4 Azabhɛtɛ ekpeɖekpeɖe mɛ aplɛnɔ balɛ nɛ Kimoelewui ka nyia ka abha, pɛ apɛ asɛ tɛ̀ ebu ebui mɛ kɔ Yudanɛ nɛ̀ Helanɛ.
Denɔ kibe ɛlɛ gɛ bɔbatì sɛ kɛlɛ sɛ busi Apaleteɛ nɛifu soɔ, bɔpɛ sɛ tɛ bubu ebui mɛ kɔanɔ. Owusoso Akaa enyi kɛgɛ bunùɔ, kɛlɛ inyi tsyɛ sɛ kɛlɛ mɛ dalɛ ɔkɔ wɔnɔ ebuesilulũ.
Batɔɖɔ kiwui asɛ tɛ babamɔ Paulo, kɛlɛ balɛ anɔ nɔ̀ gɛaba ebekpe atɔɖɔ nɛ ɛkɛlɛ gɛ Paulo azãa. Odenɔ kɛvɔlɔ vɛnɔ owlagoɔ, ezebu ebui mɛ pɛ adalɛ Owusoso Akaa bukusi ŋaŋã shu kɔ alɛ, kɛlɛ apɛ asɛ tɛ̀ etsyina balɛ ekpeɖekpeɖeɛ mɛ odenɔ Mose ɔshaa nɛ̀ ebuiɖɔluanɛ buplukpa mɛ avɛnɔ Yesu ɔkɔ.
Kliso ababhɛtɛ ekpeɖekpeɖe mɛ nɛ̀ Yudanɛ nɛ ɔtsyɔakɔ. Ɔplɛnɔ Helanɛ gɛesi Owusoso Akaa nifùɔ nɛ̀ bagɛ azã budziɛ mɛ kiwui nyiɛ wui ɔlɔkɔ nɛ̀ bagɛ alɛ ɛkɛlɛ.
Kɛlɛ Agripa ebisi Paulo asɛ, “Ɔyɛkɛ ɔŋã asɛ nɛ kibè gulũi ɛlɛ mɛɛ, ɔbɔlàwɔɛ mɛulũ pɛ ɛbàdzi Kristoeyi dza?”
Kɛlɛ nɔmɔ̀ pɛ nɔolũ kana gɛ Paulo anyɛ alɛ etsyina banunɔ ekpeɖekpeɖeɛ mɛ, pɛ agbana banɔkpekpèɛ atsaɖakɛ idzo nɛ Efosoɔ nɛ̀ Asia bɔdɔ̃ mɛ petee tsyɛ. Aɖɔ asɛ ibudiɛ gɛ banɔdzyrameɛ abhɛtɛ tinu akaa nanà.
Paulo etsoku ɔtsyɔakɔ pɛ aɖɔaɖɔ nɛ bupù mɛ nɛ ɛkɛlɛ bewoele tata mɛ pɛ ezebu ebui mɛ ɔkɔ alɛ nɛ Owusoso Akaa bukusiŋaŋã shu.
Kɛlɛ bebhui yɛulũ nɛ̀ kibui ɛlɛ ɔsɛ, “Anyɛ alɛ ebù ebuimɛ ɔkɔ banunɔ asɛ tɛ bakpɛ̀ kɛtakpu esi ɔkɔ Owusoso Akaa nɛ edzo teli abha gɛ alɔɛtití nɛ ɔshaa shu.”
Otsi nɔ Beroeanɛ bezhinì balɛ ishu esi ɔdɛ Tesalonikanɛ, ɔmɔsɛ bayɛkɛ kibuiɛ nɛ̀ samè kɛlɛ bazapɔɛ kɛlɛ mɛ kiwui nyiɛ wui tɛ̀ beɖi asɛ kibuiɛ gɛ Paulo aɖɔ kpasɛ kɛlɛ mɛ ana dza.
Denɔ Pergeɛ, bavɛ Pisidia nɛ Antioxia. Nɛ Kimoelewui nabhaa, bavɛ balɛ ɔtsyɔakɔ pɛ badɛ zã kesi.
Odunu ɔlɛ koɔ, Saulo akpɛ bɔdɔ̃ kakasɛ esi nɛ ɛtsyɔakɔ asɛ Yesu yɛenu Owusoso Akaa Yɛeyiɛ.
Nɛ Ikonio nɔ, Paulo nɛ̀ Barnaba avɛ Yudanɛ ɔtsyɔakɔ asɛ gɛ babhɛtɛɛ ana. Ɛkɛlɛ badɛ ɖɔ kaɖɔ nɛ̀ ohumi, gɛ kɛkɔ ɔsɛ banɔ kpekpèɛ gɛenu Yudanɛ nɛ̀ bagɛ etinu Yudanɛ tsyɛ ayɛkɛ aŋã.
Bediku Efeso, ɛkɛlɛ Paulo ashɛ ayɔlɔ Priskila nɛ̀ Akwila. Yɛ xɔnɔ avɛ ɔtsyɔakɔ pɛ adɛ bhɛtɛ ekpeɖekpeɖe mɛ aplɛnɔ Yudanɛ.