Banɔkpɛkpɛ Axɔ̃ɛ 14:23 - Nyangbo New Testament

²³ Paulo nɛ̀ Barnaba edzu ɔhamɛ besheshè akɔ alɛ nɛ ɔha ka nyia ka mɛ, kɛlɛ nɛ Owusoso Akaa tikukulu nɛ̀ olugbũnyanyã mɛɛ, balɔkɔ balɛ akpɛ ahɔɛ akɔ Apaleteɛ gɛ yɛabha bayɛkɛ aŋãa.

Banɔkpɛkpɛ Axɔ̃ɛ 14:23 Referans Kwoze

Tito 1:5

Kɛnɔnɔ shu so pɛ ɛshɛ yɔlɔ wɔ nɛ Kreta kɛlɛinu ɔsɛ tɛ owoese ebuiɛ gɛatɔ̀ pɛ balɔkɔ akpɛ wɔahɔɛ tɛ obu bagɛ abazã ɔha nulũ nɛ ɔma ka nyia ka mɛ, asɛ kana gɛ ɛkasɛ wɔ ana.

Banɔkpɛkpɛ Axɔ̃ɛ 11:30

Kɛgɛ babhɛtɛ kɛlɛinu ɔsɛ, basɛsɛ besheshèɛ bɔdɔ̃ ɔganà Barnaba nɛ̀ Saulo abha.

Yakobo 5:14

Wɔnɔ mɛ anɔ teli ishu mɛ izĩ dza? Ekulu ɔhamɛ esheshèɛ tɛ bekulu Owusoso Akaa nɛ yɛtakpu tɛ basara bɔbɔ́ akɔɛ nɛ Apalete nɛinye mɛ.

Timoteo 2 2:2

Nɛ̀ ebuiɛ gɛ olũ mɛɖɔ nɛ banɔ kpekpèɛ gɛ azã amɔ ebui alɛ amɛ, lɔkɔ ɛlɛ ɔkɔ banɔ gɛ belu awɔ̃ nɛ balɛ abha pɛ balɛ tsyɛ ashɔ̃ asɛ bakasɛ banɔ bhlatɔ ɔdɔ̃.

Banɔkpɛkpɛ Axɔ̃ɛ 20:32

“Otsiɛ nɔ, ɛɛlɔkɔ̀ wɔnɔ ɔkpɛ ahɔɛ akɔ Owusoso Akaa nɛ̀ yɛibuiɛ gɛ alɔkɔ ebhui bɔlɔ ebuɔ nɔ̀. Kɛlɛ bàbhɔ wɔnɔ wunu kabha pɛ kɛbàkɔ wɔnɔ bagɛ badalɛ wɔnɔ shuɔ petee kaŋãsiɛ.

Timoteo 1 5:22

Dɔ fɔ̃ɔ ɔkɔ ahɔɛ tɔtɔɖɔ nɛ anɔ abha, kɛlɛ tɛzã ebui kpa bhɛbhɛtɛ elete ede. Za nɛkpã nɛ wɔshu dadalɛ mɛ.

Banɔkpɛkpɛ Axɔ̃ɛ 20:17

Denɔ Miletoɔ, Paulo akpɛ banɔ nɛ Efeso ɔhamɛ besheshèɛ ɔkɔ.

Yohanes 3 1:1

Mɛ asɛ ɔhamɛ anɔ sheshè ana, Ɛsɛsɛ wɔ Gayo epluka alɛ, wɔ anɔ gɛ ɛdɛmɛnɔ nɛ kibui gbã mɛ.

Yohanes 2 1:1

Denɔ Esheshèɛ ɔkɔ, Ɔsɛsɛ apãlĩɛ gɛ bebu eluɔ nɛ̀ yɛeyi alɛ, gɛ ɛdɛmɛ nɔ alɛ nɛ kibui gbã mɛ, gɛnɛ mɛ ete pɔ bagɛ balɛ enyi kibui gbã tsyɛ petee,

Petro 1 5:1

Mɛ asɛ ɔhamɛ sheshè ana, ɛɛkɔ wɔnɔ ɔhamɛ esheshèɛ gɛ alɛ wɔnɔ ɛshiɛ ɛtakpu, asɛ anɔ gɛazã amɔ Kristo yɛɔtɔ nɛ̀ anɔ tsyɛ gɛ aba mɔ ishu dadalɛ gɛ bebebu akasɛ.

Timoteo 1 5:1

Titseɖenɔ nɛ̀ anɔ sheshè gagalĩ, pɔ hu buluhũ kɔɛ asɛ wɔ akaa ana. Lɔkɔ bunuvɔɛ nɔ asɛ baadzya ana,

Banɔkpɛkpɛ Axɔ̃ɛ 15:6

Banɔkpɛkpɛ nɛ̀ ɔhamɛ beshesheɛ adɛtɔ̃ kɛtakpu tɛ̀ babhɛtɛ ekpeɖekpeɖe mɛ nɛ kibui bibisi ɛlɛ shu.

Banɔkpɛkpɛ Axɔ̃ɛ 15:4

Gɛ Paulo nɛ̀ Barnaba ediku Yerusalemuɔ, ɔha, banɔkpɛkpɛ nɛ̀ Yerusalemuɔ ɔhamɛ beshesheɛ ayɛkɛ alɛ. Paulo nɛ̀ Barnaba abakɔ alɛ tititì nɛ kɛka nyia ka gɛ Owusoso Akaa abhɛtɛ aganà balɛ abha shu.

Petro 1 5:10

Kɛlɛ Owusoso Akaa gɛenu tibhui bhuibu eleteɛ petee nɔ, anɔ gɛ yɛekulu wɔnɔ amana Kristo yɛ sameɛ gɛ etibeleɛ mɛɛ, gɛ onupɛ nɔmɔ bɔtɔ̀ ebekeɛ nɛ kibè gulũi lɛ, yɛabàkɔ nɔzã gagalĩi pɛ nɔ otɛbɔ hɔa.

Timoteo 2 1:12

Kliso pɛ ɛmɔ bɔtɔ ɔlɛ asɛ gɛ ɛmɔ ana. Pɔ kiwũi tiyi mɛ, ɔmɔsɛ inyi anunɔ gɛ yɛabha mɛyɛkɛŋã, kɛlɛ ɛyɛkɛŋã sɛ abalà anyanã kibuiɛ gɛ ɛkpɛ yɛahɔɛ ovunɔ ɔvɛnɔ kiwui ɛlɛ nabha.

Banɔkpɛkpɛ Axɔ̃ɛ 15:23

Keplukpa gɛ bafɔnɔ akpɛ balɛ ahɔɛ mɛ ebuiɛ alɛ enu asɛ, Bɔlɔ banɔkpɛkpɛ nɛ̀ beshesheɛ gɛenu wɔnɔ adzya alɛ, Bɔfɔnɔ keplukpa alɛ ɔsɛsɛ bagɛ etinu Yudanɛ nɛ Antioxia, Siria nɛ̀ Kilikia nɔ, Bɔsɛnɛ wɔnɔ.

Banɔkpɛkpɛ Axɔ̃ɛ 14:26

Denɔ Atalia nɔ beku kelĩ abhaohu nɛ ɛkɛlɛ pɛ bebeyì nɛ Antioxia. Nɛ ɛkɛlɛ, balɔkɔ balɛishu adɛ akpɛ ahɔɛ akɔ Owusoso Akaa nɛ kɛxɔ̃ɛ gɛ ebhui alɛ ebu bawɔa ebekeɛ shu.

Banɔkpɛkpɛ Axɔ̃ɛ 1:22

odenɔ kibèɛ gɛ Yohanes azakpɛ bulĩɛ ɔvɛnɔ kibeɛ gɛ befeke Yesu avɛnɔ kititíɛ. Ɔmɔsɛ kɛlɛ ɔsɛ tɛ banɔ alɛ ɔmayɛmɛ tenikpo edzi anɔ gɛ abaplɛnɔ pɛ bɔbàɖɔ ebuiɛ nɛ Yesu yɛ tɛlɔlɔ odenɔ bekpuɔ mɛ shu.

Banɔkpɛkpɛ Axɔ̃ɛ 1:24

Kɛlɛ bekulu Akaa aɖɔ asɛ, “Apalete wonyi anɔ nyia anɔ yitúɔ mɛ. Kasɛ ɔlɔ banɔ alɛ ɔmayɛmɛ nɔnɔ gɛ obuɔ

Korintoanɛ 2 8:19

Kɛgɛ zɛdɛɛ, ɔhaa yɛebú yɛ asɛ tɛ atɔnɔ bɔlɔ nɛ kibeɛ gɛ bɔlɔkɔ bɔdɔ̃kɔkɔ vɛnɔɔ, bɔdɔ̃ gɛ bɔdɛkɔ tɛ̀ bɔkpɛ̀ Apaleteɛ kinyè nɛitití, nɛ̀ tɛ bɔkasɛ ɔsɛ bɔpɛ sɛ tɛ̀ bɔplɛnɔ.