5 Gɛ bediku Salamiɛ, baɖɔ Owusoso Akaa nibuiɛ nɛ Yudanɛ ɛtsyɔakɔ. Yohanes Marko azã balɛ ɔbha pɛ azaplɛnɔ alɛ.
Denɔ Pergeɛ, bavɛ Pisidia nɛ Antioxia. Nɛ Kimoelewui nabhaa, bavɛ balɛ ɔtsyɔakɔ pɛ badɛ zã kesi.
Kɛlɛ Paulo nɛ̀ Barnaba ebu balɛ ishu ulũ nɛ kifù masi masi mɛ asɛ, “Wɔnɔ kɛlɛ ɔsɛ buputɔ ɖɔ Owusoso Akaa ibuiɛ ɔkɔ. Pɔ gɛ nɔgɛ yɛkɛ ɛlɛ pɛ nɔmɔ ɔsɛ nɔshɔnɔ ɔkɔ ɛkpã tihɔ nɔ soɔ, butsyina ɛlɛ ɔvɛnɔ bagɛ etinu Yudanɛ ɔkɔ.”
Paulo etsoku ɔtsyɔakɔ pɛ aɖɔaɖɔ nɛ bupù mɛ nɛ ɛkɛlɛ bewoele tata mɛ pɛ ezebu ebui mɛ ɔkɔ alɛ nɛ Owusoso Akaa bukusiŋaŋã shu.
Azabhɛtɛ ekpeɖekpeɖe mɛ aplɛnɔ balɛ nɛ Kimoelewui ka nyia ka abha, pɛ apɛ asɛ tɛ̀ ebu ebui mɛ kɔ Yudanɛ nɛ̀ Helanɛ.
Kliso ababhɛtɛ ekpeɖekpeɖe mɛ nɛ̀ Yudanɛ nɛ ɔtsyɔakɔ. Ɔplɛnɔ Helanɛ gɛesi Owusoso Akaa nifùɔ nɛ̀ bagɛ azã budziɛ mɛ kiwui nyiɛ wui ɔlɔkɔ nɛ̀ bagɛ alɛ ɛkɛlɛ.
Nɛ Ikonio nɔ, Paulo nɛ̀ Barnaba avɛ Yudanɛ ɔtsyɔakɔ asɛ gɛ babhɛtɛɛ ana. Ɛkɛlɛ badɛ ɖɔ kaɖɔ nɛ̀ ohumi, gɛ kɛkɔ ɔsɛ banɔ kpekpèɛ gɛenu Yudanɛ nɛ̀ bagɛ etinu Yudanɛ tsyɛ ayɛkɛ aŋã.
Gɛ kibui ɛlɛ mɛ badalɛ ɔkɔɛɛ, avɛ Maria gɛenu Yohanes gɛ beekulu Markoɔ yɛeliɛ ɔpãmɛ ɛkɛlɛ gɛ̀ banɔ kpekpè teli eshogò pɛ beze kulu Owusoso Akaa.
Odunu ɔlɛ koɔ, Saulo akpɛ bɔdɔ̃ kakasɛ esi nɛ ɛtsyɔakɔ asɛ Yesu yɛenu Owusoso Akaa Yɛeyiɛ.
Luka ete yɛalɛ mɛɔbha. Nɔpɛ Marko tɛ nɔgbanà yɛɔmana ɔmɔsɛ akɔ mɛ tɛpɛplɛnɔ nɛ mɛ axɔ̃ɛ wɔawɔa mɛ.
Mɛɔhagbo Aristaxo gɛ blɔnii kpasɛ ɔɖavũɔ mɛ asɛnɛ wɔnɔ. Marko gɛenu elũdzyɔa ɔkɔ Banaba tsyɛ asɛnɛ wɔnɔ. (Nɔtɛ yɛkɛ ɔshakɔkɔ odenɔ yɛɔkɔ ɔbɔfala nɔ, kliso onupɛ aba wɔnɔ kɔɔ tɛ nɔyɛkɛ yɛ.)
Barnaba apɛ asɛ tɛ agbana Yohanes, gɛ bezekulu tsyɛ asɛ Markoɔ avɛ aplɛnɔ alɛ,
Gɛ Barnaba nɛ̀ Saulo adɛ kɛxɔ̃ɛ gɛ bakpɛ alɛ ebekeɛ, bagbana Yohanes gɛ bezekulu tsyɛ asɛ Markoɔ evunɔ edenɔ Yerusalem amana.
Asɛsɛ yɛaxɔ̃ɛdɛ taabha gɛenu Timoteo nɛ̀ Erasto nɛ Makedonia, gɛ yɛxɔnɔ azã Asia bɔdɔ̃ mɛ kɛbɔɛ.
Odunu ɔlɛ koɔ, ɔmamɛ oyukù nɛ̀ ozĩ. Banunɔ evũ Gayo nɛ̀ Aristaxo gɛ benu banɔ gɛ bagã kidzo ɔplɛnɔ Paulo odenɔ Makedonia, kɛlɛ bagbanà balɛ odunũ ɔlɛ avɛnɔ ɔma ɔlɛ bɔwufù ɔwɔkɔ.