Banɔkpɛkpɛ Axɔ̃ɛ 13:39 - Nyangbo New Testament

³⁹ Gana yɛabha anɔ nyia anɔ gɛ ayɛkɛ aŋã, bebè bhui bɔtsyɔa akɔɛ odenɔ kɛka nyia ka mɛ batɛ balɔkɔ bɔtyɔa bhui bhui akɔ wɔ nɛ Mose ɔshaa nulũ.

Banɔkpɛkpɛ Axɔ̃ɛ 13:39 Referans Kwoze

Galatianɛ 2:16

bunyi ɔsɛ beti bhui bɔtsyɔa akɔ anɔ nɛ yɛ ɔsha abha tɛbhɛbhɛtɛ shu, pɔ ɔganà tɛyɛyɛkɛŋã nɛ Yesu Kristo abha mɛ. Klisoɔ, bɔlɔ tsyɛ lɔkɔ bɔlɔ tɛyɛyɛkɛŋã kpɛ Kristo Yesu mɛ ɔsɛ tɛ bebhui bɔtsyɔa akɔ ɔlɔ nɛ Kristo abha tɛyɛyɛkɛŋã mɛ, gɛnɛ nɛ ɔsha nabha tɛbhɛbhɛtɛ shu so, ɔmɔsɛ ganà ɔsha nabha tɛbhɛbhɛtɛ mɛɛ, betibe bhui bɔtsyɔa akɔ anɔ nanà.

Romanɛ 10:4

Kristo yɛtɛbaba ɔkɔ ɔsɛ ohumi obele nɛ ɔsha ahɔɛ, sɛ tɛ anɔ ka nyia ka gɛ ayɛkɛ aŋãa, tɛ amɔ tɛzazã gbangbã.

Romanɛ 8:3

Kɛgɛ ɔsha ɔgɛmɔ ohumi ɔbhɛtɛ, ɔmɔsɛ kanɔ alɛ mɛ ɛkpã kpa ŋã ɔlɛ abha soɔ, kɛlɛ Owusoso Akaa abhɛtɛ aganà yɛahɔɛ Eyiɛ gɛ asɛsɛ nɛ ebui kpa bhɛbhɛtɛ anɔ tɛzazã mɛ, tɛ edzi asɛ kɛdɔ̃ kɔkɔ nɛ ebui kpa ɛtakpu ana. Kliso ebu kibui kpa ɛpɔ nɛ kibui kpa bhɛbhɛtɛ anɔ mɛ,

Hebrianɛ 7:19

(ɔmɔsɛ ɔsha gɛbhɛtɛ kɛnanà kɛna), bakɔ ɔlɔ idzo gbangbã bhlatɔ nɛ awɔ̃ lulú mɛ sɛ tɛ bɔlà tsoplɛnɔ Owusoso Akaa.

Romanɛ 10:10

Ɔmɔsɛ wɔɛtúɔ wɔlɔkɔ ɔyɛkɛ ɔŋã nɔ, pɛ bamɔ ɔsɛ onu anɔ gbangbã, kɛlɛ olugbũ wɔlɔkɔ ɔdalɛ ebui mɛ nɔ pɛ bayɛkɛ wɔ elu nɛ ɛkpã.

Romanɛ 8:1

Otsiɛ alɛ, kɛpɔ bubu nanà ma ɔkɔ bagɛ alɛ Kristo Yesu mɛ,

Romanɛ 4:15

ɔmɔsɛ ɔmɔpɔɛ ibui ɔsha lɔmana. Kɛlɛ ɛkɛlɛ gɛ ɔsha ɔmaa, kibui kpa bhɛbhɛtɛ tsyɛ tɛzã.

Romanɛ 3:19

Otsi alɛ bunyi sɛ kɛka nyia ka gɛ ɔsha ɔɖɔɔ, kinu bagɛ balɛ ɔsha niesi ibui, tɛ kɛkɔ ɔsɛ anɔ nyia anɔ ataatɔ̃, tɛ Owusoso Akaa ekulu ebhu nɛ̀ kanɔ nɔ̀ petee.

Romanɛ 5:20

Bakɔ ɔsha aplɛnɔ, gɛ kɛkɔ ɔsɛ ɔshaa esi tatá tsyɛ iziwu abha. Pɔ ɛkɛlɛ gɛ ebui kpa bhɛbhɛtɛ ekpè atɔɖɔɔ, tibhui bhuibuɔ tsyɛ ikpè tɔɖɔ gelee ɔdɛ.

Romanɛ 5:9

Otsi alɛ gɛ bebhui utsyɔa akɔ ɔlɔ ɔgana yɛdzyosu nɔ mɛɛ, kidzo ɛlɛ nabha ke yɛebebu ɔlɔ, odenɔ Owusoso Akaa yɛɔmɔpɔɛ nɔ mɛ.

Hebrianɛ 10:11

Nɛ kiwui nyiɛ wui abhaa, banɔlũazazã ka nyia ka ewlui avɛ yɛxɔ̃ɛ abha, pɛ balɔkɔ bɔdɔ̃ pɔpɔɛ tunikpo ɛlɛ nɛidi, gɛ tɛlà bu ebui kpa tɛ nɔ akɔ.

Hebrianɛ 10:4

ɔmɔsɛ banɛtsyɔɛ nɛ̀ bepidzya dzyosu atɛ balà ebu ebui kpa atɛ ɖa.

Romanɛ 5:1

Kliso gɛ balɔkɔ ɔlɔ asɛ bunu banɔ gbangbã ɔgana tɛyɛyɛkɛŋã mɛɛ, ishu yɔyɔ lɛ ɔlɔ nɛ̀ Owusoso Akaa nɛishi, ɔgana bɔlɔ Apalete Yesu Kristo abha,

Romanɛ 4:24

pɔ ɔkɔ ɔlɔ tsyɛ, gɛ Owusoso Akaa balɔkɔ asɛ bunu banɔ gbangbã, bɔlɔ agɛ yɛkɛ yɛ gɛ efeke Yesu bɔlɔ Apaleteɛ edenɔ bekpu mɛ abha aŋãa.

Banɔkpɛkpɛ Axɔ̃ɛ 10:43

Bebuiɖɔluanɛ pete aɖɔ nɛishu asɛ, anɔ ka nyia ka gɛ ayɛkɛ yɛabha ŋãa, babàlɔkɔ yɛ ebui kpa etsye yɛ gana yɛinye mɛ.”

Galatianɛ 5:3

Iwlui ka dalɛ ɛlɛ mɛ ɔkɔ anyɛ ka nyia ka gɛ alɔkɔ yɛishu akɔ bebhui kɛhɔ̃a akɔ asɛ, kɛlɛ sɛ abhɛtɛ atɔɖɔ ɔshaa petee abha.

Galatianɛ 3:8

Kibuiɛ gɛ bafɔnɔ eluɔ tɛmɔ putɔ nɔ ɔsɛ Owusoso Akaa ebe bhui bɔtsyɔa akɔ bagɛ etinu Yudanɛ odenɔ balɛ tɛyɛyɛkɛŋã mɛ, kɛlɛ eputɔ akɔ Abraham etì kibui gbangbã ɛlɛ elu ɔsɛ, “Gana wɔabha, bebe yulà akɔ amadiɛ petee.”

Galatianɛ 2:19

Ɔmɔsɛ gana ɔsha nabha, itsí nɛ ɔsha shu, ɔsɛ tɛ mɛ zanà ɛkpã ɔkɔ Owusoso Akaa.

Korintoanɛ 1 6:11

Ebui alɛ wɔnɔ mɛ banɔ teli aza abhɛtɛ. Pɔ beplu wɔnɔ ishu, badalɛ wɔnɔ shu, kɛlɛ bebhui bɔtyɔa akɔ wɔnɔ nɛ Apalete Yesu Kristoɔ nɛ Owusoso Akaa Ɔfɔfuĩa nɛinyeɛ mɛ.

Romanɛ 9:31

pɔ Israel gɛ azatɔnɔ ɔsha nabha tɛbhɛbhɛtɛ edeɛ, akamɔ tɛzazã piapii nɔ.

Romanɛ 3:20

Kliso batɛ balɔkɔ anɔ nanà asɛ enu anɔ gbangbã nɛ Owusoso Akaa namɛ, sɛ gɛ abhɛtɛ ɔsha nabha so, pɔ gana ɔsha mɛ boŋuɔ, buuti sɛ ebui kpa bhɛbhɛtɛ alɛ.