Banɔkpɛkpɛ Axɔ̃ɛ 19:8 - Nyangbo New Testament

⁸ Paulo etsoku ɔtsyɔakɔ pɛ aɖɔaɖɔ nɛ bupù mɛ nɛ ɛkɛlɛ bewoele tata mɛ pɛ ezebu ebui mɛ ɔkɔ alɛ nɛ Owusoso Akaa bukusiŋaŋã shu.

Banɔkpɛkpɛ Axɔ̃ɛ 19:8 Referans Kwoze

Banɔkpɛkpɛ Axɔ̃ɛ 1:3

Nɛ yɛɔtɔ gɛamɔ niedeɛ, ebu yɛishu akasɛ balɛ kɛlɛ abhɛtɛ kɛlɛ asɛ tɛ betì asɛ alɛ nɛ̀ ɛkpã. Ebu yɛishu akasɛ balɛ nɛ ewui afɛtalɛ nɛ̀ tɔtɔɖɔ mɛ pɛ azaɖɔaɖɔ nɛ Owusoso Akaa ukusi ŋaŋã shu.

Banɔkpɛkpɛ Axɔ̃ɛ 28:23

Batɔɖɔ kiwui asɛ tɛ babamɔ Paulo, kɛlɛ balɛ anɔ nɔ̀ gɛaba ebekpe atɔɖɔ nɛ ɛkɛlɛ gɛ Paulo azãa. Odenɔ kɛvɔlɔ vɛnɔ owlagoɔ, ezebu ebui mɛ pɛ adalɛ Owusoso Akaa bukusi ŋaŋã shu kɔ alɛ, kɛlɛ apɛ asɛ tɛ̀ etsyina balɛ ekpeɖekpeɖeɛ mɛ odenɔ Mose ɔshaa nɛ̀ ebuiɖɔluanɛ buplukpa mɛ avɛnɔ Yesu ɔkɔ.

Yuda 1:3

Mɛbhia alɛ gɛ ɛdɛmɛ nɔ, gɛ kinù mɛ same ɔsɛ tɛ̀ mɛ fɔnɔ keplukpa akɔ ɔnɔ nɛ tibubuɔ gɛ bɔmɔ̃ shu tsyɛɛ, ɛmɔsɛ kɛlɛ ɔsɛ mɛ fɔnɔ keplukpa akɔ wɔnɔ tɛ̀ ɛlɔkɔ kpalà wɔnɔ ɔsɛ tɛ nɔkɔ tɛyɛyɛkɛŋã gɛ balɔkɔ akpɛ ahɔɛ akɔ bayɛyɛkɛŋã ku balɛ awɔ̃.

Banɔkpɛkpɛ Axɔ̃ɛ 19:9

Pɔ balɛ banɔ nɔ teli atɔmɛ agagalĩ, bagɛ pɛ asɛ ayɛkɛ aŋã kɛlɛ baɖɔaɖɔ kpa nɛ Yɛedzoɔ shu. Kliso Paulo ashɛ ayɔlɔ alɛ pɛ agbana badɔkpasɛanɛ aplɛnɔ yɛishu pɛ yɛnɛ alɛ bazapɔɛ ebui mɛ nɛ̀ bagɔlɔ mɛ kibe nyia be nɛ Tirano bɔdɔ̃kakasɛ buvũɔ mɛ.

Banɔkpɛkpɛ Axɔ̃ɛ 18:19

Bediku Efeso, ɛkɛlɛ Paulo ashɛ ayɔlɔ Priskila nɛ̀ Akwila. Yɛ xɔnɔ avɛ ɔtsyɔakɔ pɛ adɛ bhɛtɛ ekpeɖekpeɖe mɛ aplɛnɔ Yudanɛ.

Banɔkpɛkpɛ Axɔ̃ɛ 18:4

Azabhɛtɛ ekpeɖekpeɖe mɛ aplɛnɔ balɛ nɛ Kimoelewui ka nyia ka abha, pɛ apɛ asɛ tɛ̀ ebu ebui mɛ kɔ Yudanɛ nɛ̀ Helanɛ.

Banɔkpɛkpɛ Axɔ̃ɛ 17:17

Kliso ababhɛtɛ ekpeɖekpeɖe mɛ nɛ̀ Yudanɛ nɛ ɔtsyɔakɔ. Ɔplɛnɔ Helanɛ gɛesi Owusoso Akaa nifùɔ nɛ̀ bagɛ azã budziɛ mɛ kiwui nyiɛ wui ɔlɔkɔ nɛ̀ bagɛ alɛ ɛkɛlɛ.

Banɔkpɛkpɛ Axɔ̃ɛ 14:1

Nɛ Ikonio nɔ, Paulo nɛ̀ Barnaba avɛ Yudanɛ ɔtsyɔakɔ asɛ gɛ babhɛtɛɛ ana. Ɛkɛlɛ badɛ ɖɔ kaɖɔ nɛ̀ ohumi, gɛ kɛkɔ ɔsɛ banɔ kpekpèɛ gɛenu Yudanɛ nɛ̀ bagɛ etinu Yudanɛ tsyɛ ayɛkɛ aŋã.

Banɔkpɛkpɛ Axɔ̃ɛ 13:46

Kɛlɛ Paulo nɛ̀ Barnaba ebu balɛ ishu ulũ nɛ kifù masi masi mɛ asɛ, “Wɔnɔ kɛlɛ ɔsɛ buputɔ ɖɔ Owusoso Akaa ibuiɛ ɔkɔ. Pɔ gɛ nɔgɛ yɛkɛ ɛlɛ pɛ nɔmɔ ɔsɛ nɔshɔnɔ ɔkɔ ɛkpã tihɔ nɔ soɔ, butsyina ɛlɛ ɔvɛnɔ bagɛ etinu Yudanɛ ɔkɔ.”

Banɔkpɛkpɛ Axɔ̃ɛ 13:14

Denɔ Pergeɛ, bavɛ Pisidia nɛ Antioxia. Nɛ Kimoelewui nabhaa, bavɛ balɛ ɔtsyɔakɔ pɛ badɛ zã kesi.

Banɔkpɛkpɛ Axɔ̃ɛ 18:26

Abakpà kaɖɔ ɔɖɔ nɛ ɛtsyɔakɔ nɛ kifù masi masi mɛ. Kibeɛ gɛ Priskila nɛ̀ Akwila elũ yɛebuiɛ, bekulù yɛ amana balɛ bɔpã mɛ kɛlɛ bebu ebuiɛ mɛ kɔɛ piapii nɛ Owusoso Akaa yɛedzoɔ shu.

Banɔkpɛkpɛ Axɔ̃ɛ 19:7

Bɔnɔ alɛ tɛkaklà mɛ bazã asɛ baanyɛ lɔfɔ nɛ̀ taabha ana.

Banɔkpɛkpɛ Axɔ̃ɛ 19:10

Kibui ɛlɛ vɛ ɛlɛ abha nɛ agɔ taabha mɛ, ɔsɛ tɛ Yudanɛ nɛ̀ Helanɛ petee gɛazã Asia bɔdɔ̃ mɛ elũ Apaleteɛ nɛibuiɛ.

Banɔkpɛkpɛ Axɔ̃ɛ 20:31

Kliso nɔzã nɛ̀ awɔ̃! Nɔbakà ɔsɛ̀ nɛ agɔ tatá mɛɛ, ɛgɛ yɔlɔ ɔsha kpɛkpɛ kɔ wɔnɔ nɛ̀ ɛwɔmɛ bibi mɛ elishi nɛ̀ kemuze.