Banɔkpɛkpɛ Axɔ̃ɛ 18:7 - Nyangbo New Testament

⁷ Kɛlɛ Paulo ashɛ nɛ ɔtsyɔakɔ avɛ bɔpã gɛlɛ Tito Yusto, anɔ gɛ akpɛ kɛtakpu esi ɔkɔ Owusoso Akaa yɔɛpa nɔbha mɛ.

Banɔkpɛkpɛ Axɔ̃ɛ 18:7 Referans Kwoze

Banɔkpɛkpɛ Axɔ̃ɛ 16:14

Balɛ ɔmayɛmɛ tenikpo gɛ azataatɔ̃ nɛ ɔlɔ yɛenu Lidia, anɔ gɛ azadɛ apɔtɛ gɛ layɛkɛ kedzì, pɛ ehoeyi azã yɛahɔɛ pɛ ede Tiatira pɛ enu anɔ gɛ akpɛ kɛtakpu esi akɔ Owusoso Akaa. Apaleteɛ adalɛ yɛ kitúɔ mɛ ɔsɛ tɛ̀ ayɛkɛ Paulo ebui gɛ amana.

Koloseanɛ 4:11

Yesuɔ gɛ bekulu asɛ Yustus tsyɛ asɛnɛ ɔnɔ sɛsɛ. Balɛ ete balɛ enu ɔhagbo Yudanɛ axɔ̃ɛwɔa gɛ awɔa axɔ̃ɛ ɔkɔ Owusoso Akaa ukusi ŋaŋãa, kɛlɛ bakɔ asɛ mɛishuɔ mɛ dɔ fɔ̃ɔ.

Banɔkpɛkpɛ Axɔ̃ɛ 17:4

Kesilulũ abakɔ Yudanɛ teli kɛlɛ betsyina atɔnɔ Paulo nɛ̀ Sila, kidzo ɛlɛ nabha Helanɛ kpekpèɛ teli gɛ besi Owusoso Akaa nɛifùɔ ɔlɔkɔ ɔplɛnɔ ɛzãkɔ elete gɛenu badzɛ kpekpèɛ tsyɛ abhɛtɛ ɛlɛ ana.

Banɔkpɛkpɛ Axɔ̃ɛ 13:42

Kibeɛ gɛ Paulo nɛ̀ Barnaba ekoeyì ashɛɛ nɛ ɔtsyɔa kɔɔ, banunɔ ezebisi edenɔ bala ahɔɛ asɛ bewlui abaɖɔ ebui alɛ nɛidi etseɖe alɛ nɛ Kimoelewuiɛ gɛbàa nabha.

Banɔkpɛkpɛ Axɔ̃ɛ 10:22

Banyɛ ebuiliulũ asɛ, “Bude Keyuiza otugbànɔ Kornelio ɔkɔ. Enu anɔ gɛ yɛishu dalɛ pɛ esi Owusoso Akaa nɛifù, anɔ gɛ Yudanɛ petee adɛmɛ yɛibui. Axɔ̃ɛdɛ dadalɛ teli etseɖe yɛasɛ akɔ wɔba yɛɔpã mɛ tɛ̀ ebelũ wɔebuiɛ gɛ ɔpɛ ɔsɛ tɛ̀ ɔɖɔ otseɖe yɛ.”

Banɔkpɛkpɛ Axɔ̃ɛ 10:2

Yɛnɛ̀ yɛɔpãa petee lɔkɔ balɛishu akɔ pɛ Owusoso Akaa kifùsisi zã alɛ mɛ. Azabhɛtɛ ɛyamɛ gbangbã ɔkɔ betsyuitsyuiɛ pɛ azã Owusoso Akaa tikukulu abha kibe nyia be.

Banɔkpɛkpɛ Axɔ̃ɛ 13:43

Gɛ banunɔ ekoeyì nɛ kɛtakpu ɔtɔ̃kɔɔ, Yudanɛ kpekpèɛ nɛ̀ bagɛ etsyina eku Yudanɛ ɔha mɛ atɔnɔ Paulo nɛ̀ Barnaba. Bazaɖɔaɖɔ nɛ̀ alɛ pɛ azakpalà alɛ asɛ bazã kɛlɛ abha nɛ balɛ Owusoso Akaa tibhui bhuibuɔ mɛ.

Banɔkpɛkpɛ Axɔ̃ɛ 13:50

Pɔ Yudanɛ ezetsu kifu akpɛ badzɛ awɔpɔ̃nɔ gɛ bakpɛ kɛtakpu esi akɔ Owusoso Akaa nɛ̀ baanyɛ awɔpɔ̃nɔ teli tsyɛ nɛ ɔma. Bakɔ asɛ balɔɛtití nɛ Paulo nɛ̀ Barnaba shu kɛlɛ bakakalɛ ebu nɛ kɛma ɛlɛ mɛ.