Banɔkpɛkpɛ Axɔ̃ɛ 2:23 - Nyangbo New Testament

²³ Owusoso Akaa yɛalɔkɔ anyɛ alɛ akpɛ ahɔɛ akɔ wɔnɔ nɛ yɛ tɛpɛpɛ nɛ̀ kɛgɛ apɛ asɛ tɛ̀ kɛba ɛlɛ mɛ̀ nulũ. Kɛlɛ wɔnɔɔ, atakpu mɛ gagalĩ elete aplɛnɔ ɔnɔ pɛ noyii ɔganà yɛ tɛkpakpalà nɛ osi shu.

Banɔkpɛkpɛ Axɔ̃ɛ 2:23 Referans Kwoze

Banɔkpɛkpɛ Axɔ̃ɛ 4:28

Babhɛtɛ̀ kɛgɛ wɔ ohumi nɔ pɛ nɛ̀ kɛgɛ wɔɛbuiɛ tɔɖɔ lùɔ tɛ̀ kɛba ɛlɛ mɛ.

Banɔkpɛkpɛ Axɔ̃ɛ 3:18

Pɔ, kana Owusoso Akaa abhɛtɛ kɛgɛ aɖɔ elúɔ ɔgana yɛebuiɖɔluanɔ nabha gɛ aɖɔ asɛ, yɛ Kristoɔ abamɔ bɔtɔ.

Petro 1 1:20

Bebu yɛelu flogo pɛ babà bhɛtɛ kanɔ nɔ̀ mɛ, pɔ bebu yɛakasɛ nɛ ewui gɔgɔ alɛ mɛ nɛ wɔnɔ ɛtakpu.

Banɔkpɛkpɛ Axɔ̃ɛ 13:27

Banunɔ nɛ Yerusalem nɛ̀ balɛ bekusiɛ egitì Yesuɔ, pɔ ganà yɛpɔ bubu mɛɛ, kɛkɔ ɔsɛ ebuiɛ gɛ bebuiɖɔluanɔ aɖɔ elu, pɛ nɔɔkalà alɛ nɛ Kimoelewui ka nyia ka abhaa ba ɛlɛ mɛ.

Romanɛ 4:17

Asɛ kɛfɔ̀nɔ gɛ bafɔnɔ ɛlɛ elu asɛ, “Ɛbhɛtɛ wɔ sɛ tɛ odzi Akaa ɔkɔ ɛmadi gelee.” Yɛenu bɔlɔ Akaa nɛ Owusoso Akaa namɛ, anunɔ abha gɛ ayɛkɛ aŋã. Owusoso Akaa gɛ akɔ bekpu bamɛ ɛkpã, kɛlɛ ekulu bɔdɔ̃ gɛgɛ̀zã kuku ibeɛ amana otsiɛ.

Banɔkpɛkpɛ Axɔ̃ɛ 5:30

Bɔlɔ akaalɛ Owusoso Akaa, yɛefeke Yesuɔ edenɔ bekpuɔ mɛ, anɔ gɛ nɔkpiisɔ̃ nɛ busi shu pɛ noyii.

Kibui Bubú Kasɛ 13:8

Kesiakpa abha anɛ pete abakpɛ ɛtakpu esi akɔ agãhoeɛ, bagɛ alɛ enye bagɛ fɔnɔ akpɛ ɛkpã eplukpa gɛenu Obhoshieyiɛ gɛ beyiɛ ayɛ mɛ, denɔ kanɔ mɛ esi kpɛkpɛ mɛ.

Yuda 1:4

Ɔmɔsɛ banɔ teli gɛ batɛ fɔnɔ balɛ ɛpɔ bubuɔ elù kibè tili gɛ bafalaa, banɔ alɛ abafala eku wɔnɔɛshi nɛ tikpukpũ mɛ. Benu banɔ gɛ betinyi Owusoso Akaa, gɛ balɔkɔ Owusoso Akaa tibhui bhuibuɔ asɛ kidzo kɔkɔ anɔ ɔkɔ kɛgɔlɔ ŋaŋã kɛlɛ bagɛ yɛkɛ Yesu Kristoɔ gɛenu bɔlɔ Apalete nɛ̀ Ekusi Gbagbla tenikpo nɔ.

Petro 1 1:2

banɔ gɛ bebu alɛ nɛ Owusoso Akaa gɛenu bɔlɔ Akaa ekpeɖekpeɖeɛ gɛ abhɛtɛ akpɛ otugbà nulũ, ɔganà Ɔfɔfuĩa nɔ gɛ ɔlɛ axɔ̃ɛ wɔawɔa adalɛ, ɔkɔ batɔ̃ lulũ ɔkɔ Yesu Kristo nɛ yɛ dzyosu hɔɛhɔ̃ɛ niesi. Tibhui bhuibu nɛ̀ ishu yɔyɔ kɔ wɔnɔ nɛ tikpekpè mɛ.

Banɔkpɛkpɛ Axɔ̃ɛ 15:18

ebui gɛ benyi edenɔ kibè tili ke.

Banɔkpɛkpɛ Axɔ̃ɛ 7:52

Ebuiɖɔluanɔ teli atɛzã wɔnɔɛshi gɛ wɔnɔ akaalɛ agɛ tɔnɔ yiede eɖiɛ dza? Noyí bagɛ aɖɔ elú asɛ Anɔ Dadalɛ ababaa tsyɛ. Kɛlɛ nɔkpɛ Anɔ dadalɛ ahɔɛ pɛ noyii,

Petro 1 2:8

kɛlɛ “Kɛklagbuɔ gɛkɔ asɛ bɔnɔ akpatà nɛ̀ ɔxɔa gɛɔkɔ asɛ baadɔ oboeɛ.” Bakpatà bɔdɔ̃ ɔmɔsɛ bagɛ yɛkɛ kibuiɛ, kibuiɛ gɛ babalɛ elu asɛ kɛba alɛ abha.

Banɔkpɛkpɛ Axɔ̃ɛ 2:36

“Kliso kɔ Israelanɛ beti kɛlɛ piapii asɛ, Owusoso Akaa abhɛtɛ Yesu alɛ̀ gɛ nɔkpalà nɛ butsi osiɛ shu yɛedzi Apalete nɛ̀ Kristo.”

Banɔkpɛkpɛ Axɔ̃ɛ 5:28

Etseɖe alɛ asɛ, “Bɔkpɛ ɔsha kɔ wɔnɔ gagalĩ ɔsɛ nɔtɔkɔ kasɛ bɔdɔ̃ nɛ kinye ɛlɛ mɛ, pɔ, nɔkɔ wɔnɔ bɔdɔ̃ kakasɛ tsyɔa Yerusalem kɛlɛ nɔpɛ ɔsɛ tɛ̀ bɔŋã kɛpɔ nɛ anyɛ alɛ dzyosu nɔ shu.”

Romanɛ 2:12

Banunɔ nyɔ̃ɔ gɛ Mose yɛɔsha gɛnyã alɛ pɛ bazã nɛ̀ ɛkpã kpaa, batɛ balɔkɔ ɔsha ɔlɛ àpɔ batɔ̃ akɔ alɛ nɔ, pɔ banunɔ nyɔ̃ɔ gɛ alɛ Mose ɔsha ɔlɛ nìesi pɛ babhɛtɛ ebui kpaa, babalɔkɔ ɔsha ɔlɛ ekulu ebhu akɔ alɛ nɔ.

Tesalonikanɛ 1 2:15

banɔ gɛeyí Apalete Yesu nɛ̀ ebuiɖɔluanɔ nɔ kɛlɛ baza kakà bɔlɔ tsyɛ eyinɔ. Begiku Owusoso Akaa nawɔ̃ kɛlɛ benu banɔ gɛ batɛ dɛmɛ banɔɛbui