Banɔkpɛkpɛ Axɔ̃ɛ 19:26 - Nyangbo New Testament

²⁶ Kɛlɛ nɔmɔ̀ pɛ nɔolũ kana gɛ Paulo anyɛ alɛ etsyina banunɔ ekpeɖekpeɖeɛ mɛ, pɛ agbana banɔkpekpèɛ atsaɖakɛ idzo nɛ Efosoɔ nɛ̀ Asia bɔdɔ̃ mɛ petee tsyɛ. Aɖɔ asɛ ibudiɛ gɛ banɔdzyrameɛ abhɛtɛ tinu akaa nanà.

Banɔkpɛkpɛ Axɔ̃ɛ 19:26 Referans Kwoze

Korintoanɛ 1 8:4

Kliso nɛ bɔŋaŋã gɛ batɔ akɔ ibudi shuɔ, bunyi ɔsɛ obudì otinu kɛdɔ̃ nanà nɛ kanɔ nɔ̀ mɛ, kɛlɛ Owusoso Akaa nanà abha ma ɔdɛ tenikpo alɛ ete.

Banɔkpɛkpɛ Axɔ̃ɛ 17:29

“Klisoɔ gɛ Owusoso Akaa mɛ bude koeyiɛ, kɛma ɔsɛ tɛ buziɖi ɔsɛ ɔfɔfuĩa mɛ anɔ nɔ̀ edzi asɛ sikãɛkpã, sikãfufu alo kɛklagbu ana, bɔdɔ̃ tata gɛ anɔdzyrame alɔkɔ yɛahɔɛ abhɛtɛ nɔ.

Kibui Bubú Kasɛ 9:20

Banunɔ gɛ agɔ̃, pɛ banɔ yiyíudɔ̃ ɔlɛ giyí alɛ tsyɛ elo, begitsyina nɛ balɛ ahɔɛ ɔdɔ̃ bhɛbhɛtɛ niede. Bagɛ yɔlɔ ɛtakpu esi ukpɛ ɔkɔ ɛfɔfuĩa kpa, nɛ̀ ibudi gɛ balɔkɔ sikã, sikã fufu, ɔɖa dzadzã, aklagbu nɛ̀ isí abhɛtɛ nɔ—ibudiɛ gɛ lɛtɛlà mɔ̃ nɛ̀ awuhũ, alo lilũ, alo lɛgã.

Banɔkpɛkpɛ Axɔ̃ɛ 19:10

Kibui ɛlɛ vɛ ɛlɛ abha nɛ agɔ taabha mɛ, ɔsɛ tɛ Yudanɛ nɛ̀ Helanɛ petee gɛazã Asia bɔdɔ̃ mɛ elũ Apaleteɛ nɛibuiɛ.

Banɔkpɛkpɛ Axɔ̃ɛ 14:15

“Bɔlɔ adzya alɛ amɔ, kiɖe so pɛ nɔbhɛtɛ ana? Bɔlɔ tsyɛ banɔdzyrame bunu asɛ wɔnɔ ana. Bɔmana wɔnɔ kibui gbangbã tɛ butseɖe wɔnɔ tɛ̀ notsyina nɛ ebui alɛ gɛ lama kɛnana mɛ niede, tɛ nɔtɔnɔ Owusoso Akaa enunuɔ niede, anunɔ gɛ yɛabhɛtɛ kititi, kesiakpa, aƒu nɛ̀ kɛka nyia ka gɛkpasɛ alɛ mɛ.

Tesalonikanɛ 1 1:9

ɔmɔsɛ batɛɖɔ kɛlɛ nɛ balɛishu ahɔɛ mɛ nɛ kana gɛ nɔyɛkɛ bɔlɔ shu. Betseɖe bɔlɔ nɛ kana gɛ notsyina odenɔ ibudiɛ ɔkɔ pɛ nɔba ɔsɛ tɛ nɔkpɛ kɛtakpu esi ɔkɔ Owusoso Akaa gbangbã gɛ alɛ nɛ ɛkpãa pɛ enu enunuɔ,

Galatianɛ 4:8

Kibeɛ gɛ bafala, pɛ nɔogitì Owusoso Akaa, nɔodzi banɔ dzidzi ɔkɔ bɔdɔ̃ tuli gɛinu ibudì.

Korintoanɛ 1 12:2

Nɔonyi ɔsɛ gɛ nodzì ibudi eleteɛ, bawɔɛ wɔnɔ agbanà avɛnɔ ibudiɛ gɛ lɛtɛ ɖɔ kaɖɔɔ ɔkɔ.

Banɔkpɛkpɛ Axɔ̃ɛ 18:19

Bediku Efeso, ɛkɛlɛ Paulo ashɛ ayɔlɔ Priskila nɛ̀ Akwila. Yɛ xɔnɔ avɛ ɔtsyɔakɔ pɛ adɛ bhɛtɛ ekpeɖekpeɖe mɛ aplɛnɔ Yudanɛ.

Banɔkpɛkpɛ Axɔ̃ɛ 19:1

Kibeɛ gɛ Apolo azã Koritoɔ, Paulo agã kishitɛbha kidzoɔ avɛ ediyì nɛ Efeso. Ɛkɛlɛ yɛadɛ tɔnɔ badɔkpasɛanɛ teli

Banɔkpɛkpɛ Axɔ̃ɛ 19:25

Ekulu balɛ eshogò aplɛnɔ baxɔ̃ɛwɔa bhlatɔ gɛ bawɔa axɔ̃ɛ alɛ nɛidi pɛ etseɖe balɛ asɛ, “Mɛadzya alɛ mɔ, nɔonyi ɔsɛ bɔɔmɔ ehoeyi piapii odenɔ kɛxɔ̃ɛ ɛlɛ wɔawɔa mɛ.