Banɔkpɛkpɛ Axɔ̃ɛ 2:42 - Nyangbo New Testament

⁴² Balɔkɔ balɛishu ashɔkpɛ banɔkpɛkpɛ bɔdɔ̃ kakasɛ nɛ̀ ɔha kpɛkpɛ mɛ, ɔvɛnɔ kifufulũɔ tɛyaya nɛ̀ Owusoso Akaa tikukulu mɛ.

Banɔkpɛkpɛ Axɔ̃ɛ 2:42 Referans Kwoze

Hebrianɛ 10:25

Nɔtɛkɔ bɔshɛnɛ ahɔɛ nɛ tɛtsyɔatsyɔa itsu shu, ɔmɔ asɛ kɛbhɛtɛ gɛ beteli baabhɛtɛ ana, pɔ nɔkɔ bɔkpɛ bagɔlɔ emi, kɛlɛ nɔbhɛtɛ ɛlɛ ɔtɔɖɔ ɔdɛ, gɛ nɔɔ mɔ ɔsɛ Kiwuiɛ tso ubaa.

Banɔkpɛkpɛ Axɔ̃ɛ 1:14

Banɔ alɛ nyɔ̃ɔ abhɛtɛ tenikpo nɛ Owusoso Akaa tikukulu mɛ kibe nyia be ɔplɛnɔ badzɛ, nɛ̀ Maria gɛenu Yesu yɛelĩ nɛ̀ yɛadzya alɛ.

Yohanes 1 1:3

Bɔɖɔ ebuiɛ gɛ bɔmɔ pɛ bulũɔ tseɖe wɔnɔ, sɛ tɛ̀ wɔnɔ tsyɛ nɔzã ɔhakpɛkpɛ mɛ̀ nɛ ɔlɔ. Kɛlɛ bɔlɔ ɔhakpɛkpɛ nɛ̀ Akaa nɛ̀ Yɛeyì anyɛ Yesu Kristo

Yohanes 1 1:7

Pɔ onupɛ bɔgã nɛ tɛdadalɛ mɛɛ, asɛ kana gɛ yɛtsyɛ agã nɛ tɛdadalɛ mɛ anaa, kɛlɛ bɔkpasɛ ɔhakpɛkpɛ mɛ nɛ̀ bagɔlɔ, kɛlɛ Yɛeyì Yesu dzyosu nɔ, abadalɛ bɔlɔ shu nɛ ebui kpa ka nyia ka mɛ.

Banɔkpɛkpɛ Axɔ̃ɛ 2:46

Bazatɔ̃ kɛtakpu nɛ Owusoso Akaavũɔ shu kibe nyia be. Bazaŋã bɔdɔ̃ nɛ kesugba tienikpo mɛ nɛ balɛ bapãmɛ nɛ same nɛ̀ etú dadalɛ mɛ,

Banɔkpɛkpɛ Axɔ̃ɛ 20:7

Nɛ ɔgɔnɛ ɔlɛ kiwuiɛ gɛiputɔ nabhaa, bɔba shogò ɔkɔ bɔlɔ ɔhakpɛkpɛ ɔdɔ̃ ŋaŋã. Paulo azaɖɔaɖɔ ɔkɔ banunɔ ɔmɔsɛ atɔɖɔ ɛlɛ asɛ abashɛ nɛ kelizaza mɛ, kliso azaɖɔaɖɔ idiyinɔ elishi tetì.

Efesoanɛ 6:18

Kɛlɛ nɔokulu Owusoso Akaa nɛ Ɔfɔfuĩa nɔ mɛ kibe nyia be nɛ̀ Owusoso Akaa tikukulu nɛ̀ tibibisi ka nyia ka ɛdi. Gɛ alɛ akpasɛ wɔnɔ kɛtakpuɔ mɛ soɔ, nɔzã nɛ̀ awɔ̃ tɛ nɔzã Owusoso Akaa tikukulu abha ɔkɔ bagɛ ayɛkɛ aŋã petee.

Yuda 1:20

Pɔ mɛbhia alɛ gɛ ɛdɛmɛ nɔ xɔnɔ, nɔbhɔ wɔnɔ shu owunɔ kabha nɛ wɔnɔ ishu dadalɛ tɛyɛyɛkɛŋã mɛ̀, tɛ̀ nokulu Owusoso Akaa nɛ Ɔfɔfuĩa Gbangbã mɛ̀.

Koloseanɛ 4:2

Nɔzã ɛlɛ abha tɛ nozo kulu Owusoso Akaa, nɔzã nɛ̀ awɔ̃ tɛ̀ nɔ ozohu ahɔɛ.

Koloseanɛ 1:23

onupɛ nɔzã ɛlɛ abha nɛ ɔnɔ tɛyɛyɛkɛŋã mɛ, pɛ nɔodzi gagalĩ, pɛ nɔgɛ shɛ nɛ wɔnɔ kidzo mɛ ɖiɖiɛ gɛlɛ kibui gbangbã mɛ shu. Kibui gbangbã ɛlɛ gɛ nɔolũɔ baɖɔ etseɖe kɛdɔ̃ bhɛbhɛtɛ ka nyia ka gɛ lɛ kitití niesi, pɛ kɛlɛ shu mɛ Paulo badzi axɔ̃ɛdɛ ɔkɔɔ.

Timoteo 2 3:14

Pɔ wɔ xɔnɔɔ, zã ɛlɛ abha ɔzɔbhɛtɛ kɛgɛ ɔkpasɛ, pɛ olũ kɛlɛ esiɛ, ɔmɔsɛ onyi banɔ alɛ gɛ balɛ ɔkɔ wɔ kpasɛ alɛ odenɔ,

Efesoanɛ 2:20

gɛ bedzu atɔɖɔ banɔkpɛkpɛ nɛ̀ ebuiɖɔluanɔ balɛ ebui nabha, ɔplɛnɔ Kristo Yesuɔ gɛ yɛenu odekrekpu ɛklagbu hohoeɛ.

Banɔkpɛkpɛ Axɔ̃ɛ 14:22

pɛ bazakpɛ badɔkpasɛnɛ ohumi nɛ̀ kemi tɛ̀ bazã tɛyɛyɛkɛŋã gɛinu kibui gbã nabha. “Kɛlɛ ɔsɛ bɔgã bɔtɔ̀ gele mɛ flogo tɛ bɔmɔ kidzo ɔvɛ Owusoso Akaa bukusi ŋaŋã mɛ.”

Banɔkpɛkpɛ Axɔ̃ɛ 6:4

tɛ kɛkɔ bɔmɔ kibè ɔkɔ Owusoso Akaa tikukulu nɛ̀ yɛibuiɛ tɛɖɔɖɔ.”

Banɔkpɛkpɛ Axɔ̃ɛ 4:31

Gɛ bekulu Owusoso Akaa ebekeɛ, ɛkɛlɛ gɛ beshogò azã oshukù. Kɛlɛ Ɔfɔfuĩa Gbangbã oyuku balɛ petee mɛ kɛlɛ baɖɔ Owusoso Akaa nɛibuiɛ nɛ bupù hohoe mɛ.

Korintoanɛ 1 10:21

Otibɔ la ɔwɔɛ nɛ Apaleteɛ kayintse nulũ nɛ ɔfɔfuĩa zizĩ tsyɛ kayintse nulũ, kana otibɔ là ɔzã Apaleteɛ ɔkpɔlɔ̃ nɔ shu pɛ ɔzɔbɔ zã ɛfɔfuĩa zizĩ ɛlɛ ɔkpɔlɔ̃ nɔ tsyɛ ishu.

Romanɛ 12:12

Awɔ̃ lulu azã wɔnɔ same mɔmɔ mɛ, tɛdɔdɔ fɔ̃ɔ nɛ banɔ luhũ ikpɛ ibe, nɔlɔkɔ tɛyɛyɛkɛŋã okulu Akaa nɔ.

Hebrianɛ 10:39

Bɔlɔ xɔnɔ bɔma banunɔ gɛ betsodzi etsyina avɛ ideɛ pɛ betsíɛ nɛishi, pɔ bɔlɔ nu bagɛ ayɛkɛ aŋã, pɛ bebu ɔlɔ.

Banɔkpɛkpɛ Axɔ̃ɛ 11:23

Gɛ ediku pɛ amɔ asɛ kibui gbã kinu ɔsɛ Owusoso Akaa ebhui balɛ ebuɔ, same ekui, kɛlɛ akpɛ balɛ petee kemi asɛ tɛ̀ balɔkɔ̀ balɛ etúɔ nyɔ̃ɔ azã nɛ̀ ɛkpã ɔkɔ Apaleteɛ.

Korintoanɛ 1 11:2

Ɛkpɛ wɔnɔ kinyè nɛitití nɛ kɛbakà gɛ nɔbaka mɛ nɛ kɛka nyia ka mɛ, nɛ̀ kana gɛ nɔnyanã bɔdɔ̃ kakasɛ mɛ ovunɔ asɛ kɛkasɛ gɛ ɛkasɛ wɔnɔ ana.

Banɔkpɛkpɛ Axɔ̃ɛ 20:11

Kɛlɛ ezewu avɛ kabha buvũɔ mɛ, pɛ adɛya kifufulũ nɔ atã. Gɛ aɖɔaɖɔ pɛ keliɛ azaa, abashɛ.

Yohanes 1 2:19

Bekoeyì nɛ bɔlɔ ishi, pɔ betinù banɔ tsyɛ gɛ akpasɛ bɔlɔ ishi. Ɔmɔsɛ pɛ otɛ ɔsɛ bɔlɔ ishi bakpasɛɛ, tsyɛ alo batɛ azã bɔlɔ mɛ̀, pɔ balɛ tɛshɛshɛ kasɛ sɛ̀ balɛ ɔmayɛmɛ nanà ama bɔlɔ ishi.

Galatianɛ 1:6

Kɛbhɛtɛ mɛibi ɔsɛ tsiɔ̃ ɔlɛ koɔ, nɔ vɛlɛ shɛnɛ ahɔɛ nɛ anunɔ gɛ yɛekulu ɔnɔ amana Kristo yɛ tibhui bhuibuɔ mɛ shu olú, pɛ nɔ otsyina ɔvɛ ebui bhlatɔ gɛ bafɔnɔ eluɔ shu,

Banɔkpɛkpɛ Axɔ̃ɛ 4:23

Gɛ bashɛnɛ ahɔɛ nɛ Petro nɛ̀ Yohanes shu koɔ, betsyina aba balɛ ɔhayɛ nɛishi kɛlɛ badɛkɔ balɛ tititì nɛ kɛgɛ banɔlũazazã gbagbla, nɛ̀ besheshèɛ etseɖe balɛ shu.

Korintoanɛ 1 14:6

Mɛadzya alɛ, otsiɛnɔ onupɛ ɛba wɔnɔ ɔbhà pɛ ihu beluhũ vɔvɔɔ, kɛgbangbã ɖuwoe mɛbadzì ɔkɔ wɔnɔ, ɔdɛ ɔsɛ ɛmanà wɔnɔ kibui tili gɛ bebu akasɛ mɛ alo kibuititì alo kibui gɛ baɖɔ eluɔ alo kibui gɛ baɖɔ alɔkɔ akpalà banɔ nɔ dza?

Filipianɛ 1:5

nɛ wɔnɔ ɔha axɔ̃ɛ nɛ̀ kibui gbangbã mɛ odenɔ kiwuiɛ gɛiputɔ nabha ɔlɔkɔ mana otsiɛ,