Banɔkpɛkpɛ Axɔ̃ɛ 16:9 - Nyangbo New Testament

⁹ Nɛ elishi alɛ bebu kɛdɔ̃ akasɛ Paulo nɛ anyɛ teli gɛ alɛ Makedonia gɛ eli kitití pɛ ebisi yɛɔdɔ asɛ, “Tsakɛ ba Makedonia tɛ̀ ɔbɔplɛnɔ ɔlɔ.”

Banɔkpɛkpɛ Axɔ̃ɛ 16:9 Referans Kwoze

Banɔkpɛkpɛ Axɔ̃ɛ 19:21

Gɛ alɛ nyɔ̃ɔ aba ɛlɛ mɛ ebekeɛ, Paulo abatɔɖɔ ɛlɛ ɔsɛ tɛ adɛgã Makedonia nɛ̀ Axaya tɛ avɛ Yerusalem. Aɖɔ asɛ, “Onupɛ ɛdɛ Yerusalem aba koɔ, ɛbadiɖi Roma tsyɛ.

Banɔkpɛkpɛ Axɔ̃ɛ 18:5

Kibeɛ gɛ Sila nɛ̀ Timoteo ede Makedonia aba, Paulo alɔkɔ yɛishu akɔ kibuiɛ tɛɖɔɖɔ, pɛ adalɛ kɛlɛ mɛ ɔkɔ Yudanɛ ete ɔsɛ Yesu yɛenu Kristoɔ.

Romanɛ 15:26

Makedonianɛ nɛ̀ Axayanɛ beshogò bɔdɔ̃ nɛ̀ same sɛ tɛ balɔkɔ aplɛnɔ betsyuitsyuiɛ galɛ banɔ dadalɛ nɛishi nɛ Yerusalemuɔ.

Banɔkpɛkpɛ Axɔ̃ɛ 20:1

Gɛ ozĩ kpɛkpɛ ebuiɛ abafala, Paulo akpɛ banɔ nɛ badɔkpasɛanɛ ɔkɔ, kɛlɛ gɛ akpɛ balɛ kemì ebekeɛ, ebisi kidzo pɛ ashɛ avɛ Makedonia.

Tesalonikanɛ 1 4:10

Kɛlɛ nɛ kibui gbã mɛɛ, nɔdɛmɛ nɛ baadzya petee nɛ Makedonia. Mɛ adzya alɛ, pɔ bɔkà kpalà wɔnɔ sɛ tɛ nɔbhɛtɛ kana odzi nɔ bhɛtɛ.

Korintoanɛ 2 12:7

Tɛ kibu mɛ oyinɔ denɔ ishu fefeke mɛ gɛ, nɛ ebui gɛ labhɛtɛ kibi alɛ gɛ bebu akasɛ mɛ so, balɔkɔ kiwú akpɛ mɛishuɔ mɛ, gɛenu Satana yɛanɔkpɛkpɛ sɛ tɛ̀, ahɔhɔlɛ mɛ.

Korintoanɛ 2 11:9

Kɛlɛ kibeɛ gɛ ɛzã wɔnɔ ɔbha pɛ ɛzɛpɛ kɛdɔ̃ tiliɛ, igidzi bɔtɔ ɔkɔ ananà, ɔmɔsɛ badzya gɛede Makedonia nɔ bakɔ mɛ mɛɔdɔ̃ pɛpɛ nɔ. Ɛgɛpɛ sɛ tɛ mɛidzì bɔtɔ ɔkɔ wɔnɔ nɛ kidzo nanà abha, kɛlɛ ɛbazã kɛlɛ abha zɛbhɛtɛ ana.

Korintoanɛ 2 9:2

Ɔmɔsɛ inyi kana gɛ nɔpɛ ɔsɛ tɛ nɔplɛnɔ, kɛlɛ itũ ahɔɛ kitelũ nɛ kɛlɛishu ɔkɔ Makedonianɛ, pɛ itseɖe balɛ̀ sɛ̀, denɔ kɛgɔanàa wɔnɔ bagɛ nɔlɛ̀ Axaya ɔpɛ ɔsɛ tɛ̀ nɔkɔ banɔ bɔdɔ̃, kɛlɛ kana gɛ nɔpɛ ɔsɛ tɛ nɔkɔ bɔdɔ̃ɔ abhɛtɛ akɔ asɛ banɔ kpekpèɛ tsyɛ apɛ asɛ tɛ bakɔ kɛdɔ̃.

Korintoanɛ 2 8:1

Mɛ adzya alɛ, otsiɛ nɔ bɔpɛ sɛ tɛ̀ notì gibhuiɛ gɛ Owusoso Akaa ebhui Makedonia ɔhaa ebuɔ.

Korintoanɛ 2 7:5

Ɔmɔsɛ gɛ bɔba Makedonia nɔ, bɔlɔ ishudzya ɛlɛ gimoele ɖi, pɔ bazã kpɛ bɔlɔ buluhũ nɛ kɛka nyia ka bhɛbhɛtɛ shu, ebela pɛpɛ ebui nɛ ɔtɔ̃ɔ, kɛmana kifu sisi nɛ bɔlɔ etúɔ mɛ.

Banɔkpɛkpɛ Axɔ̃ɛ 20:3

ɛkɛlɛ yɛazã bewoele tatá. Ɔmɔsɛ Yudanɛ atɔɖɔ kibui kpa nɛishu kibeɛ gɛ apɛ asɛ tɛ̀ eku kelĩabhaohu avɛ Siria, klisoɔ atɔɖɔ asɛ etsodzi adɛgã Makedonia.

Banɔkpɛkpɛ Axɔ̃ɛ 10:30

Kornelio ebuiliulũ asɛ, “Ewui talɛ ede nɛ alɛ gɛizi kulu kitití ayɛ nɛ mɛɔpã mɛ, nɛ kemuze ɔɖa tatá tɛta mɛ. Nɛ matì matì mɛɛ, ɛmɔ anyɛ teli nɛ bɔdɔ̃ kpɛkpɛ gitséɛ mɛ gɛ eli kititì nɛ mɛotugbà.

Banɔkpɛkpɛ Axɔ̃ɛ 10:3

Kiwui tinikpo asɛ kemuze ɔɖatàta tɛtà mɛ anaa, bebu kibui tili akasɛ yɛ. Amɔ Owusoso Akaa axɔ̃ɛdɛ teli gɛ aba yɛɔkɔ pɛ ebetseɖe yɛasɛ, “Kornelio!”

Banɔkpɛkpɛ Axɔ̃ɛ 9:38

Lida ɔmãa otsò ɔplɛnɔ Yopa, kliso gɛ badɔkpasɛanɛ elũ asɛ Petro azã Lida ɔmãmɛɛ, bakpɛ banɔ taabha nɛ yiede tɛ̀ betseɖe yɛasɛ, “Budzu kɛtakpu esi kɔ wɔ, ba tsĩɔɔ ɔlɛ!”

Banɔkpɛkpɛ Axɔ̃ɛ 16:10

Gɛ bebu ebui alɛ akasɛ Paulo ebekeɛ, bɔbalɛ tsiɔ ɔlɛ kɛlɛ bɔvɛ Makedonia, bɔyɛkɛ kɛlɛ ɔsɛ Owusoso Akaa yɛekulu bɔlɔ ɔsɛ bɔdɛɖɔ kibui gbangbã ɔkɔ alɛ.

Banɔkpɛkpɛ Axɔ̃ɛ 16:12

Denɔ ɛkɛlɛ bɔgã kidzo ɔvɛ Filipi gɛenu Romanɛ kesiakpa abha ɔma gbagbla ɔdɛ nɛ Makedonia bɔdɔ̃ mɛ. Kɛlɛ bɔzã ɛkɛlɛ ewui gelee.

Banɔkpɛkpɛ Axɔ̃ɛ 19:22

Asɛsɛ yɛaxɔ̃ɛdɛ taabha gɛenu Timoteo nɛ̀ Erasto nɛ Makedonia, gɛ yɛxɔnɔ azã Asia bɔdɔ̃ mɛ kɛbɔɛ.

Banɔkpɛkpɛ Axɔ̃ɛ 19:29

Odunu ɔlɛ koɔ, ɔmamɛ oyukù nɛ̀ ozĩ. Banunɔ evũ Gayo nɛ̀ Aristaxo gɛ benu banɔ gɛ bagã kidzo ɔplɛnɔ Paulo odenɔ Makedonia, kɛlɛ bagbanà balɛ odunũ ɔlɛ avɛnɔ ɔma ɔlɛ bɔwufù ɔwɔkɔ.

Banɔkpɛkpɛ Axɔ̃ɛ 27:2

Buku kelĩabhaohu odenɔ Adramiteo, ɔsɛ tɛ̀ bɔgã aƒuɔ ogbogboɔ nɛ kelĩabhahuɔ ɔtɔkɔ gɛlɛ Asia bɔdɔ̃ mɛ, kɛlɛ bɔbàlɔ tɔnɔ aƒuabha idzoɔ. Aristaxo gɛenu Makedonia eyì gɛede Tesalonika tsyɛ azã aplɛnɔ ɔlɔ.