ayɛkɛ aŋã.