Banɔkpɛkpɛ Axɔ̃ɛ 16:18 - Nyangbo New Testament

¹⁸ Azã kibui ɛlɛ abha nɛ ewui gelee mɛ̀. Kidegba kɛbadɛ Paulo ulũ kɛlɛ etsyina kɛlɛ etseɖe ɔfɔfuĩa nɔ asɛ, “Nɛ Yesu Kristo kinye mɛɛ, ɛkpɛ ɔsha akɔwɔ ɔsɛ tɛ okoeyi nɛ adzɛnuvɔɛ nɔ mɛ!” Tsiɔ̃ ɔlɛ koɔ, ɔfɔfuĩa nɔ koeyi nɛ adzɛnuvɔɛ nɔ mɛ.

Banɔkpɛkpɛ Axɔ̃ɛ 16:18 Referans Kwoze

Banɔkpɛkpɛ Axɔ̃ɛ 9:34

Petro etseɖe yɛasɛ, “Ainea, Yesu Kristo ebu bɔnyãa akɔ wɔ. Lɔ tɛ̀ olù wɔoputso nɔ.” Odunũ ɔlɛ koɔ, kɛlɛ Ainea alɔ.

Banɔkpɛkpɛ Axɔ̃ɛ 3:6

Kɛlɛ Petro etseɖe yɛasɛ, “Sikãfufú nɛ̀ sikã ama mahɔɛ pɛ ɛbakɔ wɔ, pɔ kɛgɛ lɛ mahɔɛ mɛba kɔwɔ. Nɛ Yesu Kristo Nazareteyiɛ nɛinyeɛ mɛɛ, lɔgã.”

Koloseanɛ 2:15

Kibeɛ gɛ ayɛkɛ keyutadɔ̃ nɛ̀ ihumi nɔ nɛ̀ bekusiɛ petee ahɔɛɛ, ebui ɛlɛ akasɛ nɛ banɔɛshi, gɛ alɔkɔ butsí osiɛ amɔ kabhaŋaŋã nɛ alɛ shuɔ.