Banɔkpɛkpɛ Axɔ̃ɛ 14:2 - Nyangbo New Testament

² Pɔ Yudanɛ gɛ bagɛ pɛ asɛ ayɛkɛ aŋã akpɛ ebèlà nɛ balɛishi pɛ bezĩ batɔ̃ akɔ bagɛ ayɛkɛ aŋã.

Banɔkpɛkpɛ Axɔ̃ɛ 14:2 Referans Kwoze

Banɔkpɛkpɛ Axɔ̃ɛ 13:50

Pɔ Yudanɛ ezetsu kifu akpɛ badzɛ awɔpɔ̃nɔ gɛ bakpɛ kɛtakpu esi akɔ Owusoso Akaa nɛ̀ baanyɛ awɔpɔ̃nɔ teli tsyɛ nɛ ɔma. Bakɔ asɛ balɔɛtití nɛ Paulo nɛ̀ Barnaba shu kɛlɛ bakakalɛ ebu nɛ kɛma ɛlɛ mɛ.

Banɔkpɛkpɛ Axɔ̃ɛ 17:5

Pɔ kabhã wɔawlɔakɛ afala eku Yudanɛ teli mɛ, kliso bagbana banɔ kpa teli nɛ kedziɛ mɛ pɛ babhɛtɛ kɛza tili gɛ ɔmɔpɔɛ ɔzã balɛ mɛ, pɛ badɛkpɛ kititì lɔlɔ esi nɛ ɔmamɛ. Bebu tɛtsɛɖɛmɛ avɛnɔ Yason bɔpã mɛ tɛ̀ badɛpɛɛ Paulo nɛ̀ Sila tɛ bagbana alɛ amana banɔɛza ɔkɔ.

Banɔkpɛkpɛ Axɔ̃ɛ 14:19

Yudanɛ teli ede Antioxia nɛ̀ Ikonio aba ɛkɛlɛ ebetsyina banɔɛza ekpeɖekpeɖe mɛ. Banɔɛza ata aklagbu ehu Paulo kɛlɛ betsìi nɛ kesiakpa avɛnɔ ɔma nɔwatɔ, beɖi asɛ etsí.

Banɔkpɛkpɛ Axɔ̃ɛ 13:45

Gɛ Yudanɛ amɔ banɔɛza gɛishogòɔ, kabhã wɔawlɔakɛ eku balɛ mɛ, kɛlɛ bakpà akwalatu ebui aɖɔ nɛ kɛgɛ Paulo azaɖɔɔ shu.

Banɔkpɛkpɛ Axɔ̃ɛ 17:13

Kibeɛ gɛ Yudanɛ gɛ alɛ Tesalonika elũ asɛ Paulo aɖɔ Owusoso Akaa nɛibuiɛ nɛ Beroea nɔ, bavɛ ɛkɛlɛ tsyɛ, kɛlɛ badaakpɛ ebelà nɛ balɛishi.

Banɔkpɛkpɛ Axɔ̃ɛ 18:12

Kibeɛ gɛ Galio azaŋã bukusi nɛ Roma kapɛ tieli abha, Yudanɛ abhɛtɛ tenikpo kɛlɛ bezhi eku Paulo abha pɛ bagbana yɛ amana kebhu okulukɔ.

Banɔkpɛkpɛ Axɔ̃ɛ 1:15

Nɛ ewui alɛ mɛɛ, Petro alɔɛtití nɛ bayɛyɛkɛŋã nɛishi (gɛ balɛ kɛzaa tɛkaklà mɛ bazã asɛ banɔ kɛkpã zɛzɛ̃ nɛ̀ afɛtaabha ana)

Banɔkpɛkpɛ Axɔ̃ɛ 14:4

Banunɔ nɛ ɔmamɛ ebu ɔtɔ nɛ bagɔlɔ shu, kawɔ̃pɛ tieli azã Yudanɛ ede, kɛlɛ tieli tsyɛ azã banɔkpɛkpɛ niede.

Banɔkpɛkpɛ Axɔ̃ɛ 14:5

Kibui kpa tɔtɔɖɔ zã Yudanɛ nɛ̀ bagɛ betinu Yudanɛ ɔlɔkɔ ɔplɛnɔ balɛ besheshèɛ teli mɛ, tɛ bakpɛ balɛ bɔtɔ̀ tɛ behu alɛ aklagbu.

Tesalonikanɛ 1 2:14

Mɛ adzya alɛ, ɔmɔsɛ wɔnɔ obodzì banɔ gɛ bagã nɛ Owusoso Akaa ɔhaa nɛ Yudea gɛ akpasɛ Yesu Kristo mɛ. Nɔtɔ odenɔ wɔnɔ ahɔɛ kesiakpa abha anɔ nɔ̀ tɛhɔɛ mɛ, bɔtɔ lɛ nɛidi ɔha alɛ tsyɛ amɔ denɔ Yudanɛ ahɔɛ mɛ,