Banɔkpɛkpɛ Axɔ̃ɛ 18:18 - Nyangbo New Testament

¹⁸ Paulo azã Korinto ɔdɛ nanà kibè tili. Kɛlɛ ashɛ nɛ badzya ɔbha pɛ eku kelĩabhaohu avɛ Siria gɛ agbana Priskila nɛ̀ Akwila aplɛnɔ yɛishu. Flogo tɛ̀ ebeku kelĩabhaohuɔ, akɔ batsɛ kɛtakpuɔ akɔɛ nɛ Kenxrea nɛ bɔdɔ̃ tuli gɛ atanà shu so.

Banɔkpɛkpɛ Axɔ̃ɛ 18:18 Referans Kwoze

Banɔkpɛkpɛ Axɔ̃ɛ 21:24

Gbanà banyɛ alɛ ɔvɛnɔ, tɛ̀ wɔnɔ alɛ odiplu shu tɛ̀ ɔbuia kɛlɛ shu abhɛ, sɛ tɛ̀ bashɛ atakpuɔ ɔkɔ alɛ. Kɛlɛ aka nyia aka ebetì asɛ̀ ebui alɛ gɛ baɖɔ nɛ wɔshuɔ ama alɛ mɛ̀, tɛ̀ kɛkasɛ ɔsɛ̀ wɔtsyɛ oshù ɔshaa.

Korintoanɛ 1 9:20

Onupɛ ɛlɛ Yudanɛ nɛishiɛ, ɛbhɛtɛ mɛishu asɛ Yudaeyi sɛ tɛ̀ ibu alɛ. Nɛ bagɛ akpasɛ Mose ɔsha niesi soɔ, ɛbhɛtɛ mɛishu asɛ anɔ gɛ akpasɛ ɔsha niesi, (pɔ mɛxɔnɔ ma ɔsha niesi flogo) sɛ tɛ̀ ibu bagɛ akpasɛ ɔsha niesi so.

Romanɛ 16:1

Ɛbaka bɔlɔ ada Foebe ibui kɔ ɔnɔ, gɛenu ɔha axɔ̃ɛdɛ gbangbã teli idi nɛ Kɛnxren ɔha mɛ.

Banɔkpɛkpɛ Axɔ̃ɛ 18:2

Ɛkɛlɛ yɛadɛ tɔnɔ Yudaeyi teli gɛ bezekulu yɛasɛ Akwila, anɔ gɛede Ponto. Yɛnɛ yɛedzini Priskila ede Italia aba ɛkɛlɛ kiwui kadze, ɔmɔsɛ ekusi Kaisaro Klauda akɔ ɔsha asɛ Yudanɛ petee ashɛ nɛ Roma. Paulo avɛ asɛ ediɖi alɛ,

Galatianɛ 1:21

Kidegbaa, ɛfala ɛdɛ Siria nɛ̀ Kilikia tsyɛ.

Banɔkpɛkpɛ Axɔ̃ɛ 15:23

Keplukpa gɛ bafɔnɔ akpɛ balɛ ahɔɛ mɛ ebuiɛ alɛ enu asɛ, Bɔlɔ banɔkpɛkpɛ nɛ̀ beshesheɛ gɛenu wɔnɔ adzya alɛ, Bɔfɔnɔ keplukpa alɛ ɔsɛsɛ bagɛ etinu Yudanɛ nɛ Antioxia, Siria nɛ̀ Kilikia nɔ, Bɔsɛnɛ wɔnɔ.

Banɔkpɛkpɛ Axɔ̃ɛ 21:3

Kibeɛ gɛ bɔmɔ Kipro sɛsɛ, bɔgã fala nɛ bɔpialɛ ɔkɔ ebeɛ, pɛ budiyì nɛ Siria. Budiku Tiro, ɛkɛlɛ gɛ kɛlɛ ɔsɛ kelĩabhaohuɔ bu ɔlɛ etukuɔ.

Banɔkpɛkpɛ Axɔ̃ɛ 18:26

Abakpà kaɖɔ ɔɖɔ nɛ ɛtsyɔakɔ nɛ kifù masi masi mɛ. Kibeɛ gɛ Priskila nɛ̀ Akwila elũ yɛebuiɛ, bekulù yɛ amana balɛ bɔpã mɛ kɛlɛ bebu ebuiɛ mɛ kɔɛ piapii nɛ Owusoso Akaa yɛedzoɔ shu.

Banɔkpɛkpɛ Axɔ̃ɛ 15:41

Agã ekoeyì nɛ Siria nɛ̀ Kilikia pɛ azakpɛ ɔhamɛanɛ ohumi.

Banɔkpɛkpɛ Axɔ̃ɛ 1:15

Nɛ ewui alɛ mɛɛ, Petro alɔɛtití nɛ bayɛyɛkɛŋã nɛishi (gɛ balɛ kɛzaa tɛkaklà mɛ bazã asɛ banɔ kɛkpã zɛzɛ̃ nɛ̀ afɛtaabha ana)

Banɔkpɛkpɛ Axɔ̃ɛ 18:27

Kibeɛ gɛ Apolo apɛ asɛ tɛ̀ avɛ Axaya, badzya akpɛ yiemi kɛlɛ bafɔnɔ keplukpa asɛsɛ badɔkpasɛnɛ nɛ ɛkɛlɛ asɛ tɛ̀ bayɛkii. Gɛ avɛ edikuɔ, edidzì apɛplɛnɔ akɔ bagɛ bebhui balɛ ebú pɛ bayɛkɛ aŋãa.

Banɔkpɛkpɛ Axɔ̃ɛ 21:23

klisoɔ bhɛtɛ kɛgɛ butseɖe wɔ. Banyɛ talɛ akpasɛ bɔlɔ ishi gɛ batanà bɔdɔ̃ elú.