Banɔkpɛkpɛ Axɔ̃ɛ 13:48 - Nyangbo New Testament

⁴⁸ Gɛ bagɛ etinu Yudanɛ elũ kibui ɛlɛ, same eku balɛ kɛlɛ bakpɛ Apalete nɛibuiɛ nɛitití, kɛlɛ bagɛ Owusoso Akaa ebu elu akɔ ɛkpã tihɔɔ nɔ mɛ tsyɛ ayɛkɛ aŋã.

Banɔkpɛkpɛ Axɔ̃ɛ 13:48 Referans Kwoze

Efesoanɛ 1:4

Ɔmɔsɛ yɛebu ɔlɔ sɛ bɔzã yɛ mɛ, flogo pɛ kanɔ nɔ̀ aba kpɛ esi, tɛ bɔlɔ shu dalɛ tɛ batɛ mɔ ibui zizĩ nanà nɛ ɔlɔ shu nɛ yɛamɛ. Nɛ̀ tɛdɛdɛmɛ nɔ mɛɛ,

Romanɛ 11:7

Kiɖuwoe otsiɛ? Kɛgɛ kɛmadi Israel azapɛ nɛ awuhũ dzãdzaa, bagɛ mɔ̃ kɛlɛ, banɔ teli gɛ Owusoso Akaa ebu elúɔ xɔnɔ bamɔ ɛlɛ. Akɔ banɔ gɔgɔ̃ɛ nɔ xɔnɔ bagagalĩ batɔ̃,

Efesoanɛ 1:19

nɛ̀ yɛ ohumi hohoe nɔ gɛ batɛ balà lɔkɔ ashɔnɔ ɔnanà, ɔkɔ bɔlɔ bagɛ yɛkɛ aŋãa. Ohumi ɔlɛ odzi asɛ yɛ ohumi gbagbla nɔ gɛ alɔkɔ awɔa axɔ̃ɛ nɔ,

Banɔkpɛkpɛ Axɔ̃ɛ 2:41

Batɛkpɛ bulĩ akɔ bagɛ ayɛkɛ yɛibuiɛ, kɛlɛ balɔkɔ banɔ asɛ ihotu tɛta aplɛnɔ balɛ tɛkaklà mɛ kiwui ɛlɛ.

Banɔkpɛkpɛ Axɔ̃ɛ 22:10

Ibisi sɛ, “ ‘Apalete, kiɖe kɛlɛ ɔsɛ mɛbhɛtɛ?’ Apaleteɛ etseɖe mɛasɛ, “ ‘Lɔɛtití tɛ̀ ɔvɛ Damasko ɔmamɛ. Nɛ ɛkɛlɛ bebètseɖe wɔ ebuiɛ gɛ bakpɛ wɔahɔɛ ɔsɛ ɔbhɛtɛɛ.’

Romanɛ 13:1

Kɛlɛ sɛ anɔ nyia anɔ elũ batɔ̃ akɔ bekusiɛ gɛ aŋã bɔlɔ abhaa, ɔmɔsɛ kabha ŋaŋã na nà ma gɛ anɛ Owusoso Akaa yɛedzu alɛ. Kabha ŋaŋã gɛ alɛɛ, Owusoso Akaa yɛedzu alɛ.

Banɔkpɛkpɛ Axɔ̃ɛ 28:23

Batɔɖɔ kiwui asɛ tɛ babamɔ Paulo, kɛlɛ balɛ anɔ nɔ̀ gɛaba ebekpe atɔɖɔ nɛ ɛkɛlɛ gɛ Paulo azãa. Odenɔ kɛvɔlɔ vɛnɔ owlagoɔ, ezebu ebui mɛ pɛ adalɛ Owusoso Akaa bukusi ŋaŋã shu kɔ alɛ, kɛlɛ apɛ asɛ tɛ̀ etsyina balɛ ekpeɖekpeɖeɛ mɛ odenɔ Mose ɔshaa nɛ̀ ebuiɖɔluanɛ buplukpa mɛ avɛnɔ Yesu ɔkɔ.

Banɔkpɛkpɛ Axɔ̃ɛ 2:47

pɛ bazakpɛ Owusoso Akaa nɛinyè nɛitití kɛlɛ balɛ ebuiɛ ezeku banunɔ petee awɔ̃. Kɛlɛ Apaleteɛ akɔ bagɛ ayɛkɛ elú nɛkpã abaplɛnɔ balɛ bekpè atɔɖɔ kiwui nyia wui.

Banɔkpɛkpɛ Axɔ̃ɛ 20:13

Bɔvɛ kɛlɛ abha ditsoku kelĩabhaohuɔ mɛ, pɛ bɔvɛ Aso tɛ̀ bɔdɛ tɔnɔ Paulo tɛ ekù kelĩabhaohuɔ aplɛnɔ ɔlɔ. Abhɛtɛ tɛtɔtɔɖɔ ɛlɛ ɔmɔsɛ azã bɔtsɛɖɛkpɔ kidzo abha avɛ ɛkɛlɛ.

Tesalonikanɛ 2 3:1

Gɔgɔɛ nɔ, mɛadzya alɛ mɔ, nokulu Owusoso Akaa ɔkɔ ɔlɔ, sɛ tɛ Apaleteɛ nɛibuiɛ yì falanɔ nɛ tɛtsɛɖɛ bubu mɛ tɛ bakpɛ kɛtakpu esi akɔ ɛlɛ, asɛ kɛlɛ gɛ kɛlɛ wɔnɔ ɔkɔ ana.

Korintoanɛ 1 16:15

Nɔonyi ɔsɛ Stefana yɛɔpã mɛ anɛ balɛenu banɔ gɛ beputɔ pɛ etsyinà nɛ Axaya, kɛlɛ balɔkɔ balɛishu akpɛ banɔ dadalɛ axɔ̃ɛ wɔawɔa mɛ. Ɛkpalà wɔnɔ, badzya,

Banɔkpɛkpɛ Axɔ̃ɛ 15:31

Banunɔ akalà keplukpa kɛlɛ same eku alɛ nɛ kalɛ mɛ ebuiɛ shu.

Banɔkpɛkpɛ Axɔ̃ɛ 15:2

Kibui ɛlɛ̀ badzì kawlɔ̃akɛ nɛ̀ ebui mɛ tsatsaɖakɛ nɛ Paulo, Barnaba nɛ̀ banunɔ nɛishi. Kliso bebu Paulo nɛ̀ Barnaba ɔplɛnɔ bayɛyɛkɛŋã teli, asɛ bavɛ Yerusalem tɛ bavɛ adɛmɔ banɔkpɛkpɛ nɛ̀ ɔhamɛ beshesheɛ nɛ kibui ɛlɛ shu.

Banɔkpɛkpɛ Axɔ̃ɛ 13:42

Kibeɛ gɛ Paulo nɛ̀ Barnaba ekoeyì ashɛɛ nɛ ɔtsyɔa kɔɔ, banunɔ ezebisi edenɔ bala ahɔɛ asɛ bewlui abaɖɔ ebui alɛ nɛidi etseɖe alɛ nɛ Kimoelewuiɛ gɛbàa nabha.

Banɔkpɛkpɛ Axɔ̃ɛ 8:8

Klisoɔ same gbagbla azã ɔmã ɔlɛ mɛ.

Banɔkpɛkpɛ Axɔ̃ɛ 13:12

Gɛ ɔma ekusiɛ amɔ kɛgɛ ba ɛlɛ mɛɛ, ayɛkɛ aŋã ɔmɔsɛ Apaleteɛ shu bɔdɔ̃ kakasɛ bhɛtɛ yɛibi.

Romanɛ 8:28

Bunyi nɛ kɛka nyia ka mɛɛ ɔsɛ, Owusoso Akaa abhɛtɛ ɛlɛ kidzi kɛgbangbã ɔkɔ bagɛ adɛmɛ nɛ yɛ, bagɛ alɛ yɛekulu nɛ yɛtɛtɔtɔɖɔ ɔluɔ.

Efesoanɛ 1:5

atɛ tɔɖɔ ɛlɛ ɔsɛ ababhɛtɛ ɔlɔ akpɛ otugbà tɛ budzi asɛ yɛeyi alɛ ana ɔgana Yesu Kristo abha, nɛ yɛ tɛpɛpɛ nɛ̀ tɛtɔtɔɖɔ ulũ,

Efesoanɛ 1:11

Yɛ mɛ bebu ɔlɔ tsyɛ, gɛ atɔɖɔ ɛlɛ asɛ ababhɛtɛ ɔlɔ akpɛ otugbà nɛ yɛ tɛtɔtɔɖɔ ulũ, anɔ gɛ yɛawɔa axɔ̃ɛ sɛ labhɛtɛ tenikpo nɛ kɛgɛ yɛatɔɖɔ nɛ̀ kɛgɛ yɛapɛ ulũ,