Banɔkpɛkpɛ Axɔ̃ɛ 2:33 - Nyangbo New Testament

³³ Gɛ befeke yɛavɛnɔ Owusoso Akaa kɛŋãa mɛ ebekeɛ, ayɛkɛ Ɔfɔfuĩa Gbangbã gɛ batɔɖɔ elu akɔɛ odenɔ Akaa ɔkɔ kɛlɛ yɛtsyɛ ashɛnɛ ahɔɛ nɛ ɔlɛ shu asɛ gɛ nɔmɔ pɛ nolũɔ ana.

Banɔkpɛkpɛ Axɔ̃ɛ 2:33 Referans Kwoze

Banɔkpɛkpɛ Axɔ̃ɛ 1:4

Kibeɛ tinikpo gɛ azaŋã bɔdɔ̃ nɛ̀ alɛɛ, akɔ alɛ ɔsha ɔlɛ asɛ, “Nɔtɛshɛ nɛ Yerusalem, pɔ nɔzã tɛ nozopo kɛgɛ Mɛakaa atɛɖɔ elu asɛ abakɔ pɛ ɛzɛɖɔ tseɖe wɔnɔɔ.

Banɔkpɛkpɛ Axɔ̃ɛ 5:31

Owusoso Akaa akpii nɛitití pɛ alɔkɔɛ edzu yɛŋã mɛ asɛ Ekusi nɛ̀ anɔ gɛ ebe Bhui banɔ ebù asɛ tɛ akɔ Israelanɛ etsyina etúɔ mɛ, tɛ balɔkɔ balɛ ebui kpa etsye alɛ.

Banɔkpɛkpɛ Axɔ̃ɛ 2:17

“ ‘Owusoso Akaa aɖɔ asɛ, nɛ ewui gɔgɔɛ mɛɛ, mɛ Ɔfɔfuĩa nɔ ɔbɔdɔ banunɔ petee abha. Wɔnɔ beyianyɛ nɛ̀ beyiadzɛ abaɖɔ ebui elu, wɔnɔ bayɛsɔ̃ abamɔ ebui nɛ bɔlala mɛ, wɔnɔ banɔ sheshèɛ babaza balalá.

Petro 1 3:22

anɔ gɛavɛ kititiɛ pɛ avɛ Owusoso Akaa kɛŋã mɛ, ɔplɛnɔ baxɔ̃ɛdɛ, ɔshaeleteɛ nɛ̀ ihumieleteɛ tɛ bezhinì balɛ ishu esì akɔɛ.

Galatianɛ 3:14

Ebu ɔlɔ ɔsɛ tɛ tiyuyula gɛ balɔkɔ akɔ Abrahamuɔ ba bagɛ etinu Yudanɛ tsyɛ ɔkɔ ɔgana Kristo Yesu abha, ɔsɛ tɛ ɔgana tɛyɛyɛkɛŋã mɛɛ, bɔba yɛkɛ kɛgɛ Ɔfɔfuĩa nɔ tɔɖɔ lu kɔ ɔlɔ.

Banɔkpɛkpɛ Axɔ̃ɛ 10:45

Kɛbhɛtɛ bayɛyɛkɛŋã gɛ bebhui kɛhɔ̃a kɔ alɛ pɛ batɔnɔ Petro nɛibi ɔsɛ Ɔfɔfuĩa Gbangbã tɛyɛyɛkɛ ba bagɛ betinu Yudanɛ tsyɛ abha.

Petro 1 1:21

Gana yɛabha nɔyɛkɛ Owusoso Akaa nabha ɔŋã, anɔ gɛ yɛefeke yɛedenɔ bekpuɔ mɛ pɛ akɔ yɛ ishu dadalɛ, klisoɔ wɔnɔ tɛyɛyɛkɛŋã nɛ̀ otugbà mɛ gɛ nɔoɖiɛ ɔlɛ Owusoso Akaa mɛ.

Hebrianɛ 10:12

Pɔ gɛ Kristo abalɔkɔ yɛishu akɔ, bɔkɔ tunikpo, nɛ ebui kpa nɛ takpu, nɛ ebeɛ pete ulũɔ, adɛzã esi nɛ Owusoso Akaa nɛ ŋã mɛ.

Romanɛ 5:5

Kɛlɛ awɔ̃luluɔ atɛwɔɛ anɔ, ɔmɔsɛ Owusoso Akaa yɛtɛdɛdɛmɛ nɔ̀ɔ yɛalɔkɔ eyuku bɔlɔ etúɔ mɛ nɔ, ɔgana Ɔfɔfuĩa Gbangbã gɛ akɔ ɔlɔ mɛ.

Tito 3:6

ɔfɔfuĩa nɔ gɛ alɔkɔ ɛyamɛ gbangbã abalɛ̀ bɔlɔ abha ɔgana Yesu Kristoɔ gɛ ebu ɔlɔ nabha,

Efesoanɛ 4:8

Kɛlɛ so pɛ kibuiɛ ɖɔ ɔsɛ, “Kibeɛ gɛ ewu avɛ kititíɛ faa nɔ, agbana bagɛ awɔ keyuɔ aplɛnɔ yɛishu kɛlɛ akɔ banɔ ɔdɔ̃

Efesoanɛ 1:13

Kɛlɛ wɔnɔ tsyɛ ɔkpasɛ Kristoɔ nɛ kibeɛ gɛ nolũ kibuiɛ gɛinu kibui gbãa, kibui gbangbã gɛ yɛkɛ ɔnɔ lu nɛkpã. Gɛ nɔyɛkɛ ɔŋã soɔ, atsà kɛna ɔkɔ ɔnɔ elu pɛ balɔkɔ adadã edere ɔnɔ ulũ, nɛ̀ Ɔfɔfuĩa Gbangbã gɛ atɔɖɔ eluɔ akɔ ɔnɔ,

Hebrianɛ 2:9

Pɔ bɔmɔ Yesu, anunɔ gɛ bezhinɔ yɛesi ibɔɛ adɛ baxɔ̃ɛdɛɛ, otsi alɛ Owusoso Akaa akɔɛ ishu dadalɛ, pɛ akpɛ yɛinye nɛitití, ɔmɔsɛ yɛamɔ bɔtɔ pɛ etsí. Kɛlɛ nɛ Owusoso Akaa yɛ tibhui bhuibu nulũɔ, tɛ ètsí nɛ anɔ ka nyia ka yɛulũ.