Banɔkpɛkpɛ Axɔ̃ɛ 14:21 - Nyangbo New Testament

²¹ Baɖɔ Kibui Gbangbã nɛ Derbe, kɛlɛ bamɔ badɔkpasɛnɛ kpekpè teli nɛ ɛkɛlɛ. Kidegba betsyina adɛgã Listra, Ikonio nɛ̀ Antioxia,

Banɔkpɛkpɛ Axɔ̃ɛ 14:21 Referans Kwoze

Banɔkpɛkpɛ Axɔ̃ɛ 14:19

Yudanɛ teli ede Antioxia nɛ̀ Ikonio aba ɛkɛlɛ ebetsyina banɔɛza ekpeɖekpeɖe mɛ. Banɔɛza ata aklagbu ehu Paulo kɛlɛ betsìi nɛ kesiakpa avɛnɔ ɔma nɔwatɔ, beɖi asɛ etsí.

Banɔkpɛkpɛ Axɔ̃ɛ 14:1

Nɛ Ikonio nɔ, Paulo nɛ̀ Barnaba avɛ Yudanɛ ɔtsyɔakɔ asɛ gɛ babhɛtɛɛ ana. Ɛkɛlɛ badɛ ɖɔ kaɖɔ nɛ̀ ohumi, gɛ kɛkɔ ɔsɛ banɔ kpekpèɛ gɛenu Yudanɛ nɛ̀ bagɛ etinu Yudanɛ tsyɛ ayɛkɛ aŋã.

Banɔkpɛkpɛ Axɔ̃ɛ 13:51

Nɛ kititi lɔlɔ nɛ balɛishu soɔ, bexoelɛ osubhududu nɔ nɛ balɛ ɔtsɛrɛkpɔ shu elu kɛlɛ bashɛ avɛ Ikonio.

Timoteo 2 3:11

kede tɛtɔtɔnɔ, mɛ bɔtɔ mɔmɔ, ebui nɔnɔ ɛdi gɛ laba mɛabha nɛ Antioxia, Ikonio nɛ̀ Listra nɔ, kede tɔtɔnɔ nɔnɔ ɛdi gɛ ɛkpɛ kemi nɛ alɛ mɛ. Pɔ Apaleteɛ ebu mɛ edenɔ alɛ petee mɛ.

Banɔkpɛkpɛ Axɔ̃ɛ 14:6

Pɔ bebu kɛlɛ akasɛ alɛ, kɛlɛ bebu tɛtsɛɖɛmɛ avɛ Listra nɛ̀ Derbe gɛinu Likonia ɛma hohoeɛ nɛ̀ bɔgbatuɔ gɛkpasɛ ayakpa mɛ,

Banɔkpɛkpɛ Axɔ̃ɛ 13:14

Denɔ Pergeɛ, bavɛ Pisidia nɛ Antioxia. Nɛ Kimoelewui nabhaa, bavɛ balɛ ɔtsyɔakɔ pɛ badɛ zã kesi.

Banɔkpɛkpɛ Axɔ̃ɛ 16:2

Badzya nɛ Listra nɛ̀ Ikonio nɔ baɖɔaɖɔ gbangbã nɛ Timoteo shu.

Banɔkpɛkpɛ Axɔ̃ɛ 15:36

Kidegba, Paulo ebetseɖe Barnaba asɛ, “Kɔ butsyina ɔvɛ tɛ budiɖi bɔlɔ adzya alɛ nɛ ɛma mɛ gɛ bɔɖɔ Apalete nibuiɛ kana tɛ̀ buɖì kana gɛ balɛ.”

Banɔkpɛkpɛ Axɔ̃ɛ 14:8

Anyɛ teli gɛedzi kɛkpatà azã Listra ɔmamɛ, anɔ gɛ azanyã odenɔ yɛmɔbe pɛ akagã eɖi.

Banɔkpɛkpɛ Axɔ̃ɛ 2:47

pɛ bazakpɛ Owusoso Akaa nɛinyè nɛitití kɛlɛ balɛ ebuiɛ ezeku banunɔ petee awɔ̃. Kɛlɛ Apaleteɛ akɔ bagɛ ayɛkɛ elú nɛkpã abaplɛnɔ balɛ bekpè atɔɖɔ kiwui nyia wui.

Banɔkpɛkpɛ Axɔ̃ɛ 14:7

ɛkɛlɛ bazã kibui gbangbã tɛɖɔɖɔ nabha.

Banɔkpɛkpɛ Axɔ̃ɛ 14:15

“Bɔlɔ adzya alɛ amɔ, kiɖe so pɛ nɔbhɛtɛ ana? Bɔlɔ tsyɛ banɔdzyrame bunu asɛ wɔnɔ ana. Bɔmana wɔnɔ kibui gbangbã tɛ butseɖe wɔnɔ tɛ̀ notsyina nɛ ebui alɛ gɛ lama kɛnana mɛ niede, tɛ nɔtɔnɔ Owusoso Akaa enunuɔ niede, anunɔ gɛ yɛabhɛtɛ kititi, kesiakpa, aƒu nɛ̀ kɛka nyia ka gɛkpasɛ alɛ mɛ.

Banɔkpɛkpɛ Axɔ̃ɛ 14:26

Denɔ Atalia nɔ beku kelĩ abhaohu nɛ ɛkɛlɛ pɛ bebeyì nɛ Antioxia. Nɛ ɛkɛlɛ, balɔkɔ balɛishu adɛ akpɛ ahɔɛ akɔ Owusoso Akaa nɛ kɛxɔ̃ɛ gɛ ebhui alɛ ebu bawɔa ebekeɛ shu.