Banɔkpɛkpɛ Axɔ̃ɛ 18:19 - Nyangbo New Testament

¹⁹ Bediku Efeso, ɛkɛlɛ Paulo ashɛ ayɔlɔ Priskila nɛ̀ Akwila. Yɛ xɔnɔ avɛ ɔtsyɔakɔ pɛ adɛ bhɛtɛ ekpeɖekpeɖe mɛ aplɛnɔ Yudanɛ.

Banɔkpɛkpɛ Axɔ̃ɛ 18:19 Referans Kwoze

Timoteo 2 1:18

Kɛkɔ sɛ tɛ̀ Apaleteɛ aplɛnɔ yɛ tɛ amɔ ashagabui ɖiɖi nɛ kiwui ɛlɛ nabha. Onyi edzo kpekpèɛ gɛ alɛ abha yɛaplɛnɔ mɛ piapii nɛ Efesoɔ.

Timoteo 1 1:3

Asɛ kana gɛ ɛkpalà wɔ nɛ kibeɛ gɛ ɛvɛ Makedonia nɔ, zã Efesoɔ tɛ̀ ɔkpɛ ɔsha ɔkɔ banɔ nɔ teli, sɛ batɛ zakasɛ asɛnɛ bɔdɔ̃

Efesoanɛ 1:1

Mɛ Paulo gɛedzi anɔkpɛkpɛ ɔkɔ Kristo Yesuɔ nɛ Owusoso Akaa tɛtɔtɔɖɔ ulũ, Mɛ sɛsɛ̀ bagɛ ayɛkɛ aŋã nɛ Efeso pɛ bakpasɛ Kristo Yesu mɛ keplukpa alɛ,

Korintoanɛ 1 16:8

Pɔ ɛbazã Efeso odiyinɔ Pentekoste kiwui nabha,

Korintoanɛ 1 15:32

Onupɛ ɛta keyu nɛ̀ bagãhoe nɛ Efeso nɛ anɔdzyrame ebui shu tsyɛ elo, kiɖe mɛmɔ odenɔ ɛlɛ mɛ? Gɛ onupɛ begifeke bekpuɔ, “Nɔkɔ bɔŋã tɛ̀ bɔwɔɛ, ɔmɔsɛ kivũ ko butsi.”

Banɔkpɛkpɛ Axɔ̃ɛ 20:16

Paulo atɔɖɔ ɛlɛ asɛ tɛ afala nɛ Efeso ɔbhà, tɛ̀ etibèzĩ kibè nɛ Asia bɔdɔ̃ mɛ, ɔmɔsɛ apɛ zia tɛ̀ ediku Yerusalem, onupɛ abapɛ tɛ̀ azã ɛkɛlɛ nɛ Pentekoste kiwui nabha.

Banɔkpɛkpɛ Axɔ̃ɛ 19:1

Kibeɛ gɛ Apolo azã Koritoɔ, Paulo agã kishitɛbha kidzoɔ avɛ ediyì nɛ Efeso. Ɛkɛlɛ yɛadɛ tɔnɔ badɔkpasɛanɛ teli

Banɔkpɛkpɛ Axɔ̃ɛ 18:24

Nɛ kibe ɛlɛ Yudaeyi teli gɛ bezekulu asɛ Apolo, anɔ gɛede Aleksandro tsyɛ aba Efeso. Edzi anɔ gɛ akpasɛ bɔdɔ̃ avɛnɔ otugbà pɛ enyi Owusoso Akaa ebuiɛ piapii.

Banɔkpɛkpɛ Axɔ̃ɛ 18:4

Azabhɛtɛ ekpeɖekpeɖe mɛ aplɛnɔ balɛ nɛ Kimoelewui ka nyia ka abha, pɛ apɛ asɛ tɛ̀ ebu ebui mɛ kɔ Yudanɛ nɛ̀ Helanɛ.

Kibui Bubú Kasɛ 2:1

“Fɔnɔ ebui alɛ ɔsɛsɛ axɔ̃ɛdɛ nɛ Efeso ɔha mɛ. Anɔ nɔ̀ gɛ anyana awɔ̃ɛ tegegeneɛ evunɔ nɛ kɛŋã ahɔɛ mɛ, pɛ agãfala nɛ sikã efu isí tigegene nɛishiɛ, yɛebui nu alɛ.

Kibui Bubú Kasɛ 1:11

kaɖɔ asɛ, “Fɔnɔ kɛgɛ ɔmɔ ɔtɔɖɔ eplukpa abha ɔsɛsɛ baha tegegeneɛ gɛ alɛ Efeso, Smina, Pergamo, Tiatira, Sardis, Filadelfia nɛ̀ Ladokia.”

Timoteo 2 4:12

Ɛsɛsɛ Tixiko nɛ Efeso.

Banɔkpɛkpɛ Axɔ̃ɛ 19:26

Kɛlɛ nɔmɔ̀ pɛ nɔolũ kana gɛ Paulo anyɛ alɛ etsyina banunɔ ekpeɖekpeɖeɛ mɛ, pɛ agbana banɔkpekpèɛ atsaɖakɛ idzo nɛ Efosoɔ nɛ̀ Asia bɔdɔ̃ mɛ petee tsyɛ. Aɖɔ asɛ ibudiɛ gɛ banɔdzyrameɛ abhɛtɛ tinu akaa nanà.

Banɔkpɛkpɛ Axɔ̃ɛ 19:17

Gɛ Yudanɛ nɛ̀ Helanɛ gɛ alɛ Efeso ebelũ kibui ɛlɛ, kifù yialɛ petee, kɛlɛ balɔkɔ kɛtakpu esi kpɛkpɛ hohoe akɔ Apalete Yesu yɛinyeɛ.

Banɔkpɛkpɛ Axɔ̃ɛ 18:21

Pɔ gɛ ashɛɛ, atɔɖɔ elú asɛ, “Ɛba tsodzi ba gɛ Onupɛ kinu Owusoso Akaa tɛpɛpɛɛ.” Kɛlɛ eku kelĩabhaohuɔ odenɔ Efeso.

Banɔkpɛkpɛ Axɔ̃ɛ 18:20

Kibeɛ gɛ betseɖe yɛ ɔsɛ tɛ azã balɛ ɔbha kɛbɔɛ nɔ, agɛ dɛmɛ tɔɖɔ kɛlɛ abha.

Banɔkpɛkpɛ Axɔ̃ɛ 19:28

Gɛ belũ kibui ɛlɛ, ɔmɔpɔɛ oyialɛ kɛlɛ bakpà ozĩukpɛ̀ asɛ, “Obudi gbagbla ɔlɛonù Efesoanɛ Artemis.”

Banɔkpɛkpɛ Axɔ̃ɛ 19:35

Anɔ nɔ̀ gɛ yɛafɔnɔ bɔdɔ̃ akɔ kɛzaa akɔsɛ bataatɔ̃, pɛ etseɖe balɛ asɛ, “Efesoanɛ mɔ, banunɔ petee nɛ kanɔ nɔ̀ mɛ etinyi asɛ Efosoanɛ balepò Artemis obudiukã nɛ̀ ɔlɛ tɛzazã tɛfafatɛ gɛ wɔlɛ odenɔ kititiɛ.

Banɔkpɛkpɛ Axɔ̃ɛ 20:17

Denɔ Miletoɔ, Paulo akpɛ banɔ nɛ Efeso ɔhamɛ besheshèɛ ɔkɔ.

Banɔkpɛkpɛ Axɔ̃ɛ 21:29

(Beti eputɔ amɔ Trofimo gɛenu Efeso eyiɛ nɛ̀ Paulo nɛ ɔmã mɛ, gɛ balɔkɔ ɛlɛ asɛ Paulo yɛagbanà yɛ amana Akaavũɔ shu.)