Banɔkpɛkpɛ Axɔ̃ɛ 19:29 - Nyangbo New Testament

²⁹ Odunu ɔlɛ koɔ, ɔmamɛ oyukù nɛ̀ ozĩ. Banunɔ evũ Gayo nɛ̀ Aristaxo gɛ benu banɔ gɛ bagã kidzo ɔplɛnɔ Paulo odenɔ Makedonia, kɛlɛ bagbanà balɛ odunũ ɔlɛ avɛnɔ ɔma ɔlɛ bɔwufù ɔwɔkɔ.

Banɔkpɛkpɛ Axɔ̃ɛ 19:29 Referans Kwoze

Banɔkpɛkpɛ Axɔ̃ɛ 20:4

Soparte, Piro gɛede Beroa yɛeyianyɛ azã yiede, nɛ̀ Aristaxo nɛ̀ Sekundo gɛede Tesalonika, Gayo gɛede Derbe nɛ̀ Timoteo, nɛ̀ Tixiko nɛ̀ Trofimo gɛede Asia bɔdɔ̃ mɛ.

Filimon 1:24

Kidzo ɛlɛ nabha Marko, Aristaxo Dema nɛ̀ Luka gɛenu mɛ ɔhagbo axɔ̃ɛwɔa tsyɛ asɛnɛ wɔ.

Koloseanɛ 4:10

Mɛɔhagbo Aristaxo gɛ blɔnii kpasɛ ɔɖavũɔ mɛ asɛnɛ wɔnɔ. Marko gɛenu elũdzyɔa ɔkɔ Banaba tsyɛ asɛnɛ wɔnɔ. (Nɔtɛ yɛkɛ ɔshakɔkɔ odenɔ yɛɔkɔ ɔbɔfala nɔ, kliso onupɛ aba wɔnɔ kɔɔ tɛ nɔyɛkɛ yɛ.)

Banɔkpɛkpɛ Axɔ̃ɛ 27:2

Buku kelĩabhaohu odenɔ Adramiteo, ɔsɛ tɛ̀ bɔgã aƒuɔ ogbogboɔ nɛ kelĩabhahuɔ ɔtɔkɔ gɛlɛ Asia bɔdɔ̃ mɛ, kɛlɛ bɔbàlɔ tɔnɔ aƒuabha idzoɔ. Aristaxo gɛenu Makedonia eyì gɛede Tesalonika tsyɛ azã aplɛnɔ ɔlɔ.

Korintoanɛ 1 4:9

Kidzì kɔmɛ xɔnɔ asɛ Owusoso Akaa agbana bɔlɔ banɔkpɛkpɛ amana ɔmɔ asɛ banɔ gɔgɔɛ nɛ banɔdzyrame ishi ana, asɛ banɔ gɛ bebu alɛ ɛpɔ asɛ tɛ̀ beyi alɛ nɛ bɔdɔ̃ oɖikɔ ana. Babhɛtɛ bɔlɔ budzì bɔdɔ̃ gɛ kanɔ nɔ̀ mɛ nyɔ̃ɔ eɖi, nɛ Owusoso Akaa axɔ̃ɛdɛ nɛ̀ banɔdzyrameɛ amɛ.

Korintoanɛ 1 1:14

Ihú ahɔɛ ɔsɛ, ɛgɛ kpɛ bulĩ kɔ wɔnɔ mɛ anɔ nanà ɔdɛ Krispo nɛ̀ Gayo,

Romanɛ 16:23

Gayo gɛ yɛɔkɔ bɔzã pɛ edzi bɔlɔ nɛ̀ ɔha pete apaleteɛ asɛnɛ ɔnɔ. Erasto, gɛ abalɛ ɔma ehoeyiɛ, nɛ̀ bɔlɔ adzya Kuarto basɛnɔ ɔnɔ piapii.

Banɔkpɛkpɛ Axɔ̃ɛ 21:30

Ozĩ oyì nɛ ɔmàmɛ petee, kɛlɛ banɔ nɔ ebu tɛtsɛɖɛmɛ ekoeyì edenɔ kawɔ̃pɛ ka nyia ka mɛ aba. Gɛ bevũ Pauloɔ ebekeɛ, betsìi nɛ kesiakpa edenɔ Akaavũɔ shu, kɛlɛ badã budulũɔ odunũ ɔlɛ.

Banɔkpɛkpɛ Axɔ̃ɛ 19:22

Asɛsɛ yɛaxɔ̃ɛdɛ taabha gɛenu Timoteo nɛ̀ Erasto nɛ Makedonia, gɛ yɛxɔnɔ azã Asia bɔdɔ̃ mɛ kɛbɔɛ.

Korintoanɛ 2 8:19

Kɛgɛ zɛdɛɛ, ɔhaa yɛebú yɛ asɛ tɛ atɔnɔ bɔlɔ nɛ kibeɛ gɛ bɔlɔkɔ bɔdɔ̃kɔkɔ vɛnɔɔ, bɔdɔ̃ gɛ bɔdɛkɔ tɛ̀ bɔkpɛ̀ Apaleteɛ kinyè nɛitití, nɛ̀ tɛ bɔkasɛ ɔsɛ bɔpɛ sɛ tɛ̀ bɔplɛnɔ.

Banɔkpɛkpɛ Axɔ̃ɛ 21:38

Gɛnɛ wɔonu Egipte eyiɛ gɛ ɔmana kititì lɔlɔ ebui pɛ ɔgbana batɔmɛ gagalĩ banɔ ihotu tɛlɛ ɔvɛnɔ oxuiɛ kibeɛ tili gɛbafala dza?”

Banɔkpɛkpɛ Axɔ̃ɛ 20:34

Nɔonyi ɔsɛ mɛahɔɛ alɛ shu axɔ̃ɛ mɛwɔa lɔkɔ pɛ bɔdɔ̃ ɔkɔ mɛishu nɛ̀ mɛɔhagbo alɛ.

Banɔkpɛkpɛ Axɔ̃ɛ 19:32

Kazã egetì kɛnɔnɔ gɛ babà bhɛtɛɛ, beteli akpɛ ozĩ aɖɔaɖɔ nɛ kibui ɛlɛ̀ shu, beteli tsyɛ nɛ kɛbhlatɔ shu. Banunɔ teli tsyɛ etinyi kɛgɛ kɛlɛ sopɛ bavɛ ɛkɛlɛ.

Banɔkpɛkpɛ Axɔ̃ɛ 17:8

Gɛ belũ kibui ɛlɛ, ebela ebeku banɔɛza nɛ̀ ɔma banɔ gbagbla nɛishi.

Banɔkpɛkpɛ Axɔ̃ɛ 16:9

Nɛ elishi alɛ bebu kɛdɔ̃ akasɛ Paulo nɛ anyɛ teli gɛ alɛ Makedonia gɛ eli kitití pɛ ebisi yɛɔdɔ asɛ, “Tsakɛ ba Makedonia tɛ̀ ɔbɔplɛnɔ ɔlɔ.”

Banɔkpɛkpɛ Axɔ̃ɛ 13:5

Gɛ bediku Salamiɛ, baɖɔ Owusoso Akaa nibuiɛ nɛ Yudanɛ ɛtsyɔakɔ. Yohanes Marko azã balɛ ɔbha pɛ azaplɛnɔ alɛ.

Banɔkpɛkpɛ Axɔ̃ɛ 16:12

Denɔ ɛkɛlɛ bɔgã kidzo ɔvɛ Filipi gɛenu Romanɛ kesiakpa abha ɔma gbagbla ɔdɛ nɛ Makedonia bɔdɔ̃ mɛ. Kɛlɛ bɔzã ɛkɛlɛ ewui gelee.

Banɔkpɛkpɛ Axɔ̃ɛ 19:21

Gɛ alɛ nyɔ̃ɔ aba ɛlɛ mɛ ebekeɛ, Paulo abatɔɖɔ ɛlɛ ɔsɛ tɛ adɛgã Makedonia nɛ̀ Axaya tɛ avɛ Yerusalem. Aɖɔ asɛ, “Onupɛ ɛdɛ Yerusalem aba koɔ, ɛbadiɖi Roma tsyɛ.

Yohanes 3 1:1

Mɛ asɛ ɔhamɛ anɔ sheshè ana, Ɛsɛsɛ wɔ Gayo epluka alɛ, wɔ anɔ gɛ ɛdɛmɛnɔ nɛ kibui gbã mɛ.