Banɔkpɛkpɛ Axɔ̃ɛ 2:46 - Nyangbo New Testament

⁴⁶ Bazatɔ̃ kɛtakpu nɛ Owusoso Akaavũɔ shu kibe nyia be. Bazaŋã bɔdɔ̃ nɛ kesugba tienikpo mɛ nɛ balɛ bapãmɛ nɛ same nɛ̀ etú dadalɛ mɛ,

Banɔkpɛkpɛ Axɔ̃ɛ 2:46 Referans Kwoze

Banɔkpɛkpɛ Axɔ̃ɛ 5:42

Keliza, elizaa mɛɛ, banɔkpɛkpɛ azã bɔdɔ̃ kakasɛ nabha nɛ akaavũɔ shu, nɛ̀ odenɔ bɔpã mɛ ɔvɛnɔ bɔpã mɛ, kɛlɛ bagɛ zɔkɔ yɔlɔ nɛ̀ balɛ bɔdɔ̃ kakasɛ nɛ̀ kibui gbangbã tɛɖɔɖɔ ɔsɛ Yesu yɛenu Kristoɔ.

Banɔkpɛkpɛ Axɔ̃ɛ 2:42

Balɔkɔ balɛishu ashɔkpɛ banɔkpɛkpɛ bɔdɔ̃ kakasɛ nɛ̀ ɔha kpɛkpɛ mɛ, ɔvɛnɔ kifufulũɔ tɛyaya nɛ̀ Owusoso Akaa tikukulu mɛ.

Banɔkpɛkpɛ Axɔ̃ɛ 20:7

Nɛ ɔgɔnɛ ɔlɛ kiwuiɛ gɛiputɔ nabhaa, bɔba shogò ɔkɔ bɔlɔ ɔhakpɛkpɛ ɔdɔ̃ ŋaŋã. Paulo azaɖɔaɖɔ ɔkɔ banunɔ ɔmɔsɛ atɔɖɔ ɛlɛ asɛ abashɛ nɛ kelizaza mɛ, kliso azaɖɔaɖɔ idiyinɔ elishi tetì.

Korintoanɛ 2 1:12

Pɔ otsiɛ nɔ butũ kitélũ ɔsɛ, bɔlɔ kitú mɛ ebui etseɖe bɔlɔ ɔsɛ bɔnyãna bɔlɔ shu piapii nɛ kanɔ nɔ̀ mɛ, asɛ kana gɛ bɔkpɛ ɔha nɛ̀ wɔnɔ, nɛ tɛdadalɛ kibui gɛlɛ kɛlɛ ɔzãkɔ tɛɖɔɖɔ kide Owusoso Akaa ɔkɔ. Gɛnɛ kesiakpa abha bubutì bɔlɔkɔ bhɛtɛ ebui alɛ nɔ, pɔ nɛ Owusoso Akaa tibhui bhuibu mɛ boŋ.

Banɔkpɛkpɛ Axɔ̃ɛ 16:34

Ɔɖavũ abha eɖiɖieleteɛ agbana balɛ avɛnɔ yɛɔpã mɛ pɛ edidzu ɔkpɔlɔ̃ akɔ alɛ, same mɔmɔ eku yɛmɛ ɔmɔsɛ ayɛkɛ Owusoso Akaa nabha ŋã, yɛ nɛ̀ yɛɔpã mɛ anɛ petee.

Koloseanɛ 3:22

Banɔ dzidziɛ, nɔolũ atɔ̃ ɔkɔ wɔnɔ kesiakpa abha apaleteɛ nɛ kɛka nyia ka mɛ, nɔtɛ bhɛtɛ ɛlɛ sɛ gɛ balɛ awuhũɔ etsiɖi wɔnɔ abha tɛ nɔoku alɛ awɔ̃ so, pɔ nɔbhɛtɛ ɛlɛ odenɔ ɛyamɛ nɛ̀ kitu gbangbã mɛ tɛ nɔlɔkɔ ɔkpɛ kɛtakpu esi ɔkɔ Apaleteɛ nɔ.

Romanɛ 12:8

onupɛ anɔ teli yɛyɛ́ kɛlinu sɛ tɛ akpɛ banɔ emiɛ, nɔkɔ yɛakpɛ banɔ emi, anunɔ gɛ àkɔ bagɛ kɛdɔ̃ nanà ma balɛ ahɔɛɛ, azakɔ balɛ nɛ̀ ɛyamɛ gbangbã, onupɛ banɔ gbagbana ɛxɔ̃ɛ anunɔ ayɛkɛ, agbana banunɔ piapii, kɛlɛ onupɛ ashagabui ɖiɖi anunɔ ayɛkɛ tsyɛɛ, eɖi ashagabuiɛ nɛ same mɔmɔ mɛ.

Korintoanɛ 2 11:3

Pɔ kifu yimɛ sɛ asɛ kana gɛ eblidzya alɔkɔ bɔshɛ edzo awɔɛ Eva nɔ, babà tsyina wɔnɔ tsyɛ ekpeɖekpeɖe mɛ ashɛnɛ nɛ wɔnɔ kibui gbangbã tɛbhɛbhɛtɛ nɛ̀ wɔnɔ ishu tɛlɔlɔkɔ ɔkɔ Kristoɔ shu.

Banɔkpɛkpɛ Axɔ̃ɛ 5:21

Kelizaza nɛvɔlɔɔ, banɔkpɛkpɛ avɛ Owusoso Akaavũɔ shu kɛlɛ bakpà banunɔ bɔdɔ̃ ɔkasɛ asɛ gɛ betseɖe alɛ ana. Gɛ banɔlũazazã gbagbla nɛ̀ yɛɔbhia alɛ ebekuɔ, bekulu ɔhamɛesheshèɛ, gɛinu banɔ sheshè kɛzaa petee nɛ Israel, kɛlɛ bakpɛ banɔ nɛ banɔkpɛkpɛ gɛbakpɛ nɛ ɔɖavũɔ ɔkɔ.

Banɔkpɛkpɛ Axɔ̃ɛ 3:1

Kiwui tinikpo Petro nɛ̀ Yohanes baavɛ Akaavũɔ mɛ, nɛ kibeɛ gɛ bekulu Owusoso Akaa-gɛenu kemuze ɛɖa tɛta mɛ ana.

Efesoanɛ 6:5

Banɔ dzidzi mɔ, nɔolũ atɔ̃ ɔkɔ ɔnɔ esiakpa abha apaleteɛ nɛ kɛtakpu esi kpɛkpɛ nɛ̀ kifu sisi mɛ, nɛ wɔnɔ etú dadalɛ mɛ, asɛ kana gɛ nobolũ atɔ̃ ɔkɔ Kristo ana.

Korintoanɛ 1 10:16

Ahɔɛhuhu kayintse nɔ gɛ bɔlɔkɔ huahɔɛ nɔ pɔ, gɛnɛ gɛ bɔlɔkɔ tili nɛ Yesu dzyosu nɔ mɛ soɔ dza? Bɔŋaŋã gɛ bɔya tsyɛ pɔ, butinu tili gɛ bɔlɔkɔ nɛ Kristo ishupiɛ shuɔ so dza?