Banɔkpɛkpɛ Axɔ̃ɛ 15:23 - Nyangbo New Testament

²³ Keplukpa gɛ bafɔnɔ akpɛ balɛ ahɔɛ mɛ ebuiɛ alɛ enu asɛ, Bɔlɔ banɔkpɛkpɛ nɛ̀ beshesheɛ gɛenu wɔnɔ adzya alɛ, Bɔfɔnɔ keplukpa alɛ ɔsɛsɛ bagɛ etinu Yudanɛ nɛ Antioxia, Siria nɛ̀ Kilikia nɔ, Bɔsɛnɛ wɔnɔ.

Banɔkpɛkpɛ Axɔ̃ɛ 15:23 Referans Kwoze

Banɔkpɛkpɛ Axɔ̃ɛ 23:26

Klauda Lisia, yɛafɔnɔ keplukpa alɛ, Ɛlɔkɔ sɛsɛ wɔ bɔlɔ kɛmadi ekusiɛ Felike anɔ gɛ adzã kiwuhũ. Ɛsɛnɛ wɔ.

Yakobo 1:1

Keplukpa alɛ kede mɛ Yakobo, Owusoso Akaa nɛ̀ Apalete Yesu Kristo yɛaxɔ̃ɛdɛ ɔkɔ. Ɛfɔnɔ alɛ sɛsɛ egbogbo lɔfɔ nɛ̀ taabha gɛ apɔɛ afalanɔ pɛ bakpasɛ ɛmadi bhlatɔ mɛ. Nɔyɛkɛ mɛ ɔsɛsɛnɔo.

Galatianɛ 1:21

Kidegbaa, ɛfala ɛdɛ Siria nɛ̀ Kilikia tsyɛ.

Banɔkpɛkpɛ Axɔ̃ɛ 15:22

Kɛlɛ banɔkpɛkpɛ nɛ̀ beshesheɛ ɔlɔkɔ ɔplɛnɔ ɔhaa petee adɛmɛ asɛ bebebu balɛ ahɔɛmɛ banɔ teli nɛ kɛzaa mɛ aplɛnɔ Paulo nɛ̀ Barnaba tɛ basɛsɛ alɛ nɛ Antioxia. Banunɔ gɛ bebuɔ balɛ enu, Yuda, (gɛbekulu tsyɛ asɛ Barsaba) nɛ̀ Sila, banɔ taabha alɛ enu otugbà banɔ nɛ ɔhaa nɛishi.

Yohanes 3 1:14

Iɖì kidzomɛ ɔsɛ tɛ ɛmɔ wɔ gulũi, kɛlɛ bɔbà ɖɔaɖɔ bamɛ nɛ̀ amɛ.

Yohanes 2 1:13

Wɔada nɔ gɛ bebu eluɔ, yɛeyi alɛ asɛnɛ ɔnɔ o.

Yohanes 2 1:10

Onupɛ anɔ teli aba wɔnɔ ɔhha pɛ agɛ mana bɔdɔ̃ kakasɛ ɛlɛ, nɔtɛ̀ gbanà yɛ kpɛ wɔnɔ bɔpã mɛ alo tɛ̀ nɔyɛkɛ yɛ tsyɛ.

Yohanes 2 1:3

Tibhui bhuibu, ashagabui ɖiɖi nɛ̀ ishu yɔyɔ ode Owusoso Akaa nɛ̀ Yesu Kristo gɛenu bɔlɔ Akaa Yɛeyiɛ ɔkɔ, balɛ abazã aplɛnɔ ɔlɔ nɛ kibui gbã nɛ̀ tɛdɛdɛmɛ nɔ mɛ̀.

Banɔkpɛkpɛ Axɔ̃ɛ 15:41

Agã ekoeyì nɛ Siria nɛ̀ Kilikia pɛ azakpɛ ɔhamɛanɛ ohumi.

Banɔkpɛkpɛ Axɔ̃ɛ 15:4

Gɛ Paulo nɛ̀ Barnaba ediku Yerusalemuɔ, ɔha, banɔkpɛkpɛ nɛ̀ Yerusalemuɔ ɔhamɛ beshesheɛ ayɛkɛ alɛ. Paulo nɛ̀ Barnaba abakɔ alɛ tititì nɛ kɛka nyia ka gɛ Owusoso Akaa abhɛtɛ aganà balɛ abha shu.

Banɔkpɛkpɛ Axɔ̃ɛ 15:1

Banyɛ teli ezhi ede Yudea aba Antioxia pɛ baba kasɛ ɔhamɛanɛ bɔdɔ̃ asɛ, “Onupɛ begibhui kɛhɔ̃a akɔ anɔ nɛ ɔkɔɔ gɛ Mose akasɛ ɔlɔ nulũɔ, atɛ bɔmɔ ɛkpã.”

Banɔkpɛkpɛ Axɔ̃ɛ 14:27

Gɛ bediku Antioxia nɔ, beshogo ɔha kɛlɛ bakɔ alɛ tititì nɛ ebuiɛ gɛ Owusoso Akaa abhɛtɛ aganà balɛ abha, nɛ̀ kana gɛ adalɛ idzo akɔ tɛyɛyɛkɛŋã ɔkɔ bagɛ etinu Yudanɛ.

Banɔkpɛkpɛ Axɔ̃ɛ 21:25

Bagɛ betinu Yudanɛ pɛ bayɛkɛ aŋã xɔnɔɔ, bɔtɛ fɔnɔ keplukpa akɔ alɛ nɛ kɛgɛ bɔtɔɖɔ shu ɔsɛ, batɛ aŋã bɔdɔ̃ gɛ batɔ ɔkɔ ibudiɛ, dzyosu nɛ̀ kɛdzya gidè bagã gɛ bedzyinì balɛ iliɛ, nɛ̀ tɛ̀ batakaŋã kɛgɔlɔ.”

Banɔkpɛkpɛ Axɔ̃ɛ 21:3

Kibeɛ gɛ bɔmɔ Kipro sɛsɛ, bɔgã fala nɛ bɔpialɛ ɔkɔ ebeɛ, pɛ budiyì nɛ Siria. Budiku Tiro, ɛkɛlɛ gɛ kɛlɛ ɔsɛ kelĩabhaohuɔ bu ɔlɛ etukuɔ.

Banɔkpɛkpɛ Axɔ̃ɛ 18:18

Paulo azã Korinto ɔdɛ nanà kibè tili. Kɛlɛ ashɛ nɛ badzya ɔbha pɛ eku kelĩabhaohu avɛ Siria gɛ agbana Priskila nɛ̀ Akwila aplɛnɔ yɛishu. Flogo tɛ̀ ebeku kelĩabhaohuɔ, akɔ batsɛ kɛtakpuɔ akɔɛ nɛ Kenxrea nɛ bɔdɔ̃ tuli gɛ atanà shu so.

Banɔkpɛkpɛ Axɔ̃ɛ 11:18

Gɛ belũ kibui ɛlɛɛ, ananà egefekè kibui nanà, pɔ bakpɛ Owusoso Akaa nɛinye nɛitití pɛ baɖɔ asɛ, “Kɛlɛ́ otsiɛnɔ, Owusoso Akaa akɔ bagɛ̀ betinu Yudanɛ tsyɛ etumɛ tsyitsyina tɛ bamɔ ɛkpã.”

Banɔkpɛkpɛ Axɔ̃ɛ 6:9

Pɔ kititì lɔlɔ babá, odenɔ ɔtsyɔakɔ banunɔ gɛ bamɔ ishuahɔɛmɛ zazãa, (asɛ gɛ beekulu alɛ ana) gɛenu Yudanɛ gɛede Kirene nɛ̀ Aleksandro, kɛlɛ beteli tsyɛ ede Kilikia nɛ̀ Asia bɔdɔ̃ mɛ. Banɔ alɛ akpà ebui wlɔakɛ nɛ̀ Stefano,

Banɔkpɛkpɛ Axɔ̃ɛ 11:20

Beteli nɛ balɛ mɛ, banɔ gɛede Kipro nɛ̀ Kirene, bavɛ Antioxia pɛ badaaɖɔ kibuiɛ etseɖe Helanɛ tsyɛ, betseɖe balɛ kibui gbangbã nɛ Apalete Yesu shu.

Banɔkpɛkpɛ Axɔ̃ɛ 15:2

Kibui ɛlɛ̀ badzì kawlɔ̃akɛ nɛ̀ ebui mɛ tsatsaɖakɛ nɛ Paulo, Barnaba nɛ̀ banunɔ nɛishi. Kliso bebu Paulo nɛ̀ Barnaba ɔplɛnɔ bayɛyɛkɛŋã teli, asɛ bavɛ Yerusalem tɛ bavɛ adɛmɔ banɔkpɛkpɛ nɛ̀ ɔhamɛ beshesheɛ nɛ kibui ɛlɛ shu.