Banɔkpɛkpɛ Axɔ̃ɛ 18:26 - Nyangbo New Testament

²⁶ Abakpà kaɖɔ ɔɖɔ nɛ ɛtsyɔakɔ nɛ kifù masi masi mɛ. Kibeɛ gɛ Priskila nɛ̀ Akwila elũ yɛebuiɛ, bekulù yɛ amana balɛ bɔpã mɛ kɛlɛ bebu ebuiɛ mɛ kɔɛ piapii nɛ Owusoso Akaa yɛedzoɔ shu.

Banɔkpɛkpɛ Axɔ̃ɛ 18:26 Referans Kwoze

Hebrianɛ 6:1

Kliso nɔkɔ bɔshɛnɛ ahɔɛ nɛ kesi kpɛkpɛ ɔdɔ̃ kakasɛ nɛ Kristo shuɔ lu, tɛ bushe tɔɖɔ. Nɔtɛ ɔkɔ buwlui zɛkasɛ ɔdɔ̃ nɛ kitú mɛ tsyitsyina ebuiɛ gɛ lagbana anɔ akpɛ butsí mɛɛ shu, nɛ̀ ɔdɔ̃ kakasɛ vɔvɔ nɛ kɛyɛkɛ gɛ bɔba yɛkɛ Owusoso Akaa nabha ɔŋã shu,

Korintoanɛ 1 12:21

Kiwuhũɔ tɛbalà tseɖe ɔhɔɛ ɔsɛ, “Ɛtɛ pɛɛ wɔ!” Kɛlɛ kɛtakpuɔ tsyɛ tɛbalà tseɖe ɛtsɛɖɛ ɔsɛ, “Ɛtɛ pɛɛ wɔ!”

Banɔkpɛkpɛ Axɔ̃ɛ 18:25

Bakasɛ yɛɔdɔ nɛ Apaleteɛ edzo nabha, kɛlɛ azaɖɔaɖɔ nɛ bupù mɛ, kɛlɛ akasɛ bɔdɔ̃ nɛ Kristo shu pɛ bɔɔnà, pɔ Yohanes bulĩkpɛkpɛ ko batɛ kpɛ kɔɛ flogo.

Banɔkpɛkpɛ Axɔ̃ɛ 14:3

Kliso Paulo nɛ̀ Barnaba azã ɛkɛlɛ nɛ ewui gele mɛ, pɛ bazaɖɔaɖɔ nɛ Apaleteɛ shu nɛ̀ ohumi. Kɛlɛ Apaleteɛ akɔ bamɔ yɛ tibhui bhuibu ibuiɛ ɔganà atsyindzye nɛ̀ ebui gɛ abhɛtɛ ibi gɛ akɔ babhɛtɛ mɛ.

Petro 2 3:18

Pɔ nɔzã ɛlɛ tɛ nozoshè nɛ tibhui bhuibuɔ nɛ̀ bubutiɛ gɛ Apaleteɛ Yesu Kristo gɛ ayɛkɛ akɔ bɔlɔ mɛ. Yɛ bakɔ ishu dadalɛ odenɔ otsiɛ, ɔvɛnɔ tihɔɔ! Amen.

Korintoanɛ 1 3:18

Nɔtɛ̀ wɔɛ wɔnɔshu. Onupɛ abhɛtɛ wɔnɔ mɛ anɔ teli asɛ enyi kibui nɛ obo kanɔ alɛ mɛ bubutì ulũɔ, etsyina edzì “awɔaga” sɛ tɛ̀ ebedzi ebutinɛ.

Banɔkpɛkpɛ Axɔ̃ɛ 28:23

Batɔɖɔ kiwui asɛ tɛ babamɔ Paulo, kɛlɛ balɛ anɔ nɔ̀ gɛaba ebekpe atɔɖɔ nɛ ɛkɛlɛ gɛ Paulo azãa. Odenɔ kɛvɔlɔ vɛnɔ owlagoɔ, ezebu ebui mɛ pɛ adalɛ Owusoso Akaa bukusi ŋaŋã shu kɔ alɛ, kɛlɛ apɛ asɛ tɛ̀ etsyina balɛ ekpeɖekpeɖeɛ mɛ odenɔ Mose ɔshaa nɛ̀ ebuiɖɔluanɛ buplukpa mɛ avɛnɔ Yesu ɔkɔ.

Banɔkpɛkpɛ Axɔ̃ɛ 8:31

Ebuiliulũ asɛ, “Kɛlɛ mɛbalà lũ alɛ esi, gɛ onupɛ ananà egibu alɛ̀ esi akɔ mɛ dza?” Kliso etseɖe Filipo asɛ tɛ ewu aba tɛ abazã yɛɔbha.

Korintoanɛ 1 8:2

Anunɔ gɛ abhɛtɛ yɛ asɛ enyi kibui tiliɛ, eketì kɛlɛ asɛ kana gɛ kɛlɛ sɛ etiɛ.

Banɔkpɛkpɛ Axɔ̃ɛ 18:18

Paulo azã Korinto ɔdɛ nanà kibè tili. Kɛlɛ ashɛ nɛ badzya ɔbha pɛ eku kelĩabhaohu avɛ Siria gɛ agbana Priskila nɛ̀ Akwila aplɛnɔ yɛishu. Flogo tɛ̀ ebeku kelĩabhaohuɔ, akɔ batsɛ kɛtakpuɔ akɔɛ nɛ Kenxrea nɛ bɔdɔ̃ tuli gɛ atanà shu so.

Banɔkpɛkpɛ Axɔ̃ɛ 19:8

Paulo etsoku ɔtsyɔakɔ pɛ aɖɔaɖɔ nɛ bupù mɛ nɛ ɛkɛlɛ bewoele tata mɛ pɛ ezebu ebui mɛ ɔkɔ alɛ nɛ Owusoso Akaa bukusiŋaŋã shu.