Banɔkpɛkpɛ Axɔ̃ɛ 17:31 - Nyangbo New Testament

³¹ Ɔmɔsɛ atɔɖɔ kiwuiɛ gɛ ebekulu kebhu nɛ̀ kanɔ nɔ̀ mɛ petee nɛ̀ kebhuɔ gɛ kalɛ alɛ ɔzãkɔ ɔgana anunɔ gɛ yɛabha yɛatɔɖɔ ahɔɛ. Ebu kibui ɛlɛ akasɛ banunɔ petee ɔgana yɛ tifefeke odenɔ bekpuɔ mɛ shu.”

Banɔkpɛkpɛ Axɔ̃ɛ 17:31 Referans Kwoze

Petro 2 3:7

Ganà kibui ɛlɛ tinikpo mɛɛ, babàlɛ obo iwusosonɔ nɛ̀ kesiakpa elu akɔ kebhu kukulu iwui nabha ɔkɔ bagɛ etinyi Owusoso Akaa balɛ tiyiyí.

Romanɛ 2:16

Kɛbàba kɛlɛ mɛ nɛ kiwui nabha gɛ Owusoso Akaa ebekulu ebhu nɛ banɔdzyrame ebui kpukpũɔ, ɔgana Yesu Kristo abha asɛ ɛɖɔɔ gɛ mɛibui gbangbã ɖɔ luɔ ana.

Korintoanɛ 2 5:10

Ɔmɔsɛ kɛlɛ sɛ bɔlɔ petee ba Kristo kebhu kuklu kegbu namɛ, sɛ tɛ aka nyia aka ayɛkɛ kɛgɛ kɛlɛ sɛ bakɔɛ, nɛ̀ kɛgɛ yɛabhɛtɛ kibeɛ gɛ azã ishudzya mɛ, onupɛ kinu kibui gbangbã pɛnɔsɛ kibui kpa tsyɛ.

Korintoanɛ 1 4:5

Kliso nɔoti kulu kebhu kpɛ otugbà flogo tɛ̀ kibeɛ ba na, nɔzã opo odiyinɔ ɔsɛ Apaleteɛ aba. Yɛaba ebu ebui kpukpũ nɔnɔ gɛ akpasɛ otumũɔ mɛ oyinɔ amana ɔtɔ̃, kɛlɛ ebebu ebuiɛ gɛ lakpasɛ anɔdzyrame yɛitùɔ mɛ akasɛ. Nɛ kibe ɛlɛ Owusoso Akaa aba kpɛ bagɛ kɛlɛ sɛ akpɛ nititíɛ.

Romanɛ 2:5

Pɔ nɛ wɔnɔ atɔ̃ gagalĩ nɛ̀ ɛtúɔ mɛ gɛ nogitsyina shuɔ, noshogò ɔmɔpɔɛ olu ɔkɔ ishu nɛ Owusoso Akaa ɔmɔpɔɛ iwui nabha gɛ ebèbu yɛebhu kukulu gbangbã akasɛ.

Banɔkpɛkpɛ Axɔ̃ɛ 4:10

kɛlɛ wɔnɔ nɛ̀ Israelanɛ petee notì kibui ɛlɛ ɔsɛ, kinù kibui gɛgã Yesu Kristo Nazareteyiɛ yɛinyeɛ mɛ, anunɔ gɛ nɔdɛ kpalà nɛ osi shuɔ pɛ Owusoso Akaa efeke yɛ edenɔ bekpuɔ mɛɛ, yɛakɔ asɛ anyɛ alɛ gɛeli wɔnɔ amɛ ishumɛ gagalĩ.

Timoteo 2 4:1

Nɛ Owusoso Akaa nɛ̀ Kristo Yesu amɛɛ, anunɔ gɛ yɛebè kulu kebhu nɛ̀ bagɛ alɛ nɛkpã nɛ betsitsiɛ, kɛlɛ nɛ yɛ tɛbaba nɛ yɛikusi ɔŋãkɔɔ, ɛkɔ wɔ ɔsha ɔlɛ sɛ,

Banɔkpɛkpɛ Axɔ̃ɛ 2:32

Owusoso Akaa efeke Yesu alɛ edenɔ bekpuɔ mɛ amana ɛkpã mɛ gɛ bɔlɔ pete zãmɔ kibui ɛlɛ ɔsɛ kɛba ɛlɛ mɛ kɛgbã.

Banɔkpɛkpɛ Axɔ̃ɛ 17:18

Epikoroanɛ teli gɛ beshogò ishu ɔplɛnɔ Stoanɛ teli gɛenu bebutìnɛ abakpà kibui wlɔãkɛ nɛ̀ Paulo. Balɛ mɛ beteli ezebisi yɛasɛ, “Kinuvɔ ibui ɖuwoe idi yɛaɖɔ ana?” Bagɔgɔɔ tsyɛ aɖɔ asɛ, “Abhɛtɛ asɛ aɖɔaɖɔ tɛ alɔkɔ ebu amadi bhlatɔ ibudi ulũ nɔ.” Baɖɔ kibui ɛlɛ ɔmɔsɛ Paulo azaɖɔ kibui gbangbã nɛ Yesu shu, nɛ̀ tɛlɔlɔ odenɔ bekpuɔ mɛ shu.

Banɔkpɛkpɛ Axɔ̃ɛ 17:6

Pɔ gɛ bagɛ damɔ alɛɛ, bagbana Yason nɛ̀ ɔhamɛanɛ teli amana balɛ banɔ gbagbla namɛ nɛ̀ ozĩ kpɛkpɛ asɛ, “Banyɛ alɛ gɛ bamana buluhũ nɛ kanɔ nɔ̀ petee mɛ tsyɛ atɛba ɛkɛlɛ,

Banɔkpɛkpɛ Axɔ̃ɛ 17:32

Gɛ belũ kibuiɛ odenɔ bekpuɔ tɛlɔlɔ shuɔ, beteli amɔ̃ɛ yɛ, pɔ bagɔgɔ xɔnɔ aɖɔ asɛ, “Bɔpɛ ɔsɛ buwlui lũ wɔ kaɖɔ ɖɔɖɔ nɛ kibui ɛlɛ shu kidegba.”

Hebrianɛ 6:2

bɔdɔ̃ kakasɛ nɛ bulĩkpɛkpɛ ɔkɔ anɔ, ahɔɛ tɔtɔɖɔ nɛ banɔ abha, tɛlɔlɔ odenɔ bekpu mɛ nɛ̀ kebhu gɔgɔɛ tikukulu shu.