Banɔkpɛkpɛ Axɔ̃ɛ 18:12 - Nyangbo New Testament

¹² Kibeɛ gɛ Galio azaŋã bukusi nɛ Roma kapɛ tieli abha, Yudanɛ abhɛtɛ tenikpo kɛlɛ bezhi eku Paulo abha pɛ bagbana yɛ amana kebhu okulukɔ.

Banɔkpɛkpɛ Axɔ̃ɛ 18:12 Referans Kwoze

Banɔkpɛkpɛ Axɔ̃ɛ 18:27

Kibeɛ gɛ Apolo apɛ asɛ tɛ̀ avɛ Axaya, badzya akpɛ yiemi kɛlɛ bafɔnɔ keplukpa asɛsɛ badɔkpasɛnɛ nɛ ɛkɛlɛ asɛ tɛ̀ bayɛkii. Gɛ avɛ edikuɔ, edidzì apɛplɛnɔ akɔ bagɛ bebhui balɛ ebú pɛ bayɛkɛ aŋãa.

Banɔkpɛkpɛ Axɔ̃ɛ 13:50

Pɔ Yudanɛ ezetsu kifu akpɛ badzɛ awɔpɔ̃nɔ gɛ bakpɛ kɛtakpu esi akɔ Owusoso Akaa nɛ̀ baanyɛ awɔpɔ̃nɔ teli tsyɛ nɛ ɔma. Bakɔ asɛ balɔɛtití nɛ Paulo nɛ̀ Barnaba shu kɛlɛ bakakalɛ ebu nɛ kɛma ɛlɛ mɛ.

Banɔkpɛkpɛ Axɔ̃ɛ 13:7

anyɛ alɛ azadɛ axɔ̃ɛ akɔ ekusi Sergio Paulo. Ɔma ekusi alɛ edzì ebuitinɛ teli idi kliso akpɛ banɔ nɛ Barnaba nɛ̀ Saulo ɔkɔ, ɔmɔsɛ apɛ asɛ tɛ elũ Owusoso Akaa nɛibuiɛ.

Korintoanɛ 2 11:10

Gɛ kibui gbã Kristo kibui gɛlɛ ɛlɛ ɔzãkɔ kpasɛ mɛmɛ soɔ, anɔ ka nyia ka gɛede Axaya bɔdɔ̃ mɛ atɛ balà aɖɔ asɛ kibuiɛ gɛ itũ ahɔɛ nɛ mɛitelũɔ ɖɔ ma ɛlɛ mɛ.

Korintoanɛ 2 9:2

Ɔmɔsɛ inyi kana gɛ nɔpɛ ɔsɛ tɛ nɔplɛnɔ, kɛlɛ itũ ahɔɛ kitelũ nɛ kɛlɛishu ɔkɔ Makedonianɛ, pɛ itseɖe balɛ̀ sɛ̀, denɔ kɛgɔanàa wɔnɔ bagɛ nɔlɛ̀ Axaya ɔpɛ ɔsɛ tɛ̀ nɔkɔ banɔ bɔdɔ̃, kɛlɛ kana gɛ nɔpɛ ɔsɛ tɛ nɔkɔ bɔdɔ̃ɔ abhɛtɛ akɔ asɛ banɔ kpekpèɛ tsyɛ apɛ asɛ tɛ bakɔ kɛdɔ̃.

Korintoanɛ 2 1:1

Paulo gɛedzi anɔkpɛkpɛ akɔ Yesu Kristo nɛ Owusoso Akaa tɛpɛpɛ ulũɔ, nɛ̀ Timoteo gɛenu bɔlɔ adzyaa, Mɛ sɛsɛ Korintoanɛ ɔhaa keplukpa alɛ ɔlɔkɔ plɛnɔ bagɛ bayɛkɛ aŋã nɛ Axaya petee asɛ,

Korintoanɛ 1 16:15

Nɔonyi ɔsɛ Stefana yɛɔpã mɛ anɛ balɛenu banɔ gɛ beputɔ pɛ etsyinà nɛ Axaya, kɛlɛ balɔkɔ balɛishu akpɛ banɔ dadalɛ axɔ̃ɛ wɔawɔa mɛ. Ɛkpalà wɔnɔ, badzya,

Romanɛ 15:26

Makedonianɛ nɛ̀ Axayanɛ beshogò bɔdɔ̃ nɛ̀ same sɛ tɛ balɔkɔ aplɛnɔ betsyuitsyuiɛ galɛ banɔ dadalɛ nɛishi nɛ Yerusalemuɔ.

Banɔkpɛkpɛ Axɔ̃ɛ 25:10

Paulo ebuiliulũ asɛ, “Kaisaro yɛ kebhu okulukɔ mɛ lɛ otsiɛ, ɛkɛlɛ kɛlɛ ɔsɛ bekulu kebhu nɛ mɛ. Ɛgɛ bhɛtɛ kibui kpa nanà nɛ̀ Yudanɛ shu, asɛ gɛ nɔonyi piapii nɔ.

Banɔkpɛkpɛ Axɔ̃ɛ 17:13

Kibeɛ gɛ Yudanɛ gɛ alɛ Tesalonika elũ asɛ Paulo aɖɔ Owusoso Akaa nɛibuiɛ nɛ Beroea nɔ, bavɛ ɛkɛlɛ tsyɛ, kɛlɛ badaakpɛ ebelà nɛ balɛishi.

Banɔkpɛkpɛ Axɔ̃ɛ 14:19

Yudanɛ teli ede Antioxia nɛ̀ Ikonio aba ɛkɛlɛ ebetsyina banɔɛza ekpeɖekpeɖe mɛ. Banɔɛza ata aklagbu ehu Paulo kɛlɛ betsìi nɛ kesiakpa avɛnɔ ɔma nɔwatɔ, beɖi asɛ etsí.

Banɔkpɛkpɛ Axɔ̃ɛ 14:2

Pɔ Yudanɛ gɛ bagɛ pɛ asɛ ayɛkɛ aŋã akpɛ ebèlà nɛ balɛishi pɛ bezĩ batɔ̃ akɔ bagɛ ayɛkɛ aŋã.

Yakobo 2:6

Wɔnɔ pɔ nɔkwɔala betsyutsyuiɛ. Pɛnɔsɛ anɛ ehoeyieleteɛ balɛ ezhini ɔnɔ ɔkpɛ esiɛ mɔɔ dza? Kɛlɛ anɛ balɛ enu banunɔ gɛ agbana ɔnɔ avɛnɔ ebhu okulukɔ mɔɔ dza?

Romanɛ 16:5

Sɛnɔ bahá gɛ atsyɔa nɛ balɛ ɔpã mɛɛ tsyɛ. Ɛsɛnɔ Epaineto, anɔ gɛ ɛdɛmɛ nɔ. Yɛedzi anɔ nɛ Asia gɛ eputɔ etsyina edzi Kristoanɔ.

Banɔkpɛkpɛ Axɔ̃ɛ 17:5

Pɔ kabhã wɔawlɔakɛ afala eku Yudanɛ teli mɛ, kliso bagbana banɔ kpa teli nɛ kedziɛ mɛ pɛ babhɛtɛ kɛza tili gɛ ɔmɔpɔɛ ɔzã balɛ mɛ, pɛ badɛkpɛ kititì lɔlɔ esi nɛ ɔmamɛ. Bebu tɛtsɛɖɛmɛ avɛnɔ Yason bɔpã mɛ tɛ̀ badɛpɛɛ Paulo nɛ̀ Sila tɛ bagbana alɛ amana banɔɛza ɔkɔ.

Banɔkpɛkpɛ Axɔ̃ɛ 13:12

Gɛ ɔma ekusiɛ amɔ kɛgɛ ba ɛlɛ mɛɛ, ayɛkɛ aŋã ɔmɔsɛ Apaleteɛ shu bɔdɔ̃ kakasɛ bhɛtɛ yɛibi.

Banɔkpɛkpɛ Axɔ̃ɛ 13:8

Pɔ Elima (gɛ kɛlɛ esi kɛlɛinu ɔsɛ anɔ gɛ kebisì alɛ yɛahɔɛ) alɔɛtití nɛ balɛ shu kɛlɛ apɛ asɛ tɛ̀ etsyina ekusiɛ edenɔ tɛyɛyɛkɛŋã shu.

Banɔkpɛkpɛ Axɔ̃ɛ 18:11

Kliso Paulo azã ɛkɛlɛ kɛgɔ zɛzɛ nɛ̀ kapɛ, pɛ azakasɛ alɛ Owusoso Akaa nɛibuiɛ.

Banɔkpɛkpɛ Axɔ̃ɛ 19:21

Gɛ alɛ nyɔ̃ɔ aba ɛlɛ mɛ ebekeɛ, Paulo abatɔɖɔ ɛlɛ ɔsɛ tɛ adɛgã Makedonia nɛ̀ Axaya tɛ avɛ Yerusalem. Aɖɔ asɛ, “Onupɛ ɛdɛ Yerusalem aba koɔ, ɛbadiɖi Roma tsyɛ.

Korintoanɛ 2 11:26

ɛzã kidzo gagã abha kibe nyia be. Ɛzã butsi nɛ ɛkpã ishi, odenɔ bulĩukekpù mɛ, banɔ kpa, ɛzã butsi nɛ̀ ɛkpã ishi odenɔ mɛahɔɛ banɔ nɔ tɛhɔɛ mɛ, nɛ̀ bagɛ betinu Yudanɛ tsyɛ tɛhɔɛ mɛ, ɛzã butsi nɛ̀ ɛkpã ishi odenɔ ɔma gbagbla mɛ, nɛ̀ bayàa mɛ, nɛ aƒu nabha, nɛ̀ badzya gɛenu basɛnɛ elete mɛ.

Tesalonikanɛ 1 2:14

Mɛ adzya alɛ, ɔmɔsɛ wɔnɔ obodzì banɔ gɛ bagã nɛ Owusoso Akaa ɔhaa nɛ Yudea gɛ akpasɛ Yesu Kristo mɛ. Nɔtɔ odenɔ wɔnɔ ahɔɛ kesiakpa abha anɔ nɔ̀ tɛhɔɛ mɛ, bɔtɔ lɛ nɛidi ɔha alɛ tsyɛ amɔ denɔ Yudanɛ ahɔɛ mɛ,

Tesalonikanɛ 1 2:16

babhɛtɛ ɛlɛ ana tɛ badã kidzo akɔ bɔlɔ tɛ bɔtɛ ɖɔ kibuiɛ ɔkɔ bagɛ betinu Yudanɛ sɛ tɛ bayɛkɛ balɛ elu nɛkpã. Nɛidzo ɛlɛ nabhaa, bakaa bhɔ balɛ ebui kpa bhɛbhɛtɛ atɔɖɔ sɛ tɛ lewu kabha. Owusoso Akaa ɔmɔpɔɛ nɔ tɛba balɛ abha otsi alɛ.