Banɔkpɛkpɛ Axɔ̃ɛ 2:22 - Nyangbo New Testament

²² “Israelanɛ, nɔtaatɔ̃ tɛ noɔlũ kibui ɛlɛ, Yesu Nazareteyiɛ enu anɔ gɛ Owusoso Akaa alɔkɔ akpɛ ahɔɛ akɔ wɔnɔ ɔsɛ tɛ̀ abhɛtɛ atsyindzye ebui, ebui gɛ labhɛtɛ kibì, tɛ̀ ebù ebui akasɛ, ebui alɛ enu ebui gɛ Owusoso Akaa abhɛtɛ nɛ wɔnɔɛshi ɔgana yɛabha asɛ gɛ nonyi ana.

Banɔkpɛkpɛ Axɔ̃ɛ 2:22 Referans Kwoze

Banɔkpɛkpɛ Axɔ̃ɛ 4:10

kɛlɛ wɔnɔ nɛ̀ Israelanɛ petee notì kibui ɛlɛ ɔsɛ, kinù kibui gɛgã Yesu Kristo Nazareteyiɛ yɛinyeɛ mɛ, anunɔ gɛ nɔdɛ kpalà nɛ osi shuɔ pɛ Owusoso Akaa efeke yɛ edenɔ bekpuɔ mɛɛ, yɛakɔ asɛ anyɛ alɛ gɛeli wɔnɔ amɛ ishumɛ gagalĩ.

Hebrianɛ 2:4

Owusoso Akaa tsyɛ aɖɔaɖɔ adalɛ ɛlɛishu ɔgana ɔdɔ̃ tibubu kasɛ, ebui gɛ leku ifu nɛ̀ atsyindzye ebui edi edi mɛ, ɔlɔkɔ plɛnɔ Ɔfɔfuĩa Gbangbã ɔdɔ̃ ɔkɔkɔ nɛ yɛtɛdɛdɛ mɛ ulũ.

Korintoanɛ 2 12:12

Kɛgɛ kɔ bamɔ anɔ ɔsɛ enu anɔ kpɛkpɛ yɛenu ebui bubukasɛ, ebui gɛ abhɛtɛ ibi nɛ̀ atsyindzye ebui alɛ babhɛtɛ nɛ wɔnɔɛshi nɛ kemikpɛkpɛ.

Banɔkpɛkpɛ Axɔ̃ɛ 26:26

Ekusiɛ enyi ebui alɛ, kɛlɛ ɛbalà ɖɔ kaɖɔ nɛ alɛishu kɔɛ fãa. Inyi sɛ ebui alɛ ɔmayɛmɛ nanà ama matì mati mɛ ɔkɔɛ, ɔmɔsɛ batɛ abhɛtɛ alɛ nɛ okpukpũ ɔkɔ.

Banɔkpɛkpɛ Axɔ̃ɛ 26:9

“Mɛtsyɛ kibui ɛlɛ gɛikù mawɔ flogo, kliso ɛbhɛtɛ kɛka nyia gɛ ɛbalà tɛ ɛlɔɛtití nɛ Yesu Nazaretieyiɛ shu.

Banɔkpɛkpɛ Axɔ̃ɛ 24:5

“Bɔbamɔ anyɛ alɛ asɛ enu anɔ gɛ akpɛ banɔ buluhũ, amana kititì lɔlɔ ebui nɛ Yudanɛ ishi nɛ kanɔ nɔ̀ mɛ petee. Enu Nazaretianɛ batɔ̃mɛ gagalĩ otugbà zazã anɔ teli

Banɔkpɛkpɛ Axɔ̃ɛ 22:8

Ibisi sɛ, “ ‘Apalete, wɔonu afana?’ Ebuiliulũ akɔ mɛ asɛ, “ ‘Mɛinu Apalete Yesu Nazaretieyiɛ gɛ yiede wɔtɔnɔɔ.’

Banɔkpɛkpɛ Axɔ̃ɛ 21:28

pɛ bakpɛ ozĩ asɛ, “Israelanɛ, nɔplɛnɔ ɔlɔ mɔ! Anyɛ gɛ akasɛ banɔ nɔ petee bɔdɔ̃ nɛ ɔkɔ nyia ɔkɔ afalanɔ pɛ alɔɛtití nɛ bɔlɔ banunɔ nɛ̀ ɔshaa shu nɛ̀ ɛkɛlɛ tsyɛ nɛ alɛ. Nɛ kɛlɛ̀ niedeɛ, adɛgbana Helanɛ amana Akaavũɔ shu pɛ akpɛ ɔdadalɛ ɔkɔlɛ̀ bɔtsɔ̃.”

Banɔkpɛkpɛ Axɔ̃ɛ 14:27

Gɛ bediku Antioxia nɔ, beshogo ɔha kɛlɛ bakɔ alɛ tititì nɛ ebuiɛ gɛ Owusoso Akaa abhɛtɛ aganà balɛ abha, nɛ̀ kana gɛ adalɛ idzo akɔ tɛyɛyɛkɛŋã ɔkɔ bagɛ etinu Yudanɛ.

Banɔkpɛkpɛ Axɔ̃ɛ 13:16

Gɛ Paulo alɔɛtitíɛ, abhɛtɛ ahɔɛ akasɛ alɛ pɛ aɖɔ asɛ, “Wɔnɔ Israelanɛ nɛ̀ bagɛ notinu Yudanɛ pɛ nɔkpɛ kɛtakpu esi ɔkɔ Owusoso Akaa, nɔtaatɔ̃ nɛ mɛ!

Banɔkpɛkpɛ Axɔ̃ɛ 6:14

Ɔmɔsɛ bulũ yɛaɖɔ asɛ Yesu Nazareteyi alɛ abayɛ ɔzãkɔ ɔlɛ, kɛlɛ ebetsyina ɛkɔɔ gɛ Mose akpɛ eluɔ akɔ ɔlɔ.”

Banɔkpɛkpɛ Axɔ̃ɛ 5:35

Kɛlɛ aɖɔ etseɖe alɛ asɛ, “Israelanɛ, noɖi piapii nɛ kɛgɛ nɔɔtɔɖɔ ɔsɛ tɛ nɔbhɛtɛ nɛ̀ banɔ alɛ shu mɔ.

Banɔkpɛkpɛ Axɔ̃ɛ 3:12

Gɛ Petro amɔ kibui ɛlɛ, ebisi balɛ asɛ, “Israelanɛ, kiɖe sopɛ kibui ɛlɛ bhɛtɛ wɔnɔɛ bi ana? Kiɖe sopɛ noyelè bɔlɔ ana asɛ onupɛ bɔlɔ ahɔɛ ohumi alo Owusoso Akaa mɛ tɛzazã so pɛ kɛkpatà ɛlɛ gã dza?”

Banɔkpɛkpɛ Axɔ̃ɛ 2:19

Ɛbabu bɔdɔ̃ gɛbhɛtɛ kibi ɔkasɛ baba mɔ nɛ kititíɛ, ɛbabu ebui ɔkasɛ nɛ kesiakpa nɛ̀ kesiakpa niesi, dzyosu, kifu nɛ̀ efutù gɛibù ɔnyɔ̃.

Banɔkpɛkpɛ Axɔ̃ɛ 2:43

Kifu zã anɔ nyia anɔ mɛ, kɛlɛ banɔkpɛkpɛ abhɛtɛ atsyindzye ebui nɛ̀ ebui gɛ labhɛtɛ kibì gelee

Banɔkpɛkpɛ Axɔ̃ɛ 3:6

Kɛlɛ Petro etseɖe yɛasɛ, “Sikãfufú nɛ̀ sikã ama mahɔɛ pɛ ɛbakɔ wɔ, pɔ kɛgɛ lɛ mahɔɛ mɛba kɔwɔ. Nɛ Yesu Kristo Nazareteyiɛ nɛinyeɛ mɛɛ, lɔgã.”