Banɔkpɛkpɛ Axɔ̃ɛ 17:3 - Nyangbo New Testament

³ pɛ ezebu ebui mɛ pɛ ebu akasɛ asɛ kɛlɛ ɔsɛ Yesuɔ amɔ bɔtɔ flogo tɛ̀ befeke yɛ edenɔ bekpuɔ mɛ. Aɖɔ asɛ, “Yesu alɛ gɛ yɛibuiɛ mɛɖɔɔ yɛenu Kristoɔ.

Banɔkpɛkpɛ Axɔ̃ɛ 17:3 Referans Kwoze

Banɔkpɛkpɛ Axɔ̃ɛ 18:28

Ɔmɔsɛ awzalɔ̃akɛ ebui nɛ̀ Yudanɛ nɛ ɔmaɛshi ebuimɛ pɔpɔɛ shu, pɛ azadalɛ ebuiɛ mɛ edenɔ Owusoso Akaa ebui fɔfɔnɔ mɛ ɔsɛ Yesu yɛenu Kristoɔ.

Banɔkpɛkpɛ Axɔ̃ɛ 9:22

Pɔ ohumi nɔ gɛ lɔzã Saulo mɛ lɔzɔ gagalĩ ɔtɔɖɔ, kɛlɛ kɛbhɛtɛ Yudanɛ gɛazã Damasko nɛibi gɛ azadalɛ kɛlɛ mɛ ɔsɛ Yesu yɛenu Kristoɔ.

Banɔkpɛkpɛ Axɔ̃ɛ 3:18

Pɔ, kana Owusoso Akaa abhɛtɛ kɛgɛ aɖɔ elúɔ ɔgana yɛebuiɖɔluanɔ nabha gɛ aɖɔ asɛ, yɛ Kristoɔ abamɔ bɔtɔ.

Galatianɛ 3:1

Wɔnɔ Galatianɛ awɔaga! Afana gɛ atã ɔnɔ nɛ̀ ohui ana dza? Nɛ wɔnɔ amɛɛ, nɔmɔ piapii ɔsɛ bakpalà Yesu Kristo nɛ butsi osiɛ shu.

Banɔkpɛkpɛ Axɔ̃ɛ 1:4

Kibeɛ tinikpo gɛ azaŋã bɔdɔ̃ nɛ̀ alɛɛ, akɔ alɛ ɔsha ɔlɛ asɛ, “Nɔtɛshɛ nɛ Yerusalem, pɔ nɔzã tɛ nozopo kɛgɛ Mɛakaa atɛɖɔ elu asɛ abakɔ pɛ ɛzɛɖɔ tseɖe wɔnɔɔ.

Banɔkpɛkpɛ Axɔ̃ɛ 18:5

Kibeɛ gɛ Sila nɛ̀ Timoteo ede Makedonia aba, Paulo alɔkɔ yɛishu akɔ kibuiɛ tɛɖɔɖɔ, pɛ adalɛ kɛlɛ mɛ ɔkɔ Yudanɛ ete ɔsɛ Yesu yɛenu Kristoɔ.