Banɔkpɛkpɛ Axɔ̃ɛ 13:52 - Nyangbo New Testament

⁵² Kɛlɛ badɔkpasɛanɛ amɔ same pɛ Ɔfɔfuĩa Gbangbã oyuku balɛ mɛ.

Banɔkpɛkpɛ Axɔ̃ɛ 13:52 Referans Kwoze

Tesalonikanɛ 1 1:6

Nobodzi banɔ gɛ nɔgã nɛ bɔlɔ nɛ̀ Apaleteɛ bɔwɔalũɔ mɛ, nɛ bɔtɔ lɛ pete ede tsyɛ, nɔyɛkɛ kibuiɛ nɛ sameɛ gɛ Ɔfɔfuĩa Gbangbã ɔkɔɔ.

Romanɛ 15:13

Owusoso Akaa nabha gɛ nolu awɔ̃ akɔ asɛ tɛ same nɛ̀ ishu yɔyɔ yuku unɔ ɔgana Ɔfɔfuĩa Gbangbã ohumi nɔ mɛ.

Galatianɛ 5:22

Pɔ Ɔfɔfuĩa nɔ eyuyuɔ yɛenu tɛdɛdɛmɛ nɔ, same mɔmɔ, ishu yɔyɔ, tɛdɔdɔ fɔ̃ɔ, ɛyamɛ gbangbã tɛbhɛbhɛtɛ, kibui gbangbã tɛbhɛbhɛtɛ, kibui gbã tɛɖɔɖɔ,

Banɔkpɛkpɛ Axɔ̃ɛ 4:31

Gɛ bekulu Owusoso Akaa ebekeɛ, ɛkɛlɛ gɛ beshogò azã oshukù. Kɛlɛ Ɔfɔfuĩa Gbangbã oyuku balɛ petee mɛ kɛlɛ baɖɔ Owusoso Akaa nɛibuiɛ nɛ bupù hohoe mɛ.

Korintoanɛ 2 8:2

Ɔganà tifefekeɖi gagalĩ gɛ dɛ mɛɛ, balɛ sameɛ gɛ bamɔ nɛ balɛ ahɔɛ kɛdɔ̃ mazamazã mɛ tsyɛ elo, badalɛ ɛyamɛ pɛ bakɔ bɔdɔ̃.

Romanɛ 5:3

Anɛ kɛlɛ ete ko, pɔ bɔmɔ same tsyɛ nɛ bɔlɔ ɔtɔ mɛ, ɔmɔsɛ bunyi sɛ bɔtɔ kɔ sɛ anɔ akpɛemi,

Banɔkpɛkpɛ Axɔ̃ɛ 2:4

Ɔfɔfuĩa Gbangbã otsoku balɛ pete mɛ, gɛ kɛkɔ ɔsɛ bakpà beluhũ ediedi uhu asɛ gɛ Ɔfɔfuĩa nɔkɔ balɛ kidzo ana.

Petro 1 4:13

Pɔ nɔmɔ same sɛ nɔɔtɔ̀ asɛ Kristo ana, sɛ tɛ̀ nɔbɔ mɔ same ɔfalanɔ kifu gɛ onupɛ bebebù yɛishu dadalɛ akasɛ.

Yakobo 1:2

Mɛadzya alɛ mɔ, onupɛ tifefekeɖi ediedi aba ɔnɔ abhaa, nɔkɔ ilidzi same ibui kɔ ɔnɔ,

Romanɛ 14:17

Ɔmɔsɛ Owusoso Akaa bukusi ŋaŋãa, itinu bɔdɔ̃ ŋaŋã nɛ̀ bɔdɔ̃ wɔɛwɔɛ ibui, pɔ kinu tɛzazã piapii, ishu yɔyɔ nɛ̀ same mɔmɔ nɛ̀ Ɔfɔfuĩa Gbangbã mɛ ibui.

Banɔkpɛkpɛ Axɔ̃ɛ 5:41

Banɔkpɛkpɛ ashɛ nɛ kebhu okulukɔ nɛ̀ same, ɔmɔsɛ bakalà balɛ asɛ banɔ gɛ bashɔnɔ asɛ bamɔ bɔtɔ nɛ̀ awuĩ nɛ Yesu yɛinyeɛ nɛ takpu.

Banɔkpɛkpɛ Axɔ̃ɛ 2:46

Bazatɔ̃ kɛtakpu nɛ Owusoso Akaavũɔ shu kibe nyia be. Bazaŋã bɔdɔ̃ nɛ kesugba tienikpo mɛ nɛ balɛ bapãmɛ nɛ same nɛ̀ etú dadalɛ mɛ,

Banɔkpɛkpɛ Axɔ̃ɛ 11:29

Kliso badɔkpasɛanɛ asɛ kana gɛ balɛ ɔmayɛmɛ aka nyia aka abalà akɔ̀, batɔɖɔ ɛlɛ asɛ babàkɔ ɔhamɛanɛ gɛ̀ balɛ̀ Yudea dɔ mɛ tɛpɛplɛnɔ.