Banɔkpɛkpɛ Axɔ̃ɛ 13:43 - Nyangbo New Testament

⁴³ Gɛ banunɔ ekoeyì nɛ kɛtakpu ɔtɔ̃kɔɔ, Yudanɛ kpekpèɛ nɛ̀ bagɛ etsyina eku Yudanɛ ɔha mɛ atɔnɔ Paulo nɛ̀ Barnaba. Bazaɖɔaɖɔ nɛ̀ alɛ pɛ azakpalà alɛ asɛ bazã kɛlɛ abha nɛ balɛ Owusoso Akaa tibhui bhuibuɔ mɛ.

Banɔkpɛkpɛ Axɔ̃ɛ 13:43 Referans Kwoze

Banɔkpɛkpɛ Axɔ̃ɛ 11:23

Gɛ ediku pɛ amɔ asɛ kibui gbã kinu ɔsɛ Owusoso Akaa ebhui balɛ ebuɔ, same ekui, kɛlɛ akpɛ balɛ petee kemi asɛ tɛ̀ balɔkɔ̀ balɛ etúɔ nyɔ̃ɔ azã nɛ̀ ɛkpã ɔkɔ Apaleteɛ.

Banɔkpɛkpɛ Axɔ̃ɛ 14:22

pɛ bazakpɛ badɔkpasɛnɛ ohumi nɛ̀ kemi tɛ̀ bazã tɛyɛyɛkɛŋã gɛinu kibui gbã nabha. “Kɛlɛ ɔsɛ bɔgã bɔtɔ̀ gele mɛ flogo tɛ bɔmɔ kidzo ɔvɛ Owusoso Akaa bukusi ŋaŋã mɛ.”

Yohanes 2 1:9

Anunɔ gɛ atɛ fala eputɔ pɛ agɛ akasɛ ɔdɔ̃ nɛ Kristo yɛɔdɔ̃ kakasɛ nabhaa, Owusoso Akaa ama yɛmɛ, pɔ anunɔ gɛ etsiɖì ɛlɛ abha pɛ akasɛ Kristo ɔdɔ̃ɔ, yɛahɔɛ Akaa nɛ̀ Eyiɛ pete alɛ.

Hebrianɛ 13:9

Nɔtɛkɔ ɔsɛ bɔdɔ̃ kakasɛ ka nyia ka ɛdi zɛgbana ɔnɔ. Kɛpɛ ɔkɔ ɔlɔ etúɔ asɛ tɛ lamɔ ohumi ɔgana tibhui bhuibu mɛ, pɔ anɛ bɔŋaŋã ɔsha gɛ ɛlɛ beshu pɛ lɛ tɛ plɛnɔ banunɔ gɛ baŋã ɔdɔ̃.

Hebrianɛ 12:15

Nɔnyana ishu piapii sɛ tɛ noti tsodzi nɛ Owusoso Akaa tibhui bhuibuɔ shu. Nɛ kidzo ɛlɛ nabhaa anɔ nanà atɛzã asɛ tɛwɔa kɛtɛtɛ́ gɛ tishè pɛ tɛlɔkɔ ɛlɛ abɔɛ zĩ udɔ̃ gelee nɔ ana.

Koloseanɛ 1:28

Bɔɖɔ yɛebuiɛ ɔkanà, kɛlɛ bɔlɔkɔ bubutì petee kpalà anɔ pɛ bɔkasɛ alɛ ɔdɔ̃, sɛ tɛ̀ bɔkɔ aka nyia aka ana nɛ Kristo mɛ.

Koloseanɛ 1:23

onupɛ nɔzã ɛlɛ abha nɛ ɔnɔ tɛyɛyɛkɛŋã mɛ, pɛ nɔodzi gagalĩ, pɛ nɔgɛ shɛ nɛ wɔnɔ kidzo mɛ ɖiɖiɛ gɛlɛ kibui gbangbã mɛ shu. Kibui gbangbã ɛlɛ gɛ nɔolũɔ baɖɔ etseɖe kɛdɔ̃ bhɛbhɛtɛ ka nyia ka gɛ lɛ kitití niesi, pɛ kɛlɛ shu mɛ Paulo badzi axɔ̃ɛdɛ ɔkɔɔ.

Filipianɛ 4:1

Mɛadzya alɛ mɔ, wɔnɔ agɛ ɛdɛmɛ nɔ pɛ ɛpɛ ɔnɔ amɛ sɛ mɔ, wɔnɔ agɛ onu mɛ same nɛ̀ kabha ŋaŋã ikutu, kana kɛlɛ sɛ nɔzã gagalĩi nɛ Apaleteɛ mɛ, mɛ ɔbhia alɛ gɛ ɛdɛmɛ nɔ!

Filipianɛ 3:16

Nɔkɔ bɔzã nɛ̀ ɛkpã nɛ kɛgɛ bɔtɛ yɛkɛ ete shu.

Efesoanɛ 2:8

Ɔmɔsɛ tibhui bhuibu shu so pɛ bebu ɔlɔ ɔgana tɛyɛyɛkɛŋã mɛ, kɛlɛ kɛgi de wɔnɔ ɔkɔ, pɔ Owusoso Akaa yɛdɔ kɔkɔ kinu,

Galatianɛ 5:1

Ishu ahɔɛmɛ zazã shu so pɛ Kristo akɔ ɔlɔ ishu ahɔɛmɛ zazã. Kliso nɔzã gagalĩi, kɛlɛ nɔtɛ ɔkɔ kɔ ɔwɔ̃nyɔnɔ zã wɔnɔ mɛ nɛ banɔ dzidzi ɛkɔɔ shu.

Korintoanɛ 2 6:1

Asɛ Owusoso Akaa ɔhaxɔ̃ɛwɔa anaa, bɔkpalà wɔnɔ sɛ nɔtɛ yɛkɛ Owusoso Akaa tibhui bhuibuɔ asɛ kɛlɛ́ɛ mɛdɔ̃ ana.

Korintoanɛ 2 5:11

Denɔ kibe ɛlɛ gɛ bɔbatì sɛ kɛlɛ sɛ busi Apaleteɛ nɛifu soɔ, bɔpɛ sɛ tɛ bubu ebui mɛ kɔanɔ. Owusoso Akaa enyi kɛgɛ bunùɔ, kɛlɛ inyi tsyɛ sɛ kɛlɛ mɛ dalɛ ɔkɔ wɔnɔ ebuesilulũ.

Romanɛ 11:6

Kliso onupɛ ɔgana tibhui bhuibu mɛɛ, kɛlɛ́ɛ, kɛtɛ kanu ɔsɛ kide balɛ axɔ̃ɛ wɔawɔa mɛ̀. Onupɛ balɛ axɔ̃ɛ wɔawɔa mɛ kide pɔɔ, kɛlɛ kɛtɛ kanu tibhui bhuibu.

Romanɛ 5:21

Asɛ kɛŋã gɛ kibui kpa ŋã bukusi nɛ bekpu mɛɛ, kidzo ɛlɛ nabha tibhui bhuibu tsyɛ baŋã bukusi ɔgana kɛgbangbã mɛ, sɛ tɛ banɔ amɔ ɛkpã tihɔɔ ɔgana Yesu Kristo bɔlɔ Apalete nabha.

Romanɛ 5:2

anɔ gɛ yɛabha bɔgã pɛ bɔmɔ tɛyɛyɛkɛŋã nɛ̀ tibhui bhuibu ulɛ mɛ gɛ bɔlɛ otsiɛ. Kɛlɛ samɛ eku ulɔ gɛ buulu awɔ̃ nɛ Owusoso Akaa yɛishu dadalɛ nabha.

Romanɛ 3:24

kɛlɛ bebhui utsyɔa gbangbã akɔ ɔlɔ ɔgana Yesu Kristo gɛ abalɛ dzyosu nɛ ɔlɔ ɛtakpu nabha.

Banɔkpɛkpɛ Axɔ̃ɛ 17:34

Banɔ bhlui teli ebedzi Paulo yiedeazazã kɛlɛ bayɛkɛ aŋã. Balɛ mɛ banɔ nɔ teli balɛenu, Dionisio gɛenu Areopago yɛ kɛtakpu ɔtɔ̃kɔ anɔ, nɛ̀ adzɛ teli tsyɛ gɛ bezekulu yɛasɛ Damaris nɛ̀ banɔ kasasà tieli.

Banɔkpɛkpɛ Axɔ̃ɛ 17:4

Kesilulũ abakɔ Yudanɛ teli kɛlɛ betsyina atɔnɔ Paulo nɛ̀ Sila, kidzo ɛlɛ nabha Helanɛ kpekpèɛ teli gɛ besi Owusoso Akaa nɛifùɔ ɔlɔkɔ ɔplɛnɔ ɛzãkɔ elete gɛenu badzɛ kpekpèɛ tsyɛ abhɛtɛ ɛlɛ ana.

Banɔkpɛkpɛ Axɔ̃ɛ 16:14

Balɛ ɔmayɛmɛ tenikpo gɛ azataatɔ̃ nɛ ɔlɔ yɛenu Lidia, anɔ gɛ azadɛ apɔtɛ gɛ layɛkɛ kedzì, pɛ ehoeyi azã yɛahɔɛ pɛ ede Tiatira pɛ enu anɔ gɛ akpɛ kɛtakpu esi akɔ Owusoso Akaa. Apaleteɛ adalɛ yɛ kitúɔ mɛ ɔsɛ tɛ̀ ayɛkɛ Paulo ebui gɛ amana.

Banɔkpɛkpɛ Axɔ̃ɛ 14:3

Kliso Paulo nɛ̀ Barnaba azã ɛkɛlɛ nɛ ewui gele mɛ, pɛ bazaɖɔaɖɔ nɛ Apaleteɛ shu nɛ̀ ohumi. Kɛlɛ Apaleteɛ akɔ bamɔ yɛ tibhui bhuibu ibuiɛ ɔganà atsyindzye nɛ̀ ebui gɛ abhɛtɛ ibi gɛ akɔ babhɛtɛ mɛ.

Petro 2 3:14

Klisoɔ, mɛ ɔbhialɛ gɛ ɛdɛmɛ nɔ, gɛ nɔoɖì idzomɛ ɔkɔ ebui ɛlɛ soɔ, nɔbhɛtɛ kɛka nyia ka gɛ nɔbɔlà tɛ̀ batɛ mɔ kibò nɛ̀ bamɛtsitsí ibui nanà nɛ wɔnɔ shu, tɛ̀ nɔzã nɛ ishu yɔyɔ mɛ ɔplɛnii.

Petro 1 5:12

Denɔ Sila anɔ gɛ ɛlɔkɔ yɛasɛ anɔ gɛ ɛyɛkɛŋã, denɔ yɛ tɛpɛplɛnɔ mɛ ɛfɔnɔ keplukpa alɛ gulũi kɔ wɔnɔ pɛ̀ ɛkpɛ wɔnɔ kemi tɛ̀ ɛɖɔ kaɖɔ dalɛ kɛlɛ mɛ sɛ, kɛlɛ kɛlɛinu Owusoso Akaa tibhui bhuibu gɛlɛ ɛlɛ ɔzãkɔ. Nɔzã gagalĩ nɛ kɛlɛ mɛ̀.

Galatianɛ 5:4

Wɔnɔ bagɛ nɔpɛ ɔsɛ tɛ balɔkɔ ɔshaa bhui bɔtsyɔa akɔ ɔnɔ ɔnɔɔ, nobu ishu ɔtɔ nɛ Kristoɔ shu, nɔshɛ nɛ ɔnɔ tibhui huibuɔ niede.

Banɔkpɛkpɛ Axɔ̃ɛ 28:23

Batɔɖɔ kiwui asɛ tɛ babamɔ Paulo, kɛlɛ balɛ anɔ nɔ̀ gɛaba ebekpe atɔɖɔ nɛ ɛkɛlɛ gɛ Paulo azãa. Odenɔ kɛvɔlɔ vɛnɔ owlagoɔ, ezebu ebui mɛ pɛ adalɛ Owusoso Akaa bukusi ŋaŋã shu kɔ alɛ, kɛlɛ apɛ asɛ tɛ̀ etsyina balɛ ekpeɖekpeɖeɛ mɛ odenɔ Mose ɔshaa nɛ̀ ebuiɖɔluanɛ buplukpa mɛ avɛnɔ Yesu ɔkɔ.

Banɔkpɛkpɛ Axɔ̃ɛ 17:17

Kliso ababhɛtɛ ekpeɖekpeɖe mɛ nɛ̀ Yudanɛ nɛ ɔtsyɔakɔ. Ɔplɛnɔ Helanɛ gɛesi Owusoso Akaa nifùɔ nɛ̀ bagɛ azã budziɛ mɛ kiwui nyiɛ wui ɔlɔkɔ nɛ̀ bagɛ alɛ ɛkɛlɛ.

Banɔkpɛkpɛ Axɔ̃ɛ 13:50

Pɔ Yudanɛ ezetsu kifu akpɛ badzɛ awɔpɔ̃nɔ gɛ bakpɛ kɛtakpu esi akɔ Owusoso Akaa nɛ̀ baanyɛ awɔpɔ̃nɔ teli tsyɛ nɛ ɔma. Bakɔ asɛ balɔɛtití nɛ Paulo nɛ̀ Barnaba shu kɛlɛ bakakalɛ ebu nɛ kɛma ɛlɛ mɛ.

Banɔkpɛkpɛ Axɔ̃ɛ 6:5

Kɛzaa pete adɛmɛ atɔɖɔ kibui ɛlɛ gɛ bakpɛ amana nabha. Bebu Stefano, anɔ gɛ tɛyɛyɛkɛŋã nɛ̀ Ɔfɔfuĩa Gbangbã oyuku yɛ mɛ nɛ̀ Filipo, Prokoro, Nikanora, Timona, Parmena nɛ̀ Nikanao, anɔ gɛ akpɛ takpu esi akɔ ibudi pɛ ebetsyina edzi Yudaeyi gɛ ede Antioxia.

Banɔkpɛkpɛ Axɔ̃ɛ 2:10

Frigia nɛ̀ Pamfilia, Egypte nɛ̀ Libia yɛawɔpɛ tieli gɛetso aplɛnɔ Kirene pɛ banɔ nɔ teli tsyɛ ede Roma aba,

Yohanes 1 2:28

Mɛeyi alɛ gɛ ɛdɛmɛ nɔ, otsiɛ nɔ, nɔzã yɛmɛ, sɛ tɛ̀ onupɛ ebekoeyìɛ, bɔbàmɔ awɔ̃ lulu kɛlɛ kiwũi tɛbàyì bɔlɔ nɛ yɛamɛ nɛ kibeɛ gɛ ebekuɔ.

Tito 2:11

Ɔmɔsɛ Owusoso Akaa tibhui bhuibuɔ gɛ mana tibubuɔ koeyì ɔkɔ banɔ nɔ petee.

Banɔkpɛkpɛ Axɔ̃ɛ 18:7

Kɛlɛ Paulo ashɛ nɛ ɔtsyɔakɔ avɛ bɔpã gɛlɛ Tito Yusto, anɔ gɛ akpɛ kɛtakpu esi ɔkɔ Owusoso Akaa yɔɛpa nɔbha mɛ.