Banɔkpɛkpɛ Axɔ̃ɛ 14:19 - Nyangbo New Testament

¹⁹ Yudanɛ teli ede Antioxia nɛ̀ Ikonio aba ɛkɛlɛ ebetsyina banɔɛza ekpeɖekpeɖe mɛ. Banɔɛza ata aklagbu ehu Paulo kɛlɛ betsìi nɛ kesiakpa avɛnɔ ɔma nɔwatɔ, beɖi asɛ etsí.

Banɔkpɛkpɛ Axɔ̃ɛ 14:19 Referans Kwoze

Timoteo 2 3:11

kede tɛtɔtɔnɔ, mɛ bɔtɔ mɔmɔ, ebui nɔnɔ ɛdi gɛ laba mɛabha nɛ Antioxia, Ikonio nɛ̀ Listra nɔ, kede tɔtɔnɔ nɔnɔ ɛdi gɛ ɛkpɛ kemi nɛ alɛ mɛ. Pɔ Apaleteɛ ebu mɛ edenɔ alɛ petee mɛ.

Korintoanɛ 2 11:25

Buhuisi tɛtà behuisi mɛ nɛ̀ ɔɖaɛshi, bututinikpo behu mɛ aklagbu, bɔyɛɛ tɛtà kelĩabha ohu ɔyɛɛ nɛ mɛ, ɛzã aƒu nabha kiwui tinikpo nɛ̀ elishi tenikpo,

Banɔkpɛkpɛ Axɔ̃ɛ 14:5

Kibui kpa tɔtɔɖɔ zã Yudanɛ nɛ̀ bagɛ betinu Yudanɛ ɔlɔkɔ ɔplɛnɔ balɛ besheshèɛ teli mɛ, tɛ bakpɛ balɛ bɔtɔ̀ tɛ behu alɛ aklagbu.

Banɔkpɛkpɛ Axɔ̃ɛ 13:45

Gɛ Yudanɛ amɔ banɔɛza gɛishogòɔ, kabhã wɔawlɔakɛ eku balɛ mɛ, kɛlɛ bakpà akwalatu ebui aɖɔ nɛ kɛgɛ Paulo azaɖɔɔ shu.

Korintoanɛ 2 11:23

Kristo yɛaxɔ̃ɛdɛ benuɔ dza? (Ɛɖɔ kaɖɔ asɛ kɛtakpu tsitsí elete ana.) pɔ igbogblo dɛ alɛ. Ɛwɔa axɔ̃ɛ gagalĩ ɔdɛ balɛ, ɛzã ɛɖa buvũ mɛ gelee ɔdɛ balɛ, behuisi mɛ ɖɔtɔɖɔtɔ dɛ balɛ, kɛlɛ ɛzakɔ butsi kibe nyia be.

Banɔkpɛkpɛ Axɔ̃ɛ 7:58

betii yɛebu eyinɔ nɛ ɔmamɛ, kɛlɛ bakpà aklagbu atahui. Nɛ kibe ɛlɛ bagɛ bazã amɔ ebui alɛ alɔkɔ balɛ bakpɛkpɛ elú ayisɔ̃ teli gɛ bekulu yɛasɛ Saulo otugbà.

Korintoanɛ 1 15:31

Ɛtɔnɔ butsí kibe nyia be-mɛadzya alɛ kibui gbã mɛɖɔ-asɛ kana gɛ ɛmɔ same nɛ wɔnɔ kɛtakpu nɛ bɔlɔ Apalete Yesu Kristo mɛ.

Banɔkpɛkpɛ Axɔ̃ɛ 17:13

Kibeɛ gɛ Yudanɛ gɛ alɛ Tesalonika elũ asɛ Paulo aɖɔ Owusoso Akaa nɛibuiɛ nɛ Beroea nɔ, bavɛ ɛkɛlɛ tsyɛ, kɛlɛ badaakpɛ ebelà nɛ balɛishi.

Banɔkpɛkpɛ Axɔ̃ɛ 9:16

Ɛbakasɛ yɛ bɔtɔ nɔnɔ́ɛ ɛdi gɛ kɛlɛ ɔsɛ amɔ nɛ mɛinye nɛ takpu.”

Banɔkpɛkpɛ Axɔ̃ɛ 22:20

Kɛlɛ kibeɛ gɛ bazabalɛ̀ Stefano gɛetsi nɛ wɔɛtakpu dzyosu nɔ, ɛzã ɛkɛlɛ pɛ ɛzɛkpɛ balɛ kemi pɛ izipo bagɛ eyi yɛ akpɛkpɛ nɔ.’

Banɔkpɛkpɛ Axɔ̃ɛ 14:21

Baɖɔ Kibui Gbangbã nɛ Derbe, kɛlɛ bamɔ badɔkpasɛnɛ kpekpè teli nɛ ɛkɛlɛ. Kidegba betsyina adɛgã Listra, Ikonio nɛ̀ Antioxia,

Banɔkpɛkpɛ Axɔ̃ɛ 13:14

Denɔ Pergeɛ, bavɛ Pisidia nɛ Antioxia. Nɛ Kimoelewui nabhaa, bavɛ balɛ ɔtsyɔakɔ pɛ badɛ zã kesi.

Banɔkpɛkpɛ Axɔ̃ɛ 14:1

Nɛ Ikonio nɔ, Paulo nɛ̀ Barnaba avɛ Yudanɛ ɔtsyɔakɔ asɛ gɛ babhɛtɛɛ ana. Ɛkɛlɛ badɛ ɖɔ kaɖɔ nɛ̀ ohumi, gɛ kɛkɔ ɔsɛ banɔ kpekpèɛ gɛenu Yudanɛ nɛ̀ bagɛ etinu Yudanɛ tsyɛ ayɛkɛ aŋã.

Banɔkpɛkpɛ Axɔ̃ɛ 14:2

Pɔ Yudanɛ gɛ bagɛ pɛ asɛ ayɛkɛ aŋã akpɛ ebèlà nɛ balɛishi pɛ bezĩ batɔ̃ akɔ bagɛ ayɛkɛ aŋã.

Banɔkpɛkpɛ Axɔ̃ɛ 14:4

Banunɔ nɛ ɔmamɛ ebu ɔtɔ nɛ bagɔlɔ shu, kawɔ̃pɛ tieli azã Yudanɛ ede, kɛlɛ tieli tsyɛ azã banɔkpɛkpɛ niede.

Banɔkpɛkpɛ Axɔ̃ɛ 14:18

Nɛ ebui alɛ niesi bubú ɔkɔ alɛ tsyɛ elo, kɛgagalĩ ɔkɔ Barnaba nɛ̀ Paulo tɛ betsodzì banɔɛza asɛ batɛpɔɛ bɔdɔ̃ akɔ alɛ.

Banɔkpɛkpɛ Axɔ̃ɛ 14:26

Denɔ Atalia nɔ beku kelĩ abhaohu nɛ ɛkɛlɛ pɛ bebeyì nɛ Antioxia. Nɛ ɛkɛlɛ, balɔkɔ balɛishu adɛ akpɛ ahɔɛ akɔ Owusoso Akaa nɛ kɛxɔ̃ɛ gɛ ebhui alɛ ebu bawɔa ebekeɛ shu.

Banɔkpɛkpɛ Axɔ̃ɛ 15:26

banɔ gɛ balɔkɔ balɛ ɛkpã etsye nɛ bɔlɔ Apalete Yesu Kristo ɛtakpu.

Korintoanɛ 2 11:26

ɛzã kidzo gagã abha kibe nyia be. Ɛzã butsi nɛ ɛkpã ishi, odenɔ bulĩukekpù mɛ, banɔ kpa, ɛzã butsi nɛ̀ ɛkpã ishi odenɔ mɛahɔɛ banɔ nɔ tɛhɔɛ mɛ, nɛ̀ bagɛ betinu Yudanɛ tsyɛ tɛhɔɛ mɛ, ɛzã butsi nɛ̀ ɛkpã ishi odenɔ ɔma gbagbla mɛ, nɛ̀ bayàa mɛ, nɛ aƒu nabha, nɛ̀ badzya gɛenu basɛnɛ elete mɛ.

Tesalonikanɛ 1 2:14

Mɛ adzya alɛ, ɔmɔsɛ wɔnɔ obodzì banɔ gɛ bagã nɛ Owusoso Akaa ɔhaa nɛ Yudea gɛ akpasɛ Yesu Kristo mɛ. Nɔtɔ odenɔ wɔnɔ ahɔɛ kesiakpa abha anɔ nɔ̀ tɛhɔɛ mɛ, bɔtɔ lɛ nɛidi ɔha alɛ tsyɛ amɔ denɔ Yudanɛ ahɔɛ mɛ,