Banɔkpɛkpɛ Axɔ̃ɛ 2:27 - Nyangbo New Testament

²⁷ ɔmɔsɛ ɔtɛbɔ shɛnɛ ahɔɛ nɛ mɛishu ɔkɔ butsi alo pɛ ɔbɔkɔ ɔsɛ wɔ ayɛ gɛ yɛishu dalɛ atsɔmɔ ezĩ.

Banɔkpɛkpɛ Axɔ̃ɛ 2:27 Referans Kwoze

Banɔkpɛkpɛ Axɔ̃ɛ 2:31

Gɛ David amɔ kɛgɛ batɔɖɔ elu akɔɛ soɔ, aɖɔaɖɔ nɛ Kristo yɛ tɛlɔlɔ nɛ bekpuɔ mɛ shu asɛ, “Batɛ bà shɛnɛ ahɔɛ nɛ Kristoɔ shu nɛ bekpuɔ mɛ alo pɛ babàkɔ asɛ tɛ atsɔmɔ.

Kibui Bubú Kasɛ 1:18

Mɛinu Enunuɔ, ititsí bafalanɔ, pɔ otsi alɛ ɛlɛ nɛ ɛkpã tihɔ, tihɔ! Kɛlɛ butsí nɛ̀ bekpu ipupukɔɔ lɛ mɛahɔɛ.

Kibui Bubú Kasɛ 20:13

Aƒu ebu bagɛ betsí nɛ yɛmɛ amana, kɛlɛ butsí nɛ̀ bekpuɔ ɔzãkɔ tsyɛ obu banɔ tsitsíɛ gɛ balɛ alɛ mɛɛ amana. Kɛlɛ bekulu ebhu akɔ anɔ nyia anɔ nɛ kɛgɛ yɛabhɛtɛ nulũ.

Korintoanɛ 1 15:55

Oo butsí, fakɔ wɔ kabhaŋaŋã alɛɛ dza? Oo butsí, fakɔ kɛgɛ ɔlɔkɔ ɔtá banunɔ lɛ dza?

Korintoanɛ 1 15:52

nɛ odunu mɛ, nɛ tɛwɔsɛ tɛdadã mɛ, gɛ babɔ̀ kexoele gɔgɔɛ nɔ. Ɔmɔsɛ kexoele nɔ abàbɔ, babà nyɛmɛ bekpuɔ gɛ bezeke tsì eɖi, kɛlɛ bebètsyina bɔlɔ.

Kibui Bubú Kasɛ 3:7

“Fɔnɔ ebui alɛ ɔsɛsɛ axɔ̃ɛdɛ nɛ Filadelfia ɔha mɛ. Ebui alɛ enu anunɔ gɛ yɛenu anɔ dadalɛ, pɛ aɖɔ kibui gɛlɛ ɛlɛ ɔzãkɔ, pɛ yɛevunɔ David ukusiupã opupuiakɔɔ. Kɛgɛ adalɛɛ, anɔ nanà atɛ kalà ɛlɛ adã, kɛlɛ kɛgɛ adãa anɔ nanà atɛ kalà adalɛ ɛlɛ.

Yohanes 1 2:20

Pɔ nɔmɔ bɔbɔ sasara odenɔ Anɔ Dadalɛ Ɔkɔ, kɛlɛ wɔnɔ petee onyi kibui gbã.

Banɔkpɛkpɛ Axɔ̃ɛ 4:27

Kibui gbã kinu ɔsɛ Herodes nɛ̀ Pontio Pilato badɛtɔ̃ kɛtakpu aplɛnɔ bagɛ betinu Yudanɛ nɛ̀ Israelanɛ nɛ ɔmagbagbla ɔlɛ mɛ tɛ batɔɖɔ kibui kpa nɛ axɔ̃ɛdɛ dadalɛ Yesu shu, anunɔ gɛ yɛ wɔ sara bɔbɔ ɔkɔɔ.

Banɔkpɛkpɛ Axɔ̃ɛ 3:14

Nɔɖɔ ɔsɛ nɔotinyi Yesu geɛnu anɔ dadalɛ pɛ nobisi ɔsɛ Pilato ashɛnɛ ahɔɛ nɛ anyɛ gɛeyi anunɔ boŋ shu akɔ wɔnɔ.

Banɔkpɛkpɛ Axɔ̃ɛ 2:26

Kliso mɛ kitúɔ mɔ same, kɛlɛ mɛinekeɛ zhã same ɛdzɛ, kɛlɛ mɛishudzya baɖi otugbà mɛ tɛpɛpɛ,

Banɔkpɛkpɛ Axɔ̃ɛ 2:28

Wɔkɔ mɛitì ɛkpã kidzoɔ, ɔbɔkɔ ɔsɛ same eyukù mɛ nɛ wɔamɛ.’