Banɔkpɛkpɛ Axɔ̃ɛ 13:50 - Nyangbo New Testament

⁵⁰ Pɔ Yudanɛ ezetsu kifu akpɛ badzɛ awɔpɔ̃nɔ gɛ bakpɛ kɛtakpu esi akɔ Owusoso Akaa nɛ̀ baanyɛ awɔpɔ̃nɔ teli tsyɛ nɛ ɔma. Bakɔ asɛ balɔɛtití nɛ Paulo nɛ̀ Barnaba shu kɛlɛ bakakalɛ ebu nɛ kɛma ɛlɛ mɛ.

Banɔkpɛkpɛ Axɔ̃ɛ 13:50 Referans Kwoze

Timoteo 2 3:11

kede tɛtɔtɔnɔ, mɛ bɔtɔ mɔmɔ, ebui nɔnɔ ɛdi gɛ laba mɛabha nɛ Antioxia, Ikonio nɛ̀ Listra nɔ, kede tɔtɔnɔ nɔnɔ ɛdi gɛ ɛkpɛ kemi nɛ alɛ mɛ. Pɔ Apaleteɛ ebu mɛ edenɔ alɛ petee mɛ.

Banɔkpɛkpɛ Axɔ̃ɛ 14:19

Yudanɛ teli ede Antioxia nɛ̀ Ikonio aba ɛkɛlɛ ebetsyina banɔɛza ekpeɖekpeɖe mɛ. Banɔɛza ata aklagbu ehu Paulo kɛlɛ betsìi nɛ kesiakpa avɛnɔ ɔma nɔwatɔ, beɖi asɛ etsí.

Banɔkpɛkpɛ Axɔ̃ɛ 14:2

Pɔ Yudanɛ gɛ bagɛ pɛ asɛ ayɛkɛ aŋã akpɛ ebèlà nɛ balɛishi pɛ bezĩ batɔ̃ akɔ bagɛ ayɛkɛ aŋã.

Banɔkpɛkpɛ Axɔ̃ɛ 13:45

Gɛ Yudanɛ amɔ banɔɛza gɛishogòɔ, kabhã wɔawlɔakɛ eku balɛ mɛ, kɛlɛ bakpà akwalatu ebui aɖɔ nɛ kɛgɛ Paulo azaɖɔɔ shu.

Banɔkpɛkpɛ Axɔ̃ɛ 21:27

Gɛ ewui tegegeneɛ ebelè ebèkeɛ, Yudanɛ teli gɛede Asia bɔdɔ̃ mɛ adɛmɔ Paulo nɛ Akaavũɔ mɛ. Betsú kifu akpɛ banɔ nɔ petee mɛ kɛlɛ bedivũ yɛ,

Banɔkpɛkpɛ Axɔ̃ɛ 17:13

Kibeɛ gɛ Yudanɛ gɛ alɛ Tesalonika elũ asɛ Paulo aɖɔ Owusoso Akaa nɛibuiɛ nɛ Beroea nɔ, bavɛ ɛkɛlɛ tsyɛ, kɛlɛ badaakpɛ ebelà nɛ balɛishi.

Romanɛ 10:2

Ɛbalà ɖɔ nɛ balɛishu ɔsɛ benu banɔ nɔnɔ́ gɛ bàkpɛ emi nɛ ɛtakpu esi kpɛkpɛ mɛ ɔkɔ Owusoso Akaa, pɔ bunyi ko betinyi ɛtakpu esi kpɛkpɛ nɛidzo.

Banɔkpɛkpɛ Axɔ̃ɛ 13:43

Gɛ banunɔ ekoeyì nɛ kɛtakpu ɔtɔ̃kɔɔ, Yudanɛ kpekpèɛ nɛ̀ bagɛ etsyina eku Yudanɛ ɔha mɛ atɔnɔ Paulo nɛ̀ Barnaba. Bazaɖɔaɖɔ nɛ̀ alɛ pɛ azakpalà alɛ asɛ bazã kɛlɛ abha nɛ balɛ Owusoso Akaa tibhui bhuibuɔ mɛ.

Banɔkpɛkpɛ Axɔ̃ɛ 8:1

Kɛlɛ Saulo azã ɛkɛlɛ, pɛ adɛmɛ atɔɖɔ yɛ tiyiyi abha. Nɛ kiwui ɛlɛ nabha banɔede tɔtɔnɔ akpɛ esi nɛ ɔhaa shu nɛ Yerusalem. Kɛlɛ banunɔ pete apɔ̃ɛ kana nɛ Yudea nɛ̀ Samaria ɔdɛ banɔkpɛkpɛ ete.

Banɔkpɛkpɛ Axɔ̃ɛ 6:12

Kliso baɖɔaɖɔ etsuifú akpɛ ɔma bɔnɔ besheshèɛ nɛ̀ ɔshadɔkasɛ mɛ. Bevũ Stefano kɛlɛ bagbana yɛamana Ɔhaesheshèɛ ɔkɔ.

Banɔkpɛkpɛ Axɔ̃ɛ 2:5

Nɛ kibè ɛlɛ, Yudanɛ teli gɛ badɛmɛ nɔ nɛ̀ Owusoso Akaa bede ɛmadi ka nyia ka mɛ nɛ kesiakpa nabha abazã Yerusalem.

Banɔkpɛkpɛ Axɔ̃ɛ 14:4

Banunɔ nɛ ɔmamɛ ebu ɔtɔ nɛ bagɔlɔ shu, kawɔ̃pɛ tieli azã Yudanɛ ede, kɛlɛ tieli tsyɛ azã banɔkpɛkpɛ niede.

Banɔkpɛkpɛ Axɔ̃ɛ 14:5

Kibui kpa tɔtɔɖɔ zã Yudanɛ nɛ̀ bagɛ betinu Yudanɛ ɔlɔkɔ ɔplɛnɔ balɛ besheshèɛ teli mɛ, tɛ bakpɛ balɛ bɔtɔ̀ tɛ behu alɛ aklagbu.

Banɔkpɛkpɛ Axɔ̃ɛ 16:14

Balɛ ɔmayɛmɛ tenikpo gɛ azataatɔ̃ nɛ ɔlɔ yɛenu Lidia, anɔ gɛ azadɛ apɔtɛ gɛ layɛkɛ kedzì, pɛ ehoeyi azã yɛahɔɛ pɛ ede Tiatira pɛ enu anɔ gɛ akpɛ kɛtakpu esi akɔ Owusoso Akaa. Apaleteɛ adalɛ yɛ kitúɔ mɛ ɔsɛ tɛ̀ ayɛkɛ Paulo ebui gɛ amana.

Banɔkpɛkpɛ Axɔ̃ɛ 17:4

Kesilulũ abakɔ Yudanɛ teli kɛlɛ betsyina atɔnɔ Paulo nɛ̀ Sila, kidzo ɛlɛ nabha Helanɛ kpekpèɛ teli gɛ besi Owusoso Akaa nɛifùɔ ɔlɔkɔ ɔplɛnɔ ɛzãkɔ elete gɛenu badzɛ kpekpèɛ tsyɛ abhɛtɛ ɛlɛ ana.

Banɔkpɛkpɛ Axɔ̃ɛ 17:12

Yudanɛ kpekpèɛ ayɛkɛ aŋã, kana ɛzãkɔ elete gɛenu Helanɛ badzɛ nɛ̀ ɛzakɔ elete banyɛ tsyɛ ayɛkɛ aŋã.

Banɔkpɛkpɛ Axɔ̃ɛ 17:17

Kliso ababhɛtɛ ekpeɖekpeɖe mɛ nɛ̀ Yudanɛ nɛ ɔtsyɔakɔ. Ɔplɛnɔ Helanɛ gɛesi Owusoso Akaa nifùɔ nɛ̀ bagɛ azã budziɛ mɛ kiwui nyiɛ wui ɔlɔkɔ nɛ̀ bagɛ alɛ ɛkɛlɛ.

Banɔkpɛkpɛ Axɔ̃ɛ 18:7

Kɛlɛ Paulo ashɛ nɛ ɔtsyɔakɔ avɛ bɔpã gɛlɛ Tito Yusto, anɔ gɛ akpɛ kɛtakpu esi ɔkɔ Owusoso Akaa yɔɛpa nɔbha mɛ.

Banɔkpɛkpɛ Axɔ̃ɛ 28:17

Ewui tata edeɛ, Paulo ɛkulu Yudanɛ besheshèɛ eshogò. Gɛ beshogò ebekeɛ, etseɖe balɛ asɛ, “Mɛadzya alɛ Israelanɛ mɔ, ɛgɛ bhɛtɛ kibui kpa nanà nɛ̀ bɔlɔ banunɔ alo bɔlɔ ashuĩ alɛ ɛkɔɔ shu flogo, bevũ mɛ nɛ Yerusalem pɛ balɔkɔ mɛ akpɛ ahɔɛ akɔ Romanɛ.

Korintoanɛ 2 11:26

ɛzã kidzo gagã abha kibe nyia be. Ɛzã butsi nɛ ɛkpã ishi, odenɔ bulĩukekpù mɛ, banɔ kpa, ɛzã butsi nɛ̀ ɛkpã ishi odenɔ mɛahɔɛ banɔ nɔ tɛhɔɛ mɛ, nɛ̀ bagɛ betinu Yudanɛ tsyɛ tɛhɔɛ mɛ, ɛzã butsi nɛ̀ ɛkpã ishi odenɔ ɔma gbagbla mɛ, nɛ̀ bayàa mɛ, nɛ aƒu nabha, nɛ̀ badzya gɛenu basɛnɛ elete mɛ.

Tesalonikanɛ 1 2:14

Mɛ adzya alɛ, ɔmɔsɛ wɔnɔ obodzì banɔ gɛ bagã nɛ Owusoso Akaa ɔhaa nɛ Yudea gɛ akpasɛ Yesu Kristo mɛ. Nɔtɔ odenɔ wɔnɔ ahɔɛ kesiakpa abha anɔ nɔ̀ tɛhɔɛ mɛ, bɔtɔ lɛ nɛidi ɔha alɛ tsyɛ amɔ denɔ Yudanɛ ahɔɛ mɛ,