Banɔkpɛkpɛ Axɔ̃ɛ 18:5 - Nyangbo New Testament

⁵ Kibeɛ gɛ Sila nɛ̀ Timoteo ede Makedonia aba, Paulo alɔkɔ yɛishu akɔ kibuiɛ tɛɖɔɖɔ, pɛ adalɛ kɛlɛ mɛ ɔkɔ Yudanɛ ete ɔsɛ Yesu yɛenu Kristoɔ.

Banɔkpɛkpɛ Axɔ̃ɛ 18:5 Referans Kwoze

Korintoanɛ 2 5:14

Ɔmɔsɛ Kristoɔ tɛdɛdɛmɛ nɔ tĩi bɔlɔ, ɔmɔsɛ kɛlɛ mɛ dalɛ kɔ bɔlɔ sɛ anɔ tenikpo etsí kɔ bɔlɔ petee, klisoɔ bɔlɔ petee tsí.

Banɔkpɛkpɛ Axɔ̃ɛ 18:28

Ɔmɔsɛ awzalɔ̃akɛ ebui nɛ̀ Yudanɛ nɛ ɔmaɛshi ebuimɛ pɔpɔɛ shu, pɛ azadalɛ ebuiɛ mɛ edenɔ Owusoso Akaa ebui fɔfɔnɔ mɛ ɔsɛ Yesu yɛenu Kristoɔ.

Banɔkpɛkpɛ Axɔ̃ɛ 20:21

Ɛdalɛ kɛlɛ mɛ ɔkɔ Yudanɛ nɛ̀ Helanɛ ɔsɛ tɛ betsyina atɔnɔ Owusoso Akaa nɛ̀ balɛ etúɔ tɛ̀ bayɛkɛ Apalete Yesu abha aŋã.

Banɔkpɛkpɛ Axɔ̃ɛ 17:3

pɛ ezebu ebui mɛ pɛ ebu akasɛ asɛ kɛlɛ ɔsɛ Yesuɔ amɔ bɔtɔ flogo tɛ̀ befeke yɛ edenɔ bekpuɔ mɛ. Aɖɔ asɛ, “Yesu alɛ gɛ yɛibuiɛ mɛɖɔɔ yɛenu Kristoɔ.

Banɔkpɛkpɛ Axɔ̃ɛ 9:22

Pɔ ohumi nɔ gɛ lɔzã Saulo mɛ lɔzɔ gagalĩ ɔtɔɖɔ, kɛlɛ kɛbhɛtɛ Yudanɛ gɛazã Damasko nɛibi gɛ azadalɛ kɛlɛ mɛ ɔsɛ Yesu yɛenu Kristoɔ.

Filipianɛ 1:23

Ɛkpasɛ alɛ taabha nɛishi, ɛpɛ sɛ tɛ ɛshɛ dɛzã Kristo ɔbha, gɛpɛ̃ ɔdɛ,

Banɔkpɛkpɛ Axɔ̃ɛ 2:36

“Kliso kɔ Israelanɛ beti kɛlɛ piapii asɛ, Owusoso Akaa abhɛtɛ Yesu alɛ̀ gɛ nɔkpalà nɛ butsi osiɛ shu yɛedzi Apalete nɛ̀ Kristo.”

Petro 1 5:12

Denɔ Sila anɔ gɛ ɛlɔkɔ yɛasɛ anɔ gɛ ɛyɛkɛŋã, denɔ yɛ tɛpɛplɛnɔ mɛ ɛfɔnɔ keplukpa alɛ gulũi kɔ wɔnɔ pɛ̀ ɛkpɛ wɔnɔ kemi tɛ̀ ɛɖɔ kaɖɔ dalɛ kɛlɛ mɛ sɛ, kɛlɛ kɛlɛinu Owusoso Akaa tibhui bhuibu gɛlɛ ɛlɛ ɔzãkɔ. Nɔzã gagalĩ nɛ kɛlɛ mɛ̀.

Tesalonikanɛ 1 3:2

Bɔsɛsɛ Timoteo, gɛenu bɔlɔ adzya nɛ̀ Owusoso Akaa axɔ̃ɛwɔa ɔkɔ Kristo yɛibuiɛ tɛkakanà, sɛ tɛ akpɛ wɔnɔ ohumi nɛ̀ tɛ̀ akpɛ wɔnɔ kemi nɛ wɔnɔ tɛyɛyɛkɛŋã mɛ,

Banɔkpɛkpɛ Axɔ̃ɛ 16:9

Nɛ elishi alɛ bebu kɛdɔ̃ akasɛ Paulo nɛ anyɛ teli gɛ alɛ Makedonia gɛ eli kitití pɛ ebisi yɛɔdɔ asɛ, “Tsakɛ ba Makedonia tɛ̀ ɔbɔplɛnɔ ɔlɔ.”

Banɔkpɛkpɛ Axɔ̃ɛ 16:1

Paulo agã edikoeyi nɛ Derbe nɛ̀ Listra, ɛkɛlɛ adɔkpasɛanɛ teli gɛ bezekulu asɛ Timoteo azã, anɔ gɛ yɛelĩ enu Yudadzi nɛ̀ anɔ gɛ ayɛyɛkɛŋã, pɔ yɛakaa edzi Helanɔ.

Banɔkpɛkpɛ Axɔ̃ɛ 15:22

Kɛlɛ banɔkpɛkpɛ nɛ̀ beshesheɛ ɔlɔkɔ ɔplɛnɔ ɔhaa petee adɛmɛ asɛ bebebu balɛ ahɔɛmɛ banɔ teli nɛ kɛzaa mɛ aplɛnɔ Paulo nɛ̀ Barnaba tɛ basɛsɛ alɛ nɛ Antioxia. Banunɔ gɛ bebuɔ balɛ enu, Yuda, (gɛbekulu tsyɛ asɛ Barsaba) nɛ̀ Sila, banɔ taabha alɛ enu otugbà banɔ nɛ ɔhaa nɛishi.

Banɔkpɛkpɛ Axɔ̃ɛ 10:42

Akpɛ ɔlɔ asɛ bɔɖɔ Kibui Gbangbã tseɖe banunɔ, tɛ̀ bɔkɔ beti asɛ yɛenu anunɔ gɛ Owusoso Akaa asara bɔbɔ akɔ asɛ tɛ ekulu kebhu nɛ̀ benunuɔ nɛ̀ betsitsíɛ petee.

Banɔkpɛkpɛ Axɔ̃ɛ 4:20

Pɔ, bɔtɛ balà yɔlɔ kaɖɔɖɔɖɔ nɛ agɛ alɛ bɔmɔ pɛ buluɔ̃ shu.”

Banɔkpɛkpɛ Axɔ̃ɛ 16:12

Denɔ ɛkɛlɛ bɔgã kidzo ɔvɛ Filipi gɛenu Romanɛ kesiakpa abha ɔma gbagbla ɔdɛ nɛ Makedonia bɔdɔ̃ mɛ. Kɛlɛ bɔzã ɛkɛlɛ ewui gelee.

Banɔkpɛkpɛ Axɔ̃ɛ 20:23

Inyi sɛ nɛ ɔmahohoe ka nyia ka mɛɛ, Ɔfɔfuĩa Gbangbã ɔkpɛ ɔsha kɔmɛ ɔsɛ ɔɖavũmɛ tɛzazã nɛ̀ ebui gagalĩ mɛbà dɛ mɔ.

Banɔkpɛkpɛ Axɔ̃ɛ 20:24

Klisoɔ, ɛtɛka lɔkɔ mɛkpã asɛ lɛinu kɛdɔ nanà ɔkɔ mɛ, pɛ ɛtalà kɛxɔ̃ɛ gɛ Apalete Yesu akpɛ mɛahɔɛ wɔa bekeɛ, kɛxɔ̃ɛ gɛ kɛlɛinu ɔsɛ tɛ ɛdalɛ Owusoso Akaa ibuiɛ gɛ kibhui bɔlɔ buɔ shu.

Korintoanɛ 2 1:19

Ɔmɔsɛ Owusoso Akaa Yɛeyi Yesu Kristoɔ gɛ yɛibui mɛ nɛ̀ Silvano nɛ̀ Timoteo bɔɖɔɔ tinu ɔsɛ “Ee” alo “Oo” pɔ odenɔ yɛmɛ, kibe nyia beɛ kɛka nyia ka lɛ ɔsɛ “Ee.”

Korintoanɛ 2 11:9

Kɛlɛ kibeɛ gɛ ɛzã wɔnɔ ɔbha pɛ ɛzɛpɛ kɛdɔ̃ tiliɛ, igidzi bɔtɔ ɔkɔ ananà, ɔmɔsɛ badzya gɛede Makedonia nɔ bakɔ mɛ mɛɔdɔ̃ pɛpɛ nɔ. Ɛgɛpɛ sɛ tɛ mɛidzì bɔtɔ ɔkɔ wɔnɔ nɛ kidzo nanà abha, kɛlɛ ɛbazã kɛlɛ abha zɛbhɛtɛ ana.

Tesalonikanɛ 1 3:6

Pɔ otsi ko Timoteo ede wɔnɔ ɔkɔ aba bɔlɔ ɔbha, kɛlɛ amana bɔlɔ ɔklasɔ̃ gbangbã nɛ wɔnɔ tɛyɛyɛkɛŋã nɛ̀ tɛdɛdɛmɛ nɔ shu. Etseɖe bɔlɔ asɛ nɔkɔ baka ebui gbangbã nɛ bɔlɔ shu kɛlɛ nɔpɛ ɔsɛ tɛ nɔmɔ bɔlɔ, asɛ kana gɛ bɔlɔ tsyɛ pɛ sɛ tɛ bɔmɔ wɔnɔ ana.