Banɔkpɛkpɛ Axɔ̃ɛ 17:32 - Nyangbo New Testament

³² Gɛ belũ kibuiɛ odenɔ bekpuɔ tɛlɔlɔ shuɔ, beteli amɔ̃ɛ yɛ, pɔ bagɔgɔ xɔnɔ aɖɔ asɛ, “Bɔpɛ ɔsɛ buwlui lũ wɔ kaɖɔ ɖɔɖɔ nɛ kibui ɛlɛ shu kidegba.”

Banɔkpɛkpɛ Axɔ̃ɛ 17:32 Referans Kwoze

Banɔkpɛkpɛ Axɔ̃ɛ 26:8

Kiɖeso pɛ kɛlɛ ɔsɛ wɔnɔ ɔmayɛmɛ teli, akɔ ɛlɛ kɛsɛnɛ ibui ɔsɛ Owusoso Akaa efeke bekpuɔ?

Banɔkpɛkpɛ Axɔ̃ɛ 17:18

Epikoroanɛ teli gɛ beshogò ishu ɔplɛnɔ Stoanɛ teli gɛenu bebutìnɛ abakpà kibui wlɔãkɛ nɛ̀ Paulo. Balɛ mɛ beteli ezebisi yɛasɛ, “Kinuvɔ ibui ɖuwoe idi yɛaɖɔ ana?” Bagɔgɔɔ tsyɛ aɖɔ asɛ, “Abhɛtɛ asɛ aɖɔaɖɔ tɛ alɔkɔ ebu amadi bhlatɔ ibudi ulũ nɔ.” Baɖɔ kibui ɛlɛ ɔmɔsɛ Paulo azaɖɔ kibui gbangbã nɛ Yesu shu, nɛ̀ tɛlɔlɔ odenɔ bekpuɔ mɛ shu.

Korintoanɛ 2 6:2

Ɔmɔsɛ aɖɔ asɛ, “Nɛ kibeɛ gɛ kɛlɛ sɛ ɛbhɛtɛ ɛyamɛ gbangbã kɔ wɔnɔ, ilũ wɔnɔ atɔ̃, kɛlɛ nɛ anɔ tibubu iwui nabhaa, ɛplɛnɔ wɔnɔ.” Itseɖe wɔnɔ sɛ kibe ɛlɛ kɛlɛinu Owusoso Akaa ɛyamɛ gbangbã bhɛbhɛtɛ kiwuiɛ, otsiɛ ɔlɛ onu tibubú kiwuiɛ.

Banɔkpɛkpɛ Axɔ̃ɛ 25:19

Pɔ, ebuiɛ teli gɛ lakpà aplɛnɔ balɛ ɛkɔɔ baza wlɔãkɛ niyɛ, nɛ̀ anyɛ teli gɛetitsí pɛ beekulu yɛasɛ Yesuɔ shu, anɔ gɛ Paulo xɔnɔ aɖɔ asɛ akalɛ nɛkpã.

Banɔkpɛkpɛ Axɔ̃ɛ 24:25

Kibeɛ gɛ Paulo azaɖɔaɖɔ nɛ ishu dadalɛ, ishu abha ŋaŋã nɛ̀ kebhu kukuluɔ gɛ abaa, kifù yi Felike kɛlɛ abaɖɔ asɛ, “Abɔ otsiɛ gbɔ! Ɔbɔlà ɔshɛ. Onupɛ ɛbamɔ kibè tsyɛ ɛbà kpɛ banɔ nɛ wɔkɔ.”

Banɔkpɛkpɛ Axɔ̃ɛ 2:13

Beteli xɔnɔ aaɖɔ amɔɛbui nɛ balɛishu kɛlɛ baɖɔ asɛ, “Bunu bawɔ̃ɛ ebuku.

Korintoanɛ 1 4:10

Budzi baaga nɛ Kristo ɛtakpu, pɔ bebutinɛ nɔonu nɛ Kristo mɛ! Bubotsò, pɔ wɔnɔ xɔnɔ ɔgagalĩ. Baakpɛ wɔnɔ kinyè nɛitití, pɔ bɔlɔ xɔnɔ batɛ̀ɛ ɔlɔ lu esi!

Banɔkpɛkpɛ Axɔ̃ɛ 17:31

Ɔmɔsɛ atɔɖɔ kiwuiɛ gɛ ebekulu kebhu nɛ̀ kanɔ nɔ̀ mɛ petee nɛ̀ kebhuɔ gɛ kalɛ alɛ ɔzãkɔ ɔgana anunɔ gɛ yɛabha yɛatɔɖɔ ahɔɛ. Ebu kibui ɛlɛ akasɛ banunɔ petee ɔgana yɛ tifefeke odenɔ bekpuɔ mɛ shu.”

Korintoanɛ 1 1:23

pɔ bɔlɔ xɔnɔɔ, Kristoɔ gɛ bakpalà nɛ butsi osiɛ shu nɛibui bɔɖɔ, kibui gɛ kinu kɛdɔ̃ kpakpatà ɔkɔ Yudanɛ pɛ bɔga kibui kinu ɔkɔ bagɛ betinu Yudanɛ xɔnɔ,

Banɔkpɛkpɛ Axɔ̃ɛ 13:41

“ ‘Ɖimɔ, wɔnɔ bagɛ nozĩ banɔ shu, nɔkanà tɛ notsí, ɔmɔsɛ ɛba bhɛtɛ kibui tili nɛ wɔnɔ kibe ɛlɛ mɛ gɛ nɔtɛ bɔyɛkɛ ɔŋã oɖi, gɛ onupɛ anɔ teli yɛetseɖe wɔ tsyɛ.’ ”

Hebrianɛ 13:13

So nɔkɔ bukoeyi vɛ Yesu yɛɔbha nɛ buvũ niede tɛ bakpɛ ɔlɔ tsyɛ awuĩ nɛidi gɛ bakpɛ yɛ.

Hebrianɛ 11:36

Bebu olugbũ mɛ nɛ beteli shu pɛ behusi teli, banyã beteli pɔ nɛ̀ ɛɖahui pɛ bakpɛ alɛ nɛ ɛɖavũ mɛ.

Banɔkpɛkpɛ Axɔ̃ɛ 17:33

Kɛlɛ Paulo abashɛ nɛ kazãa ɔbha.

Korintoanɛ 1 15:12

Pɔ onupɛ baɖɔ kibuiɛ sɛ befeke Kristoɔ edenɔ bekpuɔ mɛ, kiɖuwoe so pɛ wɔnɔ beteli ɔbɔɖɔ sɛ tɛlɔlɔ denɔ bekpumɛ ma dza?