Biblia Todo Logo
Bib sou entènèt

- Piblisite -




Banɔkpɛkpɛ Axɔ̃ɛ 15:25 - Nyangbo New Testament

25 Kliso bɔlɔ petee badɛmɛ ɔtɔɖɔ ɛlɛ abha ɔsɛ tɛ̀ bubu banɔ teli ɔkpɛ wɔnɔ ɔkɔ aplɛnɔ bɔlɔ ɔbhia alɛ gɛ bɔdɛmɛ nɔ gɛenu Barnaba nɛ̀ Paulo,

Gade chapit la Kopi




Banɔkpɛkpɛ Axɔ̃ɛ 15:25
18 Referans Kwoze  

Nɔkɔ kɛzã wɔnɔ ekpeɖekpeɖe mɛ ɔsɛ, Apaleteɛ tɛdɔdɔ fɔ̃ɔ nu tɛyɛyɛkɛ kɔ ɔlɔ, asɛ kana gɛ Paulo bɔlɔ adzya gɛ bɔdɛmɛ nɔ̀ tsyɛ alɔkɔ bubutiɛ gɛ Owusoso Akaa akɔɛ afɔnɔ keplukpa akɔ wɔnɔ nɔ.


Kɛlɛ banɔkpɛkpɛ nɛ̀ beshesheɛ ɔlɔkɔ ɔplɛnɔ ɔhaa petee adɛmɛ asɛ bebebu balɛ ahɔɛmɛ banɔ teli nɛ kɛzaa mɛ aplɛnɔ Paulo nɛ̀ Barnaba tɛ basɛsɛ alɛ nɛ Antioxia. Banunɔ gɛ bebuɔ balɛ enu, Yuda, (gɛbekulu tsyɛ asɛ Barsaba) nɛ̀ Sila, banɔ taabha alɛ enu otugbà banɔ nɛ ɔhaa nɛishi.


Kibui ɛlɛ̀ badzì kawlɔ̃akɛ nɛ̀ ebui mɛ tsatsaɖakɛ nɛ Paulo, Barnaba nɛ̀ banunɔ nɛishi. Kliso bebu Paulo nɛ̀ Barnaba ɔplɛnɔ bayɛyɛkɛŋã teli, asɛ bavɛ Yerusalem tɛ bavɛ adɛmɔ banɔkpɛkpɛ nɛ̀ ɔhamɛ beshesheɛ nɛ kibui ɛlɛ shu.


Banɔ alɛ nyɔ̃ɔ abhɛtɛ tenikpo nɛ Owusoso Akaa tikukulu mɛ kibe nyia be ɔplɛnɔ badzɛ, nɛ̀ Maria gɛenu Yesu yɛelĩ nɛ̀ yɛadzya alɛ.


ezeke dzi anɔ dzidzì, pɔ aba pɛ adɛ anɔ dzidzi, kɛlɛ abazã asɛ adzya ana gɛ ɔdɛmɛnɔ. Ɛdɛmɛ yɛibui, kɛlɛ ɔbɔ dɛmɛ yɛibui ɔdɛ mɛ asɛ anyɛ nɛ̀ adzya gɛ akpasɛ Apaleteɛ mɛ.


Yɛ nɛ̀ Onesimo balɛ aba. Bɔlɔ adzya gbangbã nɛ tɛyɛyɛkɛŋã mɛ pɛ enu wɔnɔ mɛ anɔ tenikpo nɔ. Bebè tseɖe wɔnɔ kɛka nyia ka gɛ ba ɛlɛ mɛ nɛ ɛkɛlɛ̀.


Tikikus ebètseɖɔ wɔnɔ ebuiɛ petee mɛ gɛ ɛgã. Enu adzya gbangbã, axɔ̃ɛwɔa gɛ ayɛkɛ aŋã pɛ aɖɔ kibui gbã pɛ ewlui enu axɔ̃ɛdɛ ɔplɛnɔ ɔlɔ nɛ Apaleteɛ mɛ.


Tixiko, adzyaa gɛ ɛdɛmɛ nɔ pɛ enu axɔ̃ɛdɛ gbangbã nɛ Apaleteɛ mɛ, ebetseɖe ɔnɔ kɛka nyia ka, sɛ tɛ wɔnɔ tsyɛ otì kana gɛ ɛlɛɛ nɛ kɛnɔnɔ gɛ ɛbhɛtɛɛ.


Yakobo, Petro nɛ̀ Yohanes gɛenu kibuiɛ kɛlɛ bubhi kashàa, bakɔ mɛ nɛ̀ Barnaba ahɔɛ ɔkɔ kɛdzyà bhɛbhɛtɛ nɛ kibeɛ gɛ bamɔ tibhui bhuibuɔ gɛ bakɔ mɛ. Badɛmɛ atɔɖɔ ɛlɛ abha asɛ tɛ̀ bɔvɛ bagɛ etinu Yudanɛ ɔkɔ, tɛ balɛ tsyɛ avɛ Yudanɛ ɔkɔ.


Mɛelé alɛ mɔ, ɛkɔɔ wɔnɔ kɛtakpu nɛ bɔlɔ Apalete Yesu Kristo yɛinye mɛ sɛ tɛ̀ wɔnɔ nyɔ̃ɔ nɔ ozolũ bagɔlɔ esi, tɛ̀ ɔtɔbubu nanà ɔtɔzã wɔnɔɛshi, tɛ̀ nɔbhɛtɛ tenikpo piapii nɛ ekpeɖekpeɖe nɛ̀ ebui tɔtɔɖɔ mɛ.


Sɛnɔ Trifaena nɛ̀ Trisofa gɛ benu banunɔ gɛ bazadɛ axɔ̃ɛ akɔ Apaleteɛ. Sɛnɔ mɛɔbhia Persis, anɔ gɛ akpɛ emi nɛ Apalete nɛxɔ̃ɛ wɔawɔa mɛ.


Paulo nɛ̀ Barnaba xɔnɔ awɔ Antioxia, ɛkɛlɛ balɛ nɛ̀ banunɔ teli azakasɛ bɔdɔ̃ pɛ bazaɖɔ Apalete nibuiɛ.


Banɔkpɛkpɛ nɛ̀ ɔhamɛ beshesheɛ adɛtɔ̃ kɛtakpu tɛ̀ babhɛtɛ ekpeɖekpeɖe mɛ nɛ kibui bibisi ɛlɛ shu.


Bazatɔ̃ kɛtakpu nɛ Owusoso Akaavũɔ shu kibe nyia be. Bazaŋã bɔdɔ̃ nɛ kesugba tienikpo mɛ nɛ balɛ bapãmɛ nɛ same nɛ̀ etú dadalɛ mɛ,


Gɛ Pentekoste kiwuiɛ baa, balɛ petee bazã kitsù nɛ ɔkɔ tonikpo.


Swiv nou:

Piblisite


Piblisite