Banɔkpɛkpɛ Axɔ̃ɛ 16:25 - Nyangbo New Testament

²⁵ Nɛ elishi tetiɛ Paulo nɛ̀ Sila bezekulu Owusoso Akaa pɛ baazhã ɛdzɛ akɔɛ, kɛlɛ ɔɖavũmɛ azazã gɔgɔɛ nɔ aza taatɔ̃ nɛ alɛ.

Banɔkpɛkpɛ Axɔ̃ɛ 16:25 Referans Kwoze

Yakobo 1:2

Mɛadzya alɛ mɔ, onupɛ tifefekeɖi ediedi aba ɔnɔ abhaa, nɔkɔ ilidzi same ibui kɔ ɔnɔ,

Romanɛ 5:3

Anɛ kɛlɛ ete ko, pɔ bɔmɔ same tsyɛ nɛ bɔlɔ ɔtɔ mɛ, ɔmɔsɛ bunyi sɛ bɔtɔ kɔ sɛ anɔ akpɛemi,

Hebrianɛ 5:7

Nɛ kibeɛ gɛ Yesu azã kanɔ nɔ̀ mɛɛ, ekulu Owusoso Akaa pɛ akɔ yɛtakpu ɔgana ozĩ kpɛkpɛ ɔplɛnɔ ɛwɔ̃mɛ bibi mɛ ɔkɔ anunɔ gɛ abalà yɛebu edenɔ butsí mɛɛ. Elũ yɛtikukuluɔ, nɛ yɛishu esi zhizhinɔ gbangbã mɛ so.

Efesoanɛ 5:19

Nɔɖɔ kaɖɔ kpɛ agɔlɔ ɔkɔ nɛ̀ ɛdzɛ zhazhã nɛ̀ ɔfɔfuĩa mɛ ɛdzɛ zhazhã. Nɔzhã ɛdzɛ odenɔ ɔnɔ etúɔ mɛ ɔkɔ Apaleteɛ,

Koloseanɛ 1:24

Otsi alɛ ɛmɔ samɛ nɛ kɛgɛ ɛlɛ shu mɛtɔ ɔkɔ ɔnɔ, kɛlɛ mɛishu dzya mɛ yuku nɛ̀ kɛgɛ ma mɛahɔɛ nɛ Kristo ɔtɔ shuɔ, ɔmɔsɛ nɛ yɛishu dzya shu soɔ, gɛenu ɔhaa

Romanɛ 12:12

Awɔ̃ lulu azã wɔnɔ same mɔmɔ mɛ, tɛdɔdɔ fɔ̃ɔ nɛ banɔ luhũ ikpɛ ibe, nɔlɔkɔ tɛyɛyɛkɛŋã okulu Akaa nɔ.

Petro 1 4:14

Onupɛ bakwala ɔnɔ nɛ Kristo yɛtakpù tsyɛ elo, beyulà akɔ ɔnɔ, ɔmɔsɛ ishu dadalɛ Ɔfɔfuĩa nɛ̀ Owusoso Akaa otsiɖì wɔnɔ abha.

Filipianɛ 2:17

Pɔ edzi asɛ babalɛ mɛ dzyosu esi odenɔ wɔnɔ ishu tɛlɔlɔkɔ ɔkɔ nɛ̀ kɛxɔ̃ɛ wɔawɔa gɛide tɛyɛyɛkɛŋã mɛɛ tsyɛ elo, same eekù mɛ nɛ ɔnɔ petee shu.

Korintoanɛ 2 6:10

ɔwɔ̃nyɔnɔ kpasɛ bɔlɔ mɛ, pɔ bɔmɔ same kibe nyia be, bɔdɔ̃ kitsyui, pɔ bɔkɔ banɔ kpekpèɛ amɔ ehoeyi bɔdɔ̃, kɛdɔ̃ nanà ma bɔlɔ ahɔɛ, pɔ kɛka nyia ka lɛ bɔlɔ ahɔɛ.

Banɔkpɛkpɛ Axɔ̃ɛ 5:41

Banɔkpɛkpɛ ashɛ nɛ kebhu okulukɔ nɛ̀ same, ɔmɔsɛ bakalà balɛ asɛ banɔ gɛ bashɔnɔ asɛ bamɔ bɔtɔ nɛ̀ awuĩ nɛ Yesu yɛinyeɛ nɛ takpu.

Yakobo 5:13

Bɔtɔ bá ɔnɔ mɛ teli abhaa, ekulu itití ayɛ. Anɔ teli amɔ sameɛ, azhã same ɛdzɛ tɛ akpɛ Akaa nɛinye nɛitití.

Banɔkpɛkpɛ Axɔ̃ɛ 15:22

Kɛlɛ banɔkpɛkpɛ nɛ̀ beshesheɛ ɔlɔkɔ ɔplɛnɔ ɔhaa petee adɛmɛ asɛ bebebu balɛ ahɔɛmɛ banɔ teli nɛ kɛzaa mɛ aplɛnɔ Paulo nɛ̀ Barnaba tɛ basɛsɛ alɛ nɛ Antioxia. Banunɔ gɛ bebuɔ balɛ enu, Yuda, (gɛbekulu tsyɛ asɛ Barsaba) nɛ̀ Sila, banɔ taabha alɛ enu otugbà banɔ nɛ ɔhaa nɛishi.

Banɔkpɛkpɛ Axɔ̃ɛ 16:19

Kibeɛ gɛ adzɛnuvɔɛ dzidzì alɛ yɛapalete alɛ amɔ asɛ, ɛkɛlɛ gɛ bagã amɔ ehoeyiɛ ozĩɛɛ, bevũ Paulo nɛ̀ Sila avɛnɔ balɛ kedziɛ mɛ tɛ̀ badɛtsyɔa nɛ̀ ɔshaeleteɛ.

Banɔkpɛkpɛ Axɔ̃ɛ 16:33

Nɛ elishi ɔɖa tatá ɔlɛ mɛɛ, ɔɖavũ abha eɖiɖi eleteɛ agbanà alɛ avɛnɔ adɛbɔ apɔ̃ɔ akɔ alɛ, kɛlɛ tsiɔ̃ ɔlɛ koɔ bakpɛ bulĩ nɛ ɛtakpu akɔɛ nɛ̀ yɛɔpãmɛanɛ.