Banɔkpɛkpɛ Axɔ̃ɛ 14:22 - Nyangbo New Testament

²² pɛ bazakpɛ badɔkpasɛnɛ ohumi nɛ̀ kemi tɛ̀ bazã tɛyɛyɛkɛŋã gɛinu kibui gbã nabha. “Kɛlɛ ɔsɛ bɔgã bɔtɔ̀ gele mɛ flogo tɛ bɔmɔ kidzo ɔvɛ Owusoso Akaa bukusi ŋaŋã mɛ.”

Banɔkpɛkpɛ Axɔ̃ɛ 14:22 Referans Kwoze

Petro 1 5:10

Kɛlɛ Owusoso Akaa gɛenu tibhui bhuibu eleteɛ petee nɔ, anɔ gɛ yɛekulu wɔnɔ amana Kristo yɛ sameɛ gɛ etibeleɛ mɛɛ, gɛ onupɛ nɔmɔ bɔtɔ̀ ebekeɛ nɛ kibè gulũi lɛ, yɛabàkɔ nɔzã gagalĩi pɛ nɔ otɛbɔ hɔa.

Timoteo 2 3:12

Nɛ kibui gbã mɛɛ, babatɔnɔ anɔ ka nyia ka gɛ apɛ asɛ tɛ azãna ɛkpã kɔ Owusoso Akaa nɛ̀ Yesu Kristoɔ niede,

Romanɛ 8:17

Kliso onupɛ yɛeyi alɛ bunuɔ, kɛlɛ budzi kaŋãsiɛelete-Owusoso Akaa kaŋãsiɛelete ɔplɛnɔ Kristo. Kɛmɔ̀ gɛ bɔmɔ̀ ɔtɔ ɔplɛnɔ Kristoɔ, kidzo ɛlɛ nabha babakpɛ bɔlɔ tsyɛ nɛ kitití ɔmɔ asɛ yɛ ana.

Kibui Bubú Kasɛ 2:10

Tɛ osí ifu nɛ bɔtɔ gɛ bàba wɔabha shu. Itseɖe wɔ ɔsɛ, Abosam abakpɛ ɔnɔ eteli nɛ ɔɖavũ mɛ, sɛ tɛ efeke ɔnɔ eɖi, kɛlɛ nɔbɔmɔ ede tɔtɔnɔ nɛ ewui gulũi mɛ. Onupɛ butsí ibui tsyɛ elo, nɔzã kɛgɛ nɔyɛkɛ ɔŋã niede, kɛlɛ ɛbakɔ ɔnɔ ɛkpã ekusikutu.

Koloseanɛ 1:23

onupɛ nɔzã ɛlɛ abha nɛ ɔnɔ tɛyɛyɛkɛŋã mɛ, pɛ nɔodzi gagalĩ, pɛ nɔgɛ shɛ nɛ wɔnɔ kidzo mɛ ɖiɖiɛ gɛlɛ kibui gbangbã mɛ shu. Kibui gbangbã ɛlɛ gɛ nɔolũɔ baɖɔ etseɖe kɛdɔ̃ bhɛbhɛtɛ ka nyia ka gɛ lɛ kitití niesi, pɛ kɛlɛ shu mɛ Paulo badzi axɔ̃ɛdɛ ɔkɔɔ.

Timoteo 2 1:8

Kliso tɛkɔ kiwũi yi wɔ nɛ Apaleteɛ nɛibuiɛ tɛɖɔɖɔ shu, alo tɛ kiwũi yi wɔ nɛ mɛ ɔɖavũɔ mɛ gɛ ɛkpasɛ shu. Pɔ plɛnɔ mɛ nɛ bɔtɔ gɛ ɛmɔ nɛ kibui gbangbã shu, nɛ Owusoso Akaa ohumi nɔ shu,

Banɔkpɛkpɛ Axɔ̃ɛ 18:23

Gɛ azã Antioxia odiyinɔ kibè tiliɛ, Paulo azagã kidzo edenɔ ɛkɛlɛ pɛ azakanà nɛ Galatia nɛ̀ Frigia bɔdɔ̃ petee mɛ pɛ akpɛ badɔkpasɛanɛ petee kemi.

Kibui Bubú Kasɛ 7:14

Ibuiliulũ asɛ, “Apalete, wonyi.” Kɛlɛ aɖɔ asɛ, “Balɛ enu banunɔ gɛ bagã ekoeyì nɛ bɔtɔ gagalĩɛ mɛ, pɛ beplu balɛ akpɛkpɛ dzloloɔ, pɛ babhɛtɛ alɛ befuli frɛrɛrɛ nɛ Obhoshieyiɛ dzyosu nɔ mɛ.

Petro 2 1:11

kɛlɛ nɔbɔ mɔ tɛtsyatyanà gbangbã otsoku ɔlɔ Apalete Yesu Kristoɔ gɛ ebu ɔlɔ yɛukusi ŋaŋã tihɔɔ nɔ mɛ.

Banɔkpɛkpɛ Axɔ̃ɛ 9:16

Ɛbakasɛ yɛ bɔtɔ nɔnɔ́ɛ ɛdi gɛ kɛlɛ ɔsɛ amɔ nɛ mɛinye nɛ takpu.”

Korintoanɛ 1 1:8

Abakɔ nɔzã gagalĩ ɔvɛnɔ kiwui gɔgɔ nabha, kɛba kɔsɛ nɔtɛ bɔmɔ bamɛ tsitsí nɛ bɔlɔ Apalete Yesu Kristo yɛiwui nabha.

Banɔkpɛkpɛ Axɔ̃ɛ 15:41

Agã ekoeyì nɛ Siria nɛ̀ Kilikia pɛ azakpɛ ɔhamɛanɛ ohumi.

Banɔkpɛkpɛ Axɔ̃ɛ 15:32

Yuda nɛ̀ Sila gɛedzi ebuiɖɔluanɔ baɖɔ ebui gele alɔkɔ akpɛ badzya kemi nɛ̀ ohumi nɔ.

Banɔkpɛkpɛ Axɔ̃ɛ 11:23

Gɛ ediku pɛ amɔ asɛ kibui gbã kinu ɔsɛ Owusoso Akaa ebhui balɛ ebuɔ, same ekui, kɛlɛ akpɛ balɛ petee kemi asɛ tɛ̀ balɔkɔ̀ balɛ etúɔ nyɔ̃ɔ azã nɛ̀ ɛkpã ɔkɔ Apaleteɛ.

Kibui Bubú Kasɛ 1:9

Mɛ, wɔnɔ adzya Yohanɛs, gɛ bɔzã itsu nɛ bɔtɔ mɛ pɛ bɔkpɛ emi, dɔ fɔ̃ɔ ɔkɔ bukusiɛ gɛinu ɔlɔ ɔyɛ ɔgana Yesu mɛ, ɛzã Patmo bulĩetukpɔ nabha, nɛ Owusoso Akaa ibuiɛ gɛ ɛɖɔ dalɛ Yesu shu so.

Yuda 1:3

Mɛbhia alɛ gɛ ɛdɛmɛ nɔ, gɛ kinù mɛ same ɔsɛ tɛ̀ mɛ fɔnɔ keplukpa akɔ ɔnɔ nɛ tibubuɔ gɛ bɔmɔ̃ shu tsyɛɛ, ɛmɔsɛ kɛlɛ ɔsɛ mɛ fɔnɔ keplukpa akɔ wɔnɔ tɛ̀ ɛlɔkɔ kpalà wɔnɔ ɔsɛ tɛ nɔkɔ tɛyɛyɛkɛŋã gɛ balɔkɔ akpɛ ahɔɛ akɔ bayɛyɛkɛŋã ku balɛ awɔ̃.

Tesalonikanɛ 1 3:13

Tɛ̀ Yesu akpɛ wɔnɔ etúɔ ohumi sɛ tɛ betibu wɔnɔɛpɔ tɛ wɔnɔ shu dalɛ nɛ Owusoso Akaa namɛ gɛ onupɛ bɔlɔ Apalete Yesu aba nɛ yɛ̀ banɔ dadalɛ petee.

Banɔkpɛkpɛ Axɔ̃ɛ 13:43

Gɛ banunɔ ekoeyì nɛ kɛtakpu ɔtɔ̃kɔɔ, Yudanɛ kpekpèɛ nɛ̀ bagɛ etsyina eku Yudanɛ ɔha mɛ atɔnɔ Paulo nɛ̀ Barnaba. Bazaɖɔaɖɔ nɛ̀ alɛ pɛ azakpalà alɛ asɛ bazã kɛlɛ abha nɛ balɛ Owusoso Akaa tibhui bhuibuɔ mɛ.

Banɔkpɛkpɛ Axɔ̃ɛ 6:7

Kidzo ɛlɛ nabha Owusoso Akaa ibuiɛ yɛɛvɛ, kɛlɛ badɔkpasɛanɛ nɛ Yerusalem bezekpè atɔɖɔ ziazia, kɛlɛ banɔlũazazã kpekpè teli ebelũ batɔ esi akɔ tɛyɛyɛkɛŋã.

Banɔkpɛkpɛ Axɔ̃ɛ 11:26

kɛlɛ gɛ adɛmɔɛ, agbani amana Antioxia. Nɛ kɛgɔ zɛzɛ petee mɛ̀, Barnaba nɛ̀ Saulo atsyɔa nɛ̀ ɛháa pɛ bazakasɛ banɔ kpekpè teli bɔdɔ̃. Antioxia ɔha mɛ beputɔ ekulu badɔkpasɛanɛ asɛ Kristoanɛ.

Banɔkpɛkpɛ Axɔ̃ɛ 11:29

Kliso badɔkpasɛanɛ asɛ kana gɛ balɛ ɔmayɛmɛ aka nyia aka abalà akɔ̀, batɔɖɔ ɛlɛ asɛ babàkɔ ɔhamɛanɛ gɛ̀ balɛ̀ Yudea dɔ mɛ tɛpɛplɛnɔ.

Banɔkpɛkpɛ Axɔ̃ɛ 14:20

Pɔ kidegba gɛ badɔkpasɛnɛ ebeshogo nɛishuɔ, alɔ kɛlɛ etsyina avɛ ɔmamɛ. Gɛ keli azaa, yɛ nɛ̀ Barnaba abashɛ avɛ Derbe.

Banɔkpɛkpɛ Axɔ̃ɛ 14:28

Kɛlɛ bazã ɛkɛlɛ nɛ̀ badɔkpasɛanɛ kibè dzlolo.

Filipianɛ 1:29

Ɔmɔsɛ batɛ dɛmɛ atɔɖɔ ɛlɛ abha nɛ Kristo inyeɛ mɛ ɔsɛ, gɛnɛ yɛabha tɛyɛyɛkɛŋã ete, pɔ tɛ nɔmɔ bɔtɔ ɔplɛni tsyɛ,

Petro 1 2:21

Kibui ɛlɛ shu so pɛ bekulu wɔnɔ, ɔmɔsɛ Kristo atɔ nɛ wɔnɔ ɛtakpu, kɛlɛ abhɛtɛ kɛlɛ akasɛ wɔnɔ, ɔsɛ tɛ̀ wɔnɔ tsyɛ ɔgã asɛ gɛ agã ana.

Petro 1 5:9

Nɔlɔɛtití nɛishu, tɛ̀ nɔzã gagalĩ nɛ tɛyɛyɛkɛŋã mɛ, ɔmɔsɛ nɔonyi ɔsɛ wɔnɔ adzya alɛ nɛ kanɔ nɔ̀ mɛ petee tsyɛ bagã bɔtɔ ɔlɛ nɛidi mɛ.