Banɔkpɛkpɛ Axɔ̃ɛ 15:9 - Nyangbo New Testament

⁹ Egibu ɔtɔ nanà nɛ bɔlɔ nɛ̀ balɛishi, pɔ adalɛ balɛ etúɔ mɛ ɔgana tɛyɛyɛkɛŋã mɛ.

Banɔkpɛkpɛ Axɔ̃ɛ 15:9 Referans Kwoze

Efesoanɛ 3:6

Kibui kpukpũ ɛlɛ kɛlɛinu ɔsɛ ɔgana kibui gbangbã nabha, bagɛ etinu Yudanɛ tsyɛ abamɔ̃ kaŋãsiɛ ɔplɛnɔ Israel, gɛ bebedzi banɔ tenikpo gɛede ishudzya tinikpo mɛ, nɛ̀ banɔ gɛ aba yɛkɛ ɔdɔ̃ itsù nɛ tɛtɔtɔɖɔ lu nulũ nɛ Kristo Yesu mɛ.

Banɔkpɛkpɛ Axɔ̃ɛ 10:28

Kɛlɛ Petro etseɖe alɛ asɛ, “Nonyi piapii ɔsɛ, ɔsha ogɛkɔ kidzo ɔsɛ Yudaeyi nanà akpɛ ɔha nɛ̀ anunɔ gɛetinu Yudaeyi alo tɛ̀ avɛ yɛɔkɔ tsyɛ. Pɔ Owusoso Akaa ebui ɛlɛ akasɛ mɛ asɛ, ɛtakà kulu anɔ nanà ɔsɛ̀ yɛishu gɛdalɛ alo ligibhui.

Koloseanɛ 3:11

Nɛ ɛkɛlɛ Helaeyi alo Yudaeyi nanà ama, kɛhɔ̃a bhui bhui alo kɛhɔ̃a mabhui mabhui ma. Anɔ gɛ ehu buluhũ gɛ betielũ ɔlɛ mɛ tsyɛ ama, alo anɔ gɛ yɛ awuhũ agɛ kpà, anɔ dzidzì alo anɔ gɛ alɛ yɛishu ahɔɛ mɛ, pɔ tenikpo balɛ nɛ Kristo mɛ, kɛlɛ Kristo yɛalɛ alɛ petee mɛ.

Galatianɛ 5:6

Ɔmɔsɛ nɛ Kristoɔ Yesu mɛɛ, kɛnanà ma kɛhɔ̃a bhui bhui alo kɛhɔ̃a mabhui mabhui mɛ. Kɛgɛ ɛlɛ sɛ beɖiɛ kɛlɛinu tɛyɛyɛkɛŋã gɛibu ishu kasɛ ɔgana tɛdɛdɛmɛ nɔ mɛ.

Galatianɛ 3:28

Yudaeyi alo Helaeyi nanà abha ma, anɔ dzidzi alo anɔ gɛ alɛ yɛishu ahɔɛ mɛ, anyɛ alo adzɛ abha ma, ɔmɔsɛ wɔnɔ petee odzi tenikpo nɛ Kristo Yesu mɛ.

Korintoanɛ 1 1:2

Ɛfɔnɔ kalɛ sɛsɛ Owusoso Akaa ɔha gɛalɛ Korinto, nɛ̀ bagɛ badalɛ balɛishu nɛ Yesu Kristo mɛ pɛ balɛishu dalɛ, ɔlɔkɔ plɛnɔ bagɛ balɛ ɔkɔ nyia ɔkɔ pɛ beekulu Apalete Yesu Kristoɔ inyeɛ, anɔ gɛenu balɛ Apaleteɛ nɛ̀ bɔlɔ ayɛ.

Romanɛ 3:22

Anɔ gbangbã dzidzi alɛ, Owusoso Akaa ɔkɔ kide ɔgana Yesu Kristo abha tɛyɛyɛkɛŋã mɛ ɔkɔ bagɛ ayɛkɛ aŋã petee. Egibu ananà ɔtɔ,

Banɔkpɛkpɛ Axɔ̃ɛ 11:12

Ɔfɔfuĩa nɔ otseɖe mɛ ɔsɛ, ɛlɔ tɔnɔ̀ alɛ ɔvɛ. Badzya tehlo alɛ tsyɛ avɛ aplɛnɔ mɛ, kɛlɛ budiku anyɛ nɔpã mɛ.

Petro 1 1:22

Otsiɛ gɛ nɔoplu ishu pɛ nɔolũ atɔ̃ ɔkɔ kibui gbã, sɛ tɛ nɔdɛmɛ nɔ nɛ̀ wɔnɔ adzya alɛ, tɛ nɔdɛmɛ nɔ nɛ bagɔlɔ denɔ kitúɔ mɛ piapii.

Banɔkpɛkpɛ Axɔ̃ɛ 10:34

Kɛlɛ Petro akpa kaɖɔɖɔ asɛ, “Otsi alɛ ilũ kɛlɛ esi piapii ɔsɛ, Owusoso Akaa etiɖì banɔ amɛ

Korintoanɛ 1 7:18

Bebhui kɛhɔ̃a ɔkɔ anyɛ teli flogo pɛ bekulú yɛ dza? Eti dzí anɔ gɛ begi bhui kɛhɔ̃a akɔ. Anyɛ teli alɛ gɛ begi bhui kɛhɔ̃a akɔ yɛ flogo pɛ etsyina dza? Beteke bhui kɛhɔ̃a akɔɛ.

Romanɛ 9:24

bɔlɔ gɛinu yɛanɔ kukulu tsyɛ elo, anɛ bagɛ benu Yudanɛ ete, pɔ denɔ banunɔ gɛ betinu Yudanɛ tsyɛ mɛɛ dza?

Romanɛ 3:9

Otsiɛ nɔ pɔ, kiɖuwoe lu bɔbaɖɔ? Bɔbaɖɔ ɔsɛ bɔpɛ̀ dɛ anɔ teli dza? Ao, kɛma ɛlɛ mɛ ana kura! Bɔtɛ ibu kɛlɛ mɛ kpɛ otugbà ɔsɛ, bagɛ enu Yudanɛ nɛ̀ bagɛ etinu Yudanɛ pete alɛ ebui kpa bhɛbhɛtɛ esi.

Banɔkpɛkpɛ Axɔ̃ɛ 14:27

Gɛ bediku Antioxia nɔ, beshogo ɔha kɛlɛ bakɔ alɛ tititì nɛ ebuiɛ gɛ Owusoso Akaa abhɛtɛ aganà balɛ abha, nɛ̀ kana gɛ adalɛ idzo akɔ tɛyɛyɛkɛŋã ɔkɔ bagɛ etinu Yudanɛ.

Banɔkpɛkpɛ Axɔ̃ɛ 14:1

Nɛ Ikonio nɔ, Paulo nɛ̀ Barnaba avɛ Yudanɛ ɔtsyɔakɔ asɛ gɛ babhɛtɛɛ ana. Ɛkɛlɛ badɛ ɖɔ kaɖɔ nɛ̀ ohumi, gɛ kɛkɔ ɔsɛ banɔ kpekpèɛ gɛenu Yudanɛ nɛ̀ bagɛ etinu Yudanɛ tsyɛ ayɛkɛ aŋã.

Banɔkpɛkpɛ Axɔ̃ɛ 10:15

Kaɖɔ ezeyì bɔbhalà etseɖe Petro asɛ, “Tɔokulu kɛdɔ̃ nanà gɛ Owusoso Akaa abhɛtɛ pɛ kɛdalɛ sɛ kɛlɛishu gibhui.”