Banɔkpɛkpɛ Axɔ̃ɛ 13:46 - Nyangbo New Testament

⁴⁶ Kɛlɛ Paulo nɛ̀ Barnaba ebu balɛ ishu ulũ nɛ kifù masi masi mɛ asɛ, “Wɔnɔ kɛlɛ ɔsɛ buputɔ ɖɔ Owusoso Akaa ibuiɛ ɔkɔ. Pɔ gɛ nɔgɛ yɛkɛ ɛlɛ pɛ nɔmɔ ɔsɛ nɔshɔnɔ ɔkɔ ɛkpã tihɔ nɔ soɔ, butsyina ɛlɛ ɔvɛnɔ bagɛ etinu Yudanɛ ɔkɔ.”

Banɔkpɛkpɛ Axɔ̃ɛ 13:46 Referans Kwoze

Banɔkpɛkpɛ Axɔ̃ɛ 28:28

“Kliso ɛpɛ ɔsɛ tɛ̀ notì ɔsɛ basɛsɛ Owusoso Akaa yɛanɔ bubu lu ɔkɔ ɛkpã nɛ bagɛ betinu Yudanɛ ɔkɔ, kɛlɛ balɛ xɔnɔ abà taatɔ̃ nɛ̀ kibuiɛ!”

Banɔkpɛkpɛ Axɔ̃ɛ 26:20

Iputɔ dɛ bagɛ alɛ Damasko ɔkɔ, kɛlɛ ɛbavɛ Yerusalem nɛ̀ Yudea petee, nɛ̀ bagɛ betinu Yudanɛ ɔkɔ tsyɛ, ɛɖɔ kibuiɛ tseɖe balɛ ɔsɛ̀ tɛ betsyina avɛ Owusoso Akaa ɔkɔ, tɛ̀ bakasɛ balɛ tìtsyitsyina ɔganà ebui bhɛbhɛtɛ mɛ.

Banɔkpɛkpɛ Axɔ̃ɛ 3:26

Kliso gɛ Owusoso Akaa efeke yɛ yɛaxɔ̃ɛdɛ, akɔ yɛebhoso aba wɔnɔ ɔkɔ tɛ ebeyulà akɔ wɔnɔ ɔganà wɔnɔ ɔmayɛmɛ aka nyia aka titsyitsyina edenɔ yɛ kɛtakpu mɛ gagalĩ edzo nabha.”

Romanɛ 2:10

pɔ ishu dadalɛ, bobo nɛ̀ ishu yɔyɔ ɔkɔ anɔ nyia anɔ gɛ abhɛtɛ ibui gbangbã. Banɔ gɛ eputɔɔ enu Yudanɛ, flogo pɛ ɔkɔ bagɛ betinu Yudanɛ tsyɛ.

Romanɛ 1:16

Ɔmɔsɛ Kibui Gbangbã tinu kiwuĩbui ɔkɔ mɛ, ɔmɔsɛ kinu Owusoso Akaa yɛohumi ɔkɔ, anɔ nyia anɔ gɛ ayɛkɛ aŋãa yɛtibubu. Putɔ nɔɔ, ɔkɔ Yudanɛ flogo pɛ bagɛ betinu Yudanɛ.

Banɔkpɛkpɛ Axɔ̃ɛ 22:21

“Kɛlɛ Apaleteɛ etseɖe mɛasɛ, ‘Gavɛ, ɛbakpɛ wɔ sɛsɛ fãa nɛ bagɛ etinu Yudanɛ ɔkɔ.’ ”

Banɔkpɛkpɛ Axɔ̃ɛ 13:26

“Mɛadzya alɛ mɔ, Abraham yɛeshui alɛ, nɛ̀ wɔnɔ bagɛ notinu Yudanɛ pɛ nɔkpɛ kɛtakpu esi ɔkɔ Owusoso Akaa, bɔlɔ so pɛ basɛsɛ kibui ɛlɛ gɛ kɛyɛkɛ banɔ lù nɛ ɛkpã.

Banɔkpɛkpɛ Axɔ̃ɛ 7:51

“Wɔnɔ batɔ̃mɛ gagalĩ elete! Wɔnɔ etú mɛ̀ nɛ̀ batɔ gɛegetsyina elete! Nɔodzi asɛ wɔnɔ akaalɛ. Nɔtɛ ɔpɛɛ ɔsɛ Ɔfɔfuĩa Gbangbãa ɔba!

Filipianɛ 1:14

Nɛ mɛ ɛɖahui ɛlɛ mɛ gɛ ɛkpasɛ soɔ, kɛkpɛ badzya gelee gɛ akpasɛ Apaleteɛ mɛ emi ɔsɛ tɛ baɖɔ Owusoso Akaa ibuiɛ nɛ kité kpɛkpɛ nɛ̀ kifu masi masi mɛ.

Banɔkpɛkpɛ Axɔ̃ɛ 13:14

Denɔ Pergeɛ, bavɛ Pisidia nɛ Antioxia. Nɛ Kimoelewui nabhaa, bavɛ balɛ ɔtsyɔakɔ pɛ badɛ zã kesi.

Banɔkpɛkpɛ Axɔ̃ɛ 13:5

Gɛ bediku Salamiɛ, baɖɔ Owusoso Akaa nibuiɛ nɛ Yudanɛ ɛtsyɔakɔ. Yohanes Marko azã balɛ ɔbha pɛ azaplɛnɔ alɛ.

Banɔkpɛkpɛ Axɔ̃ɛ 4:13

Gɛ bamɔ kitèkpɛkpɛ nɛ Petro nɛ̀ Yohanes mɛ pɛ bamɔ asɛ betinu buplukpaeleteɛ, pɔ banɔ etee ko benuɔ, kɛbhɛtɛ balɛibi kɛlɛ babakà asɛ banɔ alɛ azã aplɛnɔ Yesu.

Hebrianɛ 11:34

beteli elĩ efuɔ gɛ azatã nɛ̀ ɔɖɛklɛmɛ nɔ, baabɛtɛ̀ ilugbũ tɛbha ŋaŋã gɛité alɛ, kɔ ɔsɛ ohumi ozoku bagɛ bebotsoɔ mɛ, pɛ bazawɔa bunye nɛ buyu ɔtakɔ pɛ beté bagɛ alɔkɔ ɔyu nɛ balɛishuɔ.

Banɔkpɛkpɛ Axɔ̃ɛ 9:20

Odunu ɔlɛ koɔ, Saulo akpɛ bɔdɔ̃ kakasɛ esi nɛ ɛtsyɔakɔ asɛ Yesu yɛenu Owusoso Akaa Yɛeyiɛ.

Banɔkpɛkpɛ Axɔ̃ɛ 19:9

Pɔ balɛ banɔ nɔ teli atɔmɛ agagalĩ, bagɛ pɛ asɛ ayɛkɛ aŋã kɛlɛ baɖɔaɖɔ kpa nɛ Yɛedzoɔ shu. Kliso Paulo ashɛ ayɔlɔ alɛ pɛ agbana badɔkpasɛanɛ aplɛnɔ yɛishu pɛ yɛnɛ alɛ bazapɔɛ ebui mɛ nɛ̀ bagɔlɔ mɛ kibe nyia be nɛ Tirano bɔdɔ̃kakasɛ buvũɔ mɛ.