Banɔkpɛkpɛ Axɔ̃ɛ 18:3 - Nyangbo New Testament

³ kɛlɛ gɛ enu anɔ gɛ enyi kagbabhɛtɛ asɛ balɛ soɔ, azã balɛ ɔbha pɛ awɔa axɔ̃ɛ nɛ balɛ.

Banɔkpɛkpɛ Axɔ̃ɛ 18:3 Referans Kwoze

Tesalonikanɛ 1 2:9

Mɛ adzya alɛ mɔ, kibui gbã, bɔtɔ nɛ ɛkpã zazãna gɛ gagalĩ ɔkɔ bɔlɔ, bɔwɔa axɔ̃ɛ elishi nɛ̀ kemuze sɛ tɛ butidzi bɔtɔ ɔkɔ ananà gɛ onupɛ bɔɖɔ Owusoso Akaa kibuiɛ tseɖe wɔnɔ.

Korintoanɛ 1 4:12

Bɔwɔa axɔ̃ɛ gagalĩ nɛ̀ bɔlɔ ahɔɛ. Onu baɖɔ kibui akpɛ bɔlɔɔ, bɔlɔ xɔnɔ yula tutu esi kɔ alɛ, onupɛ batɔnɔ bɔlɔ ɛkpã niedeɛ, bɔkpɛ kemi nɛ kɛlɛishu,

Korintoanɛ 2 11:9

Kɛlɛ kibeɛ gɛ ɛzã wɔnɔ ɔbha pɛ ɛzɛpɛ kɛdɔ̃ tiliɛ, igidzi bɔtɔ ɔkɔ ananà, ɔmɔsɛ badzya gɛede Makedonia nɔ bakɔ mɛ mɛɔdɔ̃ pɛpɛ nɔ. Ɛgɛpɛ sɛ tɛ mɛidzì bɔtɔ ɔkɔ wɔnɔ nɛ kidzo nanà abha, kɛlɛ ɛbazã kɛlɛ abha zɛbhɛtɛ ana.

Korintoanɛ 2 12:13

Kɛlɛ nɔzã asɛ banɔ bhlui ɔkɔ ɔhaa bhlatɔ, gɛ idzi bɔtɔ kɔ wɔnɔ flogo nɔɔ dza? Nɔlɔkɔ kesitata alɛ tsye mɛ!

Korintoanɛ 2 11:7

Kibui kpa kinu ɔkɔ mɛ ɔsɛ tɛ̀ izhinì mɛishu esi tɛ ɛbhɛtɛ wɔnɔ nowu kabha ɔganà Owusoso Akaa kibuiɛ gbangbã tɛɖɔɖɔ otseɖe wɔnɔ kɛbhɛ mabuia mabuia mɛ dza?

Korintoanɛ 1 9:14

Nɛ kidzo ɛlɛ nabha, Apaleteɛ akɔ alɛ ɔsha sɛ bagɛ baɖɔ kibui gbangbã bamɔ balɛ ɔŋãkɔ odenɔ kibui gbangbã mɛ.

Korintoanɛ 1 9:15

Pɔ mɛxɔnɔ gɛ wɔa ohumi ɔlɛ nanà shu kɛxɔ̃ɛ. Kɛlɛ ɛtɛ fɔnɔ kibui lɛ sɛ tɛ̀ nɔbhɛtɛ ebui alɛ nɛidi ɔkɔ mɛ. Kɛbapɛ ɔkɔ mɛ sɛ tɛ̀ mɛitsí ɔdɛ sɛ tɛ anɔ teli ayɛkɛ kɛdɔ̃ gɛ kɛlɛishu mɛifeke ishuɔ nɛ̀ mɛahɔɛ.

Korintoanɛ 1 9:18

Kiɖuwoe gɛinu mɛ kɛbhɛ babuia nɔɔ dza? Kɛlɛ̀ ete ɔsɛ, tɛ̀ onupɛ ɛɖɔ kibui gbangbã, ɛtɛ bayɛkɛ kɛbhɛ babuia nanà, kɛlɛ ɛtɛba yɛkɛ kɛnanà nɛ kɛlɛ tɛɖɔɖɔ mɛ, kliso ɛgɛ lɔkɔ mɛ ohumi nɔ gɛɔlɛ mɛahɔɛ kpɛ kibuiɛ tɛɖɔɖɔ mɛ.

Tesalonikanɛ 1 4:11

Nɔlɔkɔ kɛlɛ ɔtɔɖɔ ishu abha sɛ tɛ nɔzãnà ɛkpã yɔyɔ, tɛ noɖi wɔnɔ kɛxɔ̃ɛ ɔkɔ tɛ nɔwɔa axɔ̃ɛ nɛ wɔnɔ ɛhɔɛɛ, asɛ kana gɛ butseɖe wɔnɔ,