Banɔkpɛkpɛ Axɔ̃ɛ 15:6 - Nyangbo New Testament

⁶ Banɔkpɛkpɛ nɛ̀ ɔhamɛ beshesheɛ adɛtɔ̃ kɛtakpu tɛ̀ babhɛtɛ ekpeɖekpeɖe mɛ nɛ kibui bibisi ɛlɛ shu.

Banɔkpɛkpɛ Axɔ̃ɛ 15:6 Referans Kwoze

Hebrianɛ 13:17

Nolũ atɔ̃ ɔkɔ bagɛ alɛ̀ ɔnɔ lũɔ, tɛ nɔkpɛ ɛtakpu esi ɔkɔ alɛ gɛ balɛ eɖi wɔnɔ abha, pɛ balɛ enu banunɔ gɛ babàkɔ akɔnta nɛ wɔnɔ shuɔ. Nolũ atɔ̃ nɛ alɛ, sɛ tɛ balɛ ɛxɔ̃ɛ wɔawɔa etsyina edzi same ibui, pɔ nɔtɛkpɛ bɔtɔ gɛ tɛba mana ɔnɔ ibui gbangbã nanà nɔ.

Hebrianɛ 13:7

Nɔbaka banɔlũazazã gaɖɔ Owusoso Akaa ibuiɛ akɔ ɔnɔɔ. Nolũ awɔ̃ oɖi balɛ ɛkpã tɛzazã mɛ tɛ nɔkpasɛ alɛ tɛyɛyɛkɛŋã.

Banɔkpɛkpɛ Axɔ̃ɛ 15:25

Kliso bɔlɔ petee badɛmɛ ɔtɔɖɔ ɛlɛ abha ɔsɛ tɛ̀ bubu banɔ teli ɔkpɛ wɔnɔ ɔkɔ aplɛnɔ bɔlɔ ɔbhia alɛ gɛ bɔdɛmɛ nɔ gɛenu Barnaba nɛ̀ Paulo,

Banɔkpɛkpɛ Axɔ̃ɛ 21:18

Gɛ keliɛ azaa, Paulo nɛ̀ bɔlɔ banɔ gɔgɔɛ nɔ vɛ diɖi Yakobo, kɛlɛ ɔhamɛ besheshèɛ petee azã ɛkɛlɛ.

Banɔkpɛkpɛ Axɔ̃ɛ 15:4

Gɛ Paulo nɛ̀ Barnaba ediku Yerusalemuɔ, ɔha, banɔkpɛkpɛ nɛ̀ Yerusalemuɔ ɔhamɛ beshesheɛ ayɛkɛ alɛ. Paulo nɛ̀ Barnaba abakɔ alɛ tititì nɛ kɛka nyia ka gɛ Owusoso Akaa abhɛtɛ aganà balɛ abha shu.

Banɔkpɛkpɛ Axɔ̃ɛ 6:2

Kliso banɔkpɛkpɛ lɔfɔ nɛ̀ taabha ekulu badɔkpasɛanɛ petee eshogò pɛ betseɖe alɛ asɛ, “Kɛma ɛlɛ ɔzãkɔ ɔsɛ bɔshɛnɛ ahɔɛ nɛ Owusoso Akaa ebuiɛ tɛɖɔɖɔ shu, tɛ̀ buziɖi bɔŋaŋã tɛkɔkɔ anɔ ebui shu.

Banɔkpɛkpɛ Axɔ̃ɛ 11:30

Kɛgɛ babhɛtɛ kɛlɛinu ɔsɛ, basɛsɛ besheshèɛ bɔdɔ̃ ɔganà Barnaba nɛ̀ Saulo abha.

Banɔkpɛkpɛ Axɔ̃ɛ 15:2

Kibui ɛlɛ̀ badzì kawlɔ̃akɛ nɛ̀ ebui mɛ tsatsaɖakɛ nɛ Paulo, Barnaba nɛ̀ banunɔ nɛishi. Kliso bebu Paulo nɛ̀ Barnaba ɔplɛnɔ bayɛyɛkɛŋã teli, asɛ bavɛ Yerusalem tɛ bavɛ adɛmɔ banɔkpɛkpɛ nɛ̀ ɔhamɛ beshesheɛ nɛ kibui ɛlɛ shu.

Banɔkpɛkpɛ Axɔ̃ɛ 15:22

Kɛlɛ banɔkpɛkpɛ nɛ̀ beshesheɛ ɔlɔkɔ ɔplɛnɔ ɔhaa petee adɛmɛ asɛ bebebu balɛ ahɔɛmɛ banɔ teli nɛ kɛzaa mɛ aplɛnɔ Paulo nɛ̀ Barnaba tɛ basɛsɛ alɛ nɛ Antioxia. Banunɔ gɛ bebuɔ balɛ enu, Yuda, (gɛbekulu tsyɛ asɛ Barsaba) nɛ̀ Sila, banɔ taabha alɛ enu otugbà banɔ nɛ ɔhaa nɛishi.

Banɔkpɛkpɛ Axɔ̃ɛ 16:4

Gɛ bazagã afala nɛ ɛmaa mɛɛ, baaɖɔ kibuiɛ gɛ banɔkpɛkpɛ nɛ̀ beshesheɛ aɖɔ nɛ Yerusalem etseɖe alɛ tɛ baabhɛtɛ tɔɖɔ kɛlɛ abha.