20 Pɔ nɔkɔ bɔfɔnɔ keplukpa ɔkɔ alɛ boŋ tɛ̀ bayɔlɔ ibudi bɔdɔ̃ ŋaŋã gɛ bɔlɛishu gɛdalɛ, kɛgɔlɔ ŋaŋã, nɛ̀ bɔdzya nɔnɔ gɛide bagã gɛ bedzinì balɛ ili nɛ̀ butsì tɛŋaŋã mɛ.
Nobu ishu oyinɔ odenɔ bɔŋaŋã gɛ batɔ akɔ ibudiɛ, dzyosu nɛ̀ bɔdzya gɛide bagã gɛ bedzyinì balɛ iliɛ mɛ, ɔlɔkɔ ɔplɛnɔ kɛgɔlɔ ŋaŋã. Nɔkpɛ kemi tɛ̀ nɔshɛnɛ ahɔɛ nɛ ebui alɛ nɛidi shu. Bɔsɛnɔ wɔnɔ piapii.
Pɔ kibui tili lɛ mɛahɔɛ nɛ wɔshu ɔsɛ, ɔdɛmɛ obuidzo ɔkɔ adzɛ alɛ gɛ enu Izebel, gɛ ekulu yɛishu asɛ ebuiɖɔluanɔ yɛenuɔ. Kɛlɛ gana yɛɔdɔ̃ kakasɛ mɛɛ, awɔɛ mɛaxɔ̃ɛdɛ asɛ tɛ bedzi ɔmamɛ dɛdɛeleteɛ, tɛ bazaŋã ɔdɔ̃ gɛ batɔ akɔ ibudiɛ.
Pɔɔ, ebui teli xɔnɔ alɛ mɛahɔɛ nɛ wɔshu. Banɔ teli alɛ wɔahɔɛ nɛ ɛkɛlɛ gɛ banyana Bileam yɛɔdɔ̃ kakasɛ mɛ evunɔ. Yɛ gɛ akɔ asɛ tɛ Balak awɔɛ Israelanɛ akpɛ ebui kpa bhɛbhɛtɛ mɛ ɔgana bɔdɔ̃ tɔtɔ ɔkɔ ibudi tɛŋaŋã, nɛ̀ ɔmamɛ dɛdɛ mɛ.
Bagɛ betinu Yudanɛ pɛ bayɛkɛ aŋã xɔnɔɔ, bɔtɛ fɔnɔ keplukpa akɔ alɛ nɛ kɛgɛ bɔtɔɖɔ shu ɔsɛ, batɛ aŋã bɔdɔ̃ gɛ batɔ ɔkɔ ibudiɛ, dzyosu nɛ̀ kɛdzya gidè bagã gɛ bedzyinì balɛ iliɛ, nɛ̀ tɛ̀ batakaŋã kɛgɔlɔ.”
Nɔobu tɛtsɛɖɛ mɛ ɔshɛ nɛ kɛgɔlɔ ŋaŋã ebui shu. Ebui kpa ka nyia ka gɛ anɔ abhɛtɛ, abhɛtɛ alɛ nɛ ishupi niede, pɔ anunɔ gɛ abhɛtɛ kibui kpa odenɔ kɛgɔlɔ ŋaŋã mɛɛ xɔnɔɔ, abhɛtɛ kibui kpa nɛ yɛahɔɛ ishudzya shu.
Nɔotinyi ɔsɛ atakpu mɛ gagalĩ eleteɛ atɛba vɛ Owusoso Akaa bukusi ɔŋãkɔɔ dza? Nɔtɛkɔ bawɔɛ wɔnɔ, bagɛ baŋã kɛgɔlɔ tsyɛ, ibudi eleteɛ, bagɛ badɛ ɔmamɛ, banyɛ gɛ bawɔsɔ̃ nɛ̀ balɛ banyɛ ɔhagbo alɛ,
Banunɔ gɛ agɔ̃, pɛ banɔ yiyíudɔ̃ ɔlɛ giyí alɛ tsyɛ elo, begitsyina nɛ balɛ ahɔɛ ɔdɔ̃ bhɛbhɛtɛ niede. Bagɛ yɔlɔ ɛtakpu esi ukpɛ ɔkɔ ɛfɔfuĩa kpa, nɛ̀ ibudi gɛ balɔkɔ sikã, sikã fufu, ɔɖa dzadzã, aklagbu nɛ̀ isí abhɛtɛ nɔ—ibudiɛ gɛ lɛtɛlà mɔ̃ nɛ̀ awuhũ, alo lilũ, alo lɛgã.
Ɔmɔsɛ nɔotizĩ kibè dzlolo nɛ ewuiɛ gɛ atɛ fala mɛ pɛ nɔbhɛtɛ kɛgɛ ibudì eleteɛ azatɔɖɔ abhɛtɛ mɛ, nɔzã nɛkpã nɛ kɛgɛ ishudzya pɛ ulũ, kanɔ mɛ same mɔmɔ, bunù bubuku, akpɛnɛ ebui bhɛbhɛtɛ, bunù ɔhakpɛkpɛ nɛ̀ ibudì ɛkɔ tishushù.
Wɔnɔ badzɛenyine nɛ̀ banyɛedziniɛ, nɔkpɛ ɛtakpu esi ɔkɛ bagɔlɔ shu nɛ̀ wɔnɔ ɔwɔ̃sɔkɔ tsyɛ, ɔmɔsɛ Owusoso Akaa ebekulu ebhu nɛ̀ agɛ adɛ ɔma mɛ nɛ̀ bagɛ baŋã agɔlɔ.
Kinu Owusoso Akaa tɛpɛpɛ sɛ tɛ wɔnɔ shu dalɛ, sɛ tɛ nɔyɔlɔ ɔmamɛdɛdɛ,
Klisoɔ nɔŋã kanɔ alɛ mɛ kɛka nyia ka idi gɛ kpasɛ ɔnɔ mɛ nabha. Gɛinu asɛ ɔmamɛdɛdɛ, atsɔ̃bui, ishumɛ tɛlɔlɔ nɛ adzɛ shu, ebui zizĩ tɛtɔtɔɖɔ, nɛ̀ mɛ ete tɛpɛpɛ̃ gɛinu ibudi ebui.
Pɔ nɛ wɔnɔ ɛshiɛ, kɛma sɛ tɛ belũ ɔnɔ ɔdɔ̃ nɛ ɔmamɛ dɛdɛ shu, alo atsɔ̃bui ka nyia ka ɛdi shu, alo anɔ gɛ apɛɛ kɛdɔ̃ gbagbla adɛ, ɔmɔsɛ ebui alɛ agɛpɛ akɔ Owusoso Akaa yɛanɔ dadalɛ.
Ebuiɛ gɛ akpà ɔplɛnɔ ebui kpa bhɛbhɛtɛ edzoɔ awɔ̃ɛ asɛ, ɔmamɛ dɛdɛ, atsɔ̃bui bhɛbhɛtɛ nɛ̀ ɛkpã kpa tɛŋaŋã,
Otsiɛ nɛ bɔŋaŋãa gɛ batɔ akɔ ibudiɛ shuɔ, bunyi ɔsɛ kɛlɛ tititì mɛ ɔkɔ ɔlɔ petee. Bubutì kɔ befeke ishu, pɔ tɛdɛdɛmɛ nɔ xɔnɔ bhɔ banɔ ewunɔ kabha.
Pɔ gɛ kɛgɔlɔ ŋaŋã ebuiɛ bekpe soɔ, adzɛ azã anyɛ ka nyia ka ahɔɛ, kɛlɛ anyɛ tsyɛ azã adzɛ ka nyia ka ahɔɛ.
Pɔ, otsiɛnɔ ɛfɔnɔ kɔ wɔnɔ sɛ, kɛma sɛ tɛ nɔkpɛ ɔha nɛ anunɔ gɛ ekulu yɛishu sɛ adzya yɛenu flogo pɛ aka aŋã kɛgɔlɔ apɛ yɛ ete tɛpɛpɛ, anɔ gɛ eshu ibudi ɔkɔ̀ alo anɔ gɛ ezĩ banɔ shu, enuwɔ̃ɛ alo anɔ gɛ edzyinì banɔ akpɛ. Nɔtɛŋã bɔdɔ̃ ete tsyɛ nɛ banɔ alɛ nɛidi.
Kɛlɛ kaɖɔ gɛ itilũ odenɔ ititíɛ bafalanɔ zɛetseɖe mɛasɛ, “Gavɛ, tɛ ɔyɛkɛ eplukpa gɛ adalɛ edzi nɛ axɔ̃ɛdɛ gɛ eli itití nɛ aƒuɔ nɛ̀ esiakpa nabha ahɔɛ.”
Evunɔ eplukpa bhlui tieli gɛ kadalɛ edzi nɛ yɛahɔɛ mɛ. Edzu yɛŋã ɔtsɛɖɛ nɛ aƒu nabha, kɛlɛ kɛblɛkpɛ ɔyɛ nɛ esiakpa,
Nɔnyana ishu piapii sɛ tɛ anɔ nanà etidzi ɔmamɛadɛdɛ elete alo anɔ gɛ akaa ɔfɔfuĩa nɔ ma yɛmɛ asɛ Esau ana, gɛ atsrakɛ yɛeyianyɛ ukusi ɔzãkɔ nɛ̀ kɛŋaŋã esugba tienikpo nɔ ana.
Kifù yimɛ sɛ onupɛ ɛzɛba, mɛ Owusoso Akaa abakɔ mɛizhini mɛishu esi nɛ wɔnɔ amɛ, kɛlɛ ɛbàmɔ ɔwɔ̃nyɔnɔ denɔ banɔ gelee gɛ batɛ bhɛtɛ ebui kpa akpɛ otugbà pɛ begitsyina nɛ balɛ etúɔ mɛ odenɔ atsɔ̃bui bhɛbhɛtɛ mɛ, ebui asɛ ɔmamɛ dɛdɛ nɛ̀ bunu tibubuku ebui gɛ balɔkɔ balɛishu ashɔkpɛ mɛ.
“Bɔŋaŋã lɛ kɔ kevũɔ, kɛlɛ kevũɔ tsyɛ alɛ kɔ́ bɔŋaŋã,” pɔ Owusoso Akaa ebezĩ balɛ taabha. Bagɛ bhɛtɛ ishudzyaa kɔ́ kɛgɔlɔ ŋaŋã ebui, pɔ Apaleteɛ babhɛtɛ ɛlɛ akɔ, kɛlɛ babhɛtɛ Apaleteɛ tsyɛ akɔ ishudzya.