Banɔkpɛkpɛ Axɔ̃ɛ 19:6 - Nyangbo New Testament

⁶ Gɛ Paulo atɔɖɔ yɛhɔɛ nɛ balɛ abha koɔ, Ɔfɔfuĩa Gbangbã ɔba balɛ abha kɛlɛ baɖɔaɖɔ nɛ beluhũ vɔvɔ mɛ pɛ baɖɔ ebui elú.

Banɔkpɛkpɛ Axɔ̃ɛ 19:6 Referans Kwoze

Banɔkpɛkpɛ Axɔ̃ɛ 6:6

Bebu banɔ alɛ akasɛ banɔkpɛkpɛ, kɛlɛ bekulu Owusoso Akaa pɛ batɔɖɔ balɛ ahɔɛ nɛ balɛ abha.

Banɔkpɛkpɛ Axɔ̃ɛ 2:4

Ɔfɔfuĩa Gbangbã otsoku balɛ pete mɛ, gɛ kɛkɔ ɔsɛ bakpà beluhũ ediedi uhu asɛ gɛ Ɔfɔfuĩa nɔkɔ balɛ kidzo ana.

Timoteo 1 5:22

Dɔ fɔ̃ɔ ɔkɔ ahɔɛ tɔtɔɖɔ nɛ anɔ abha, kɛlɛ tɛzã ebui kpa bhɛbhɛtɛ elete ede. Za nɛkpã nɛ wɔshu dadalɛ mɛ.

Timoteo 2 1:6

Nɛ kibui ɛlɛ shu soɔ, ɛbaka wɔ sɛ tɛ̀ ɔkpɛ kifù nɛ kɛxɔ̃ɛ gɛinu Owusoso Akaa ɛdɔ̃ kɔkɔ gɛkpasɛ wɔ mɛ, ɔgana mɛahɔɛ tɔtɔɖɔ nɛ wɔabha mɛ.

Banɔkpɛkpɛ Axɔ̃ɛ 9:17

Kliso Anania avɛ bɔpã mɛ, kɛlɛ editsoku bɔlɛ̀ mɛ. Atɔɖɔ ahɔɛ nɛ Saulo abha pɛ etseɖe yɛasɛ, “Mɛadzya Saulo, Apalete Yesuɔ gɛ ebu yɛishu akasɛ wɔ nɛidzoɔ mɛ gɛɔba ɛkɛlɛ, yɛakpɛ mɛ nɛ wɔkɔ, tɛ̀ wɔ awuhũɔ adalɛ tɛ̀ Ɔfɔfuĩa Gbangbã oyuku wɔ mɛ.”

Banɔkpɛkpɛ Axɔ̃ɛ 19:7

Bɔnɔ alɛ tɛkaklà mɛ bazã asɛ baanyɛ lɔfɔ nɛ̀ taabha ana.