Banɔkpɛkpɛ Axɔ̃ɛ 14:17 - Nyangbo New Testament

¹⁷ Pɔ ebui gbangbã gɛ abhɛtɛ aɖɔaɖɔ nɛishu. Abhɛtɛ ɛyamɛ gbangbã, gɛ akɔ subha adɔ edenɔ kititíɛ kɛlɛ bɔŋaŋã ba nɛ bɔlɛ kibe. Akɔ bɔlɔ kɛŋaŋã kpekpè kɛlɛ akɔ same mɔmɔ aba bɔlɔ etúɔ mɛ.”

Banɔkpɛkpɛ Axɔ̃ɛ 14:17 Referans Kwoze

Timoteo 1 6:17

Kpɛ obo kanɔ alɛ mɛ ehoeyi eleteɛ ɔsha tɛ betifeke ishu alo tɛ balɔkɔ otugbà mɛ tiɖiɖiɛ atɔɖɔ ehoeyi mɔmɔ abha, gɛ betinyi kɛgɛ baba, pɔ balɔkɔ balɛ otugbà mɛ tiɖiɖiɛ atɔɖɔ Owusoso Akaa nabha, anɔ gɛ yɛakɔ bɔlɔ ehoeyi nɛ̀ kɛka nyia ka ɔkɔ bɔlɔ samɛ mɔmɔ.

Banɔkpɛkpɛ Axɔ̃ɛ 14:18

Nɛ ebui alɛ niesi bubú ɔkɔ alɛ tsyɛ elo, kɛgagalĩ ɔkɔ Barnaba nɛ̀ Paulo tɛ betsodzì banɔɛza asɛ batɛpɔɛ bɔdɔ̃ akɔ alɛ.

Banɔkpɛkpɛ Axɔ̃ɛ 17:26

Gana anɔ tenikpo mɛ yɛabhɛtɛ banunɔ petee nɛ̀ amadiɛ, sɛ tɛ̀ beyuku kanɔ nɔ̀ mɛ petee. Kɛlɛ yɛatɔɖɔ kibeɛ kɔ alɛ nɛ ɔkɔ nyia ɔkɔ gɛ babazã shu.