Banɔkpɛkpɛ Axɔ̃ɛ 15:32 - Nyangbo New Testament

³² Yuda nɛ̀ Sila gɛedzi ebuiɖɔluanɔ baɖɔ ebui gele alɔkɔ akpɛ badzya kemi nɛ̀ ohumi nɔ.

Banɔkpɛkpɛ Axɔ̃ɛ 15:32 Referans Kwoze

Banɔkpɛkpɛ Axɔ̃ɛ 11:23

Gɛ ediku pɛ amɔ asɛ kibui gbã kinu ɔsɛ Owusoso Akaa ebhui balɛ ebuɔ, same ekui, kɛlɛ akpɛ balɛ petee kemi asɛ tɛ̀ balɔkɔ̀ balɛ etúɔ nyɔ̃ɔ azã nɛ̀ ɛkpã ɔkɔ Apaleteɛ.

Banɔkpɛkpɛ Axɔ̃ɛ 14:22

pɛ bazakpɛ badɔkpasɛnɛ ohumi nɛ̀ kemi tɛ̀ bazã tɛyɛyɛkɛŋã gɛinu kibui gbã nabha. “Kɛlɛ ɔsɛ bɔgã bɔtɔ̀ gele mɛ flogo tɛ bɔmɔ kidzo ɔvɛ Owusoso Akaa bukusi ŋaŋã mɛ.”

Banɔkpɛkpɛ Axɔ̃ɛ 13:1

Nɛ Antioxia ɔhaa mɛɛ, bebuiɖɔluanɔ nɛ̀ badɔkasɛ teli azã ɛkɛlɛ gɛ̀ balɛenu, Barnaba, Simeon gɛ bezekulu tsyɛ asɛ Anɔtutũ, Lukio gɛede Kirene, Manahem (Anɔ gɛ banyɔnɔ aplɛnɔ ekusi Herodes Antipa) ɔlɔkɔ ɔplɛnɔ Saulo.

Petro 1 5:12

Denɔ Sila anɔ gɛ ɛlɔkɔ yɛasɛ anɔ gɛ ɛyɛkɛŋã, denɔ yɛ tɛpɛplɛnɔ mɛ ɛfɔnɔ keplukpa alɛ gulũi kɔ wɔnɔ pɛ̀ ɛkpɛ wɔnɔ kemi tɛ̀ ɛɖɔ kaɖɔ dalɛ kɛlɛ mɛ sɛ, kɛlɛ kɛlɛinu Owusoso Akaa tibhui bhuibu gɛlɛ ɛlɛ ɔzãkɔ. Nɔzã gagalĩ nɛ kɛlɛ mɛ̀.

Petro 1 5:10

Kɛlɛ Owusoso Akaa gɛenu tibhui bhuibu eleteɛ petee nɔ, anɔ gɛ yɛekulu wɔnɔ amana Kristo yɛ sameɛ gɛ etibeleɛ mɛɛ, gɛ onupɛ nɔmɔ bɔtɔ̀ ebekeɛ nɛ kibè gulũi lɛ, yɛabàkɔ nɔzã gagalĩi pɛ nɔ otɛbɔ hɔa.

Petro 1 5:1

Mɛ asɛ ɔhamɛ sheshè ana, ɛɛkɔ wɔnɔ ɔhamɛ esheshèɛ gɛ alɛ wɔnɔ ɛshiɛ ɛtakpu, asɛ anɔ gɛazã amɔ Kristo yɛɔtɔ nɛ̀ anɔ tsyɛ gɛ aba mɔ ishu dadalɛ gɛ bebebu akasɛ.

Timoteo 2 4:2

Ɖɔ Owusoso Akaa nɛibuiɛ, balɛ sɛ onupɛ banɔ apɛ asɛ tɛ belũ kibuiɛ alo tɛ betielũ ɛlɛ tsyɛo, woese anɔ, tseɖe nɛ̀ anɔ tɛ̀ ɔkpɛ banɔ emi-nɛ kitu esi lulũ nɛ̀ bɔdɔ̃ kakasɛ piapii mɛ.

Timoteo 1 2:1

Putɔ nɔɔ, ɛkpalà wɔ ɔsɛ, kɛdɔ̃ bibisi, Owusoso Akaa tikukulu, pɛnɔsɛ tɛ̀ bekulu Owusoso Akaa ɔkɔ anɔ teli alo tɛ behu ahɔɛ, kɛlɛ sɛ babhɛtɛ alɛ akɔ anɔ ka nyia ka,

Tesalonikanɛ 2 3:12

Banɔ alɛ nɛidi bɔkɔ ɔsha pɛ bɔkpalà alɛ nɛ Apalete Yesu mɛ sɛ bapɛ ɔkɔ toli azã tɛ bawɔa kɛxɔ̃ɛ tɛ baŋã ɔdɔ̃.

Tesalonikanɛ 1 5:20

nɔtɛ lɔkɔ ebuiɖɔlu ebuiɛ wɔ ufù nɔ.

Tesalonikanɛ 1 5:14

Bɔlɔ adzya alɛ mɔ, bɔkpalà ɔnɔ sɛ tɛ notseɖe nɔ nɛ̀ bagɛ benu banɔ zhɔzhɔrɛ, nɔkpɛ bagɛ kitu bhui balɛ ohuiɛ kemi, nɔplɛnɔ bagɛ ebotsoɔ, tɛ̀ nɔdɔ fɔ̃ɔ ɔkɔ anɔ ka nyia ka.

Tesalonikanɛ 1 4:1

Otsi alɛ mɛ adzya alɛ mɔ, bɔkɔ wɔnɔ ɔsha nɛ kana gɛ nɔbɔzã nɛ̀ ɛkpã pɛ lɛba shɔnɔ Owusoso Akaa, asɛ ɛkpã gɛ nodzinɔ. Otsi nɔ bubisi denɔ wɔnɔ ahɔɛ mɛ kɛlɛ bɔkpalà wɔnɔ nɛ Apaleteɛ Yesu mɛ tɛ nɔbhɛtɛ kana odzinɔ bhɛtɛ.

Tesalonikanɛ 1 3:2

Bɔsɛsɛ Timoteo, gɛenu bɔlɔ adzya nɛ̀ Owusoso Akaa axɔ̃ɛwɔa ɔkɔ Kristo yɛibuiɛ tɛkakanà, sɛ tɛ akpɛ wɔnɔ ohumi nɛ̀ tɛ̀ akpɛ wɔnɔ kemi nɛ wɔnɔ tɛyɛyɛkɛŋã mɛ,

Tesalonikanɛ 1 2:11

Ɔmɔsɛ nonyi kana gɛ bɔnyana wɔnɔ mɛ aka nyia aka vunɔ asɛ kana gɛ eyiaka abhɛtɛ̀ yɛeyi alɛ ana,

Efesoanɛ 3:5

kibui gɛ begi bu akasɛ banɔ nɛ kibeɛ gɛtɛ bafala mɛ, asɛ gɛ Ɔfɔfuĩa nɔ obu ɛlɛ ɔkasɛ Owusoso Akaa anɔkpɛkpɛ dadalɛ nɛ̀ ebuiɖɔluanɔ.

Korintoanɛ 1 14:32

Ebuiɖɔluanɛ ɔfɔfuĩa nɔ ɔkpasɛ ebuiɖɔluanɛ niesi.

Korintoanɛ 1 14:29

Ebuiɖɔluanɛ asɛ taabha alo tata baɖɔaɖɔ, kɛlɛ tɛ̀ bagɔgɔ banyɔ kibuiɛ gɛ kɛlɛ yɛaɖɔ shu piapii.

Korintoanɛ 1 14:3

Pɔ anɔka nyia ka gɛ aɖɔ kibui elu xɔnɔ, aɖɔaɖɔ akɔ banɔ sɛ tɛ̀ akpɛ balɛ ohumi, tɛ̀ akpɛ balɛ kemi nɛ̀ tɛ ayɔ balɛ ishumɛ.

Korintoanɛ 1 1:8

Abakɔ nɔzã gagalĩ ɔvɛnɔ kiwui gɔgɔ nabha, kɛba kɔsɛ nɔtɛ bɔmɔ bamɛ tsitsí nɛ bɔlɔ Apalete Yesu Kristo yɛiwui nabha.

Romanɛ 12:8

onupɛ anɔ teli yɛyɛ́ kɛlinu sɛ tɛ akpɛ banɔ emiɛ, nɔkɔ yɛakpɛ banɔ emi, anunɔ gɛ àkɔ bagɛ kɛdɔ̃ nanà ma balɛ ahɔɛɛ, azakɔ balɛ nɛ̀ ɛyamɛ gbangbã, onupɛ banɔ gbagbana ɛxɔ̃ɛ anunɔ ayɛkɛ, agbana banunɔ piapii, kɛlɛ onupɛ ashagabui ɖiɖi anunɔ ayɛkɛ tsyɛɛ, eɖi ashagabuiɛ nɛ same mɔmɔ mɛ.

Romanɛ 12:6

Bɔdɔ̃ kɔkɔ ediedi alɛ bɔlɔ ahɔɛ nɛ tibhui bhuibuɔ gɛ bakɔ ɔlɛ nulũ. Anunɔ gɛ yɛdɔ̃ kɔkɔ kɛlɛinu ɔsɛ tɛ aɖɔ ebui eluɔ, aɖɔ alɛ elu nɛ kɛkɔ gɛ bakɔɛ nɛ yɛibui tɛyɛyɛkɛŋã nulũ.

Banɔkpɛkpɛ Axɔ̃ɛ 20:2

Anyɔ afala nɛ kɛma ɛlɛ mɛ, pɛ alɔkɔ kaɖɔ ɖɔɖɔ gelee akpɛ banɔ kemi nɔ, gɔgɔɛ nɔ, ediyì nɛ Hela bɔdɔ̃ mɛ,

Banɔkpɛkpɛ Axɔ̃ɛ 18:23

Gɛ azã Antioxia odiyinɔ kibè tiliɛ, Paulo azagã kidzo edenɔ ɛkɛlɛ pɛ azakanà nɛ Galatia nɛ̀ Frigia bɔdɔ̃ petee mɛ pɛ akpɛ badɔkpasɛanɛ petee kemi.

Banɔkpɛkpɛ Axɔ̃ɛ 15:41

Agã ekoeyì nɛ Siria nɛ̀ Kilikia pɛ azakpɛ ɔhamɛanɛ ohumi.

Banɔkpɛkpɛ Axɔ̃ɛ 15:22

Kɛlɛ banɔkpɛkpɛ nɛ̀ beshesheɛ ɔlɔkɔ ɔplɛnɔ ɔhaa petee adɛmɛ asɛ bebebu balɛ ahɔɛmɛ banɔ teli nɛ kɛzaa mɛ aplɛnɔ Paulo nɛ̀ Barnaba tɛ basɛsɛ alɛ nɛ Antioxia. Banunɔ gɛ bebuɔ balɛ enu, Yuda, (gɛbekulu tsyɛ asɛ Barsaba) nɛ̀ Sila, banɔ taabha alɛ enu otugbà banɔ nɛ ɔhaa nɛishi.

Banɔkpɛkpɛ Axɔ̃ɛ 15:1

Banyɛ teli ezhi ede Yudea aba Antioxia pɛ baba kasɛ ɔhamɛanɛ bɔdɔ̃ asɛ, “Onupɛ begibhui kɛhɔ̃a akɔ anɔ nɛ ɔkɔɔ gɛ Mose akasɛ ɔlɔ nulũɔ, atɛ bɔmɔ ɛkpã.”

Banɔkpɛkpɛ Axɔ̃ɛ 11:27

Nɛ kibe ɛlɛ, bebuiɖɔluanɔ teli ede Yerusalem aba Antioxia.

Banɔkpɛkpɛ Axɔ̃ɛ 2:40

Alɔkɔ ebui bhlatɔ etseɖe nɔ nɛ̀ balɛ, kɛlɛ akɔ balɛ kɛtakpu asɛ, “Nobu wɔnɔ ishu odenɔ kibè kpa kanɔ alɛ mɛ.”

Banɔkpɛkpɛ Axɔ̃ɛ 15:3

Ɔhaa abakpɛ balɛidzo, kɛlɛ gɛ bagã kidzoɔ afala nɛ Foenisia nɛ̀ Samaria nɔ, betseɖe alɛ kana gɛ bagɛ etinu Yudanɛ tsyɛ etsyina balɛ etúɔ mɛ. Kibui ɛlɛ kɔ bayɛyɛkɛŋã amɔ same popopo.

Banɔkpɛkpɛ Axɔ̃ɛ 15:27

Klisoɔ bɔkpɛ Yuda nɛ̀ Sila nɛ wɔnɔ ɔkɔ tɛ̀ babà ɖɔaɖɔ atɔɖɔ kɛklagbu nɛ kɛgɛ ɛlɛ ishu bɔfɔnɔ keplukpa alɛ akɔ wɔnɔ.

Banɔkpɛkpɛ Axɔ̃ɛ 15:31

Banunɔ akalà keplukpa kɛlɛ same eku alɛ nɛ kalɛ mɛ ebuiɛ shu.