Banɔkpɛkpɛ Axɔ̃ɛ 2:39 - Nyangbo New Testament

³⁹ Tɛtɔtɔɖɔ ɛlɛ lɛ ɔkɔ wɔnɔ nɛ̀ wɔnɔ beyi alɛ nɛ̀ bagɛ balɛ kitsí fãa nɔ, gɛ benu banɔ nɔ nyɔ̃ɔ gɛ bɔlɔ Apaleteɛ Owusoso Akaa ebekuluɔ.”

Banɔkpɛkpɛ Axɔ̃ɛ 2:39 Referans Kwoze

Romanɛ 8:30

Bagɛ balɛishu yɛabhɛtɛ tɛtɔtɔɖɔ ɛlɛ elu akɔɔ, balɛ tsyɛ yɛekulu, bagɛ ekuluɔ balɛ tsyɛ yɛebhui utsyɔa akɔ, kɛlɛ bagɛ balɛ yɛebhui utsyɔa akɔɔ, balɛ tsyɛ shu yɛadalɛ.

Efesoanɛ 4:4

Ishudzya tinikpo nɛ̀ Ɔfɔfuĩa tonikpo ɔlɔ lɛ, asɛ kana gɛ bekulu ɔnɔ akɔ kidzo mɛ ɖiɖi tinikpo nɛ kibeɛ gɛ bekulu ɔnɔ.

Banɔkpɛkpɛ Axɔ̃ɛ 15:8

Owusoso Akaa gɛenyi anɔdzyrame kitúɔ mɛ, akasɛ asɛ ayɛkɛ balɛ tsyɛ ɔgana Ɔfɔfuĩa Gbangbã tɛkɔkɔ alɛ mɛ asɛ kɛkɔ gɛ akɔ bɔlɔ tsyɛ ana.

Petro 1 5:10

Kɛlɛ Owusoso Akaa gɛenu tibhui bhuibu eleteɛ petee nɔ, anɔ gɛ yɛekulu wɔnɔ amana Kristo yɛ sameɛ gɛ etibeleɛ mɛɛ, gɛ onupɛ nɔmɔ bɔtɔ̀ ebekeɛ nɛ kibè gulũi lɛ, yɛabàkɔ nɔzã gagalĩi pɛ nɔ otɛbɔ hɔa.

Kibui Bubú Kasɛ 19:9

Kɛlɛ axɔ̃ɛdɛ etseɖe mɛasɛ, “Fɔnɔ olu ɔsɛ, ‘Beyula akɔ bagɛ bekulu alɛ amana Obhoshieyiɛ adzɛ gbagbana ɔwlɔago ɔdɔ̃ ɔŋãkɔɔ!’ ” Kɛlɛ aɖɔ aplɛnɔ asɛ, “Owusoso Akaa, yɛolugbũ mɛ ebuiɛ gɛenu ɛgbã nu alɛ.”

Petro 2 1:3

Yɛohumi nɔ ɔkɔ ɔlɔ kɛka nyia ka gɛ bɔɔpɛ ɔkɔ ɔlɔ ɛkpã nɛ̀ Akaa mɛ tɛzazã, ɔganà kanà gɛ bɔbatì yɛ gɛ ekulu ɔlɔ amanà yɛishu dadalɛ nɛ̀ yɛebui gbangbã mɛ.

Hebrianɛ 9:15

Nɛ kidzo ɛlɛ nabhaa, Kristo edzi iboe evuvũ akɔ olũgbu nyanyã vɔvɔ ɔlɛ, sɛ tɛ bagɛ bekuluɔ tɛ bamɔ kaŋãsi tihɔɔ ayɛkɛ nɛ tɛtɔtɔɖɔ nulũ, Kristo ebetsí sɛ tɛ ebu balɛ eyinɔ nɛ balɛ ebui kpaa gɛ babhɛtɛ nɛ olugbũ nyanyã gɛ oputɔ nɛibeɛ.

Kibui Bubú Kasɛ 17:14

Babà lɔkɔ eyu nɛ Obhoshieyiɛ shu, pɔ Obhoshieyiɛ abaŋã alɛ abha, ɔmɔsɛ yɛenu Apalete akɔ bapaleteɛ nɛ̀ Ekusi akɔ bekusiɛ-bagɛ babà plɛni yɛɛ, balɛ enu bagɛ ekuluɔ, bagɛ ebuɔ nɛ̀ bagɛ ayɛkɛ yɛabha aŋãa.”

Petro 2 1:10

Klisoɔ, mɛadzya alɛ mɔ, nɔ owlui ɔkpɛ emi gagalĩ tɛ kɛkasɛ ɔsɛ wɔnɔ tikukuluɔ nɛ̀ tibubuɔ lɛ ɛlɛ ɔzakɔ. Ɔmɔsɛ onupɛ nɔbhɛtɛ̀ ana, nɔtɛ bɔdɔ̃ oboe oɖi,

Timoteo 2 1:9

anɔ gɛ yɛebu ɔlɔ pɛ ekulu bɔlɔ amana ɛkpã gɛ ɛlishu dalɛ mɛ, gɛnɛ kɛnanà gɛ bɔbhɛtɛ shu so, pɔ nɛ yɛ tɛtɔtɔɖɔ nɛ̀ tibhui bhuibuɔ shu so. Bakɔ ɔlɔ tibhui bhuibu ɛlɛ nɛ Kristo Yesu mɛ flogo pɛ kanɔ alɛ mɛ abakpɛ esi,

Efesoanɛ 1:18

Ikulu Owusoso Akaa tsyɛ ɔsɛ tɛ ebui mɛ adalɛ akɔ ɔnɔ etú mɛ awuhũɔ sɛ tɛ nɔotì tɛtɔtɔɖɔ nɔnɔ ɛtakpu so pɛ ekulu ɔnɔ, ehoeyi ɔdɔ̃ gɛ lɛ ɔkɔ kaŋãsi dadalɛ gɛakpɛ banɔ dadalɛ mɛ,

Romanɛ 11:29

ɔmɔsɛ Owusoso Akaa yɛbɔdɔ̃ kɔkɔ anɔ nɛ̀ yɛ banɔ tikukuluɔ titsyina ɖa.

Hebrianɛ 3:1

Kliso mɛadzya dadalɛanɛ gɛ bekulu edeni ititíɛ, nɔkɔ wɔnɔ ekpeɖekpeɖe mɛ azã Yesuɔ gɛenu anɔkpɛkpɛ nɛ̀ banɔlũazazã gbagbla gɛ yɛinye shu bɔɖɔaɖɔ dalɛɛ shu.

Korintoanɛ 1 7:14

Ɔmɔsɛ yɛenyineɛ gɛ agɛ ayɛkɛ ŋãa, atɛmɔ ishu dadalɛ ɔgana yɛedzinì nabha, kana adzɛ tsyɛ gɛ agɛ yɛkɛ ŋã atɛmɔ ishu dadalɛ ɔgana yɛenyineɛ gɛ ayɛkɛ aŋã nabha. Onu gɛnɛ ana wɔnɔ eyi alɛ shu tɛba dalɛ, pɔ asɛ gɛ kɛlɛ ana, balɛ shu dalɛ.

Tesalonikanɛ 2 1:11

Gɛ kibui ɛlɛ kpasɛ bɔlɔ ekpeɖekpeɖeɛ mɛ soɔ, bukulu Owusoso Akaa nɛ wɔnɔ ɛtakpu kibè nyia bè, sɛ tɛ̀ bɔlɔ Owusoso Akaa ayɛkɛ wɔnɔ asɛ nɔna ɔkɔ yɛ tikukuluɔ, kɛlɛ nɛ yɛ ohumi nulũɔ, ababhɛtɛ tɔɖɔ wɔnɔ ebui gbangbã tɔtɔɖɔ nɛ̀ katsɛɖɛ bubu ka nyia ka gɛ wɔnɔ tɛyɛyɛkɛŋã kɔ nobuɔ nabha.

Romanɛ 9:24

bɔlɔ gɛinu yɛanɔ kukulu tsyɛ elo, anɛ bagɛ benu Yudanɛ ete, pɔ denɔ banunɔ gɛ betinu Yudanɛ tsyɛ mɛɛ dza?

Romanɛ 9:4

gɛenu Israelanɛ, nɛ ɛtakpu. Balɛ Owusoso Akaa etsyina ayɛkɛ asɛ beyi pɛ ebu yɛishu dadalɛ akasɛ alɛ, anya olugbũ nɛ̀ balɛ pɛ bayɛkɛ yɛɔshaa, akasɛ alɛ kɛtakpu esi ɔkpɛkɔ, nɛ̀ yɛebui tɔtɔɖɔ olu ɔkɔ alɛ.

Banɔkpɛkpɛ Axɔ̃ɛ 15:14

Simon gɛenu Petroɔ ashɔrɔ bɔlɔ kana gɛ putɔnɔ Owusoso Akaa akasɛ yɛ tili tɛlɔlɔkɔ nɛ kibuɔ gɛ ebu banɔ edenɔ bagɛ etinu Yudanɛ mɛ akɔ yɛishu.

Banɔkpɛkpɛ Axɔ̃ɛ 15:3

Ɔhaa abakpɛ balɛidzo, kɛlɛ gɛ bagã kidzoɔ afala nɛ Foenisia nɛ̀ Samaria nɔ, betseɖe alɛ kana gɛ bagɛ etinu Yudanɛ tsyɛ etsyina balɛ etúɔ mɛ. Kibui ɛlɛ kɔ bayɛyɛkɛŋã amɔ same popopo.

Banɔkpɛkpɛ Axɔ̃ɛ 14:27

Gɛ bediku Antioxia nɔ, beshogo ɔha kɛlɛ bakɔ alɛ tititì nɛ ebuiɛ gɛ Owusoso Akaa abhɛtɛ aganà balɛ abha, nɛ̀ kana gɛ adalɛ idzo akɔ tɛyɛyɛkɛŋã ɔkɔ bagɛ etinu Yudanɛ.

Banɔkpɛkpɛ Axɔ̃ɛ 10:45

Kɛbhɛtɛ bayɛyɛkɛŋã gɛ bebhui kɛhɔ̃a kɔ alɛ pɛ batɔnɔ Petro nɛibi ɔsɛ Ɔfɔfuĩa Gbangbã tɛyɛyɛkɛ ba bagɛ betinu Yudanɛ tsyɛ abha.

Efesoanɛ 2:12

nɔ bakà ɔsɛ nɛ kibe ɛlɛ, bebu ɔnɔ ɔtɔ nɛ Kristo shu, kɛlɛ bebu ɔnɔ ɔtɔ sɛ nɔma Israelanɛ nɛ̀ befuɔ balɛ olugbũnyanyã gɛ batɔɖɔ eluɔ mɛ, gɛ otugbà mɛ ɖiɖi nɛ̀ Owusoso Akaa agɛzã bɔlɔ ahɔɛ nɛ kanɔ nɔ̀ mɛ.