Banɔkpɛkpɛ Axɔ̃ɛ 13:26 - Nyangbo New Testament

²⁶ “Mɛadzya alɛ mɔ, Abraham yɛeshui alɛ, nɛ̀ wɔnɔ bagɛ notinu Yudanɛ pɛ nɔkpɛ kɛtakpu esi ɔkɔ Owusoso Akaa, bɔlɔ so pɛ basɛsɛ kibui ɛlɛ gɛ kɛyɛkɛ banɔ lù nɛ ɛkpã.

Banɔkpɛkpɛ Axɔ̃ɛ 13:26 Referans Kwoze

Koloseanɛ 1:5

tɛyɛyɛkɛŋã nɛ̀ tɛdɛdɛmɛ nɔ gɛide kidzo mɛ ɖiɖi ebuiɛ gɛ babalɛ elu akɔ ɔnɔ nɛ kititiɛ mɛ, asɛ kana gɛ nɔotilũ nɛ kibuiɛ gɛ kinu kibui gbã mɛ, gɛinu kibui gbangbã

Efesoanɛ 1:13

Kɛlɛ wɔnɔ tsyɛ ɔkpasɛ Kristoɔ nɛ kibeɛ gɛ nolũ kibuiɛ gɛinu kibui gbãa, kibui gbangbã gɛ yɛkɛ ɔnɔ lu nɛkpã. Gɛ nɔyɛkɛ ɔŋã soɔ, atsà kɛna ɔkɔ ɔnɔ elu pɛ balɔkɔ adadã edere ɔnɔ ulũ, nɛ̀ Ɔfɔfuĩa Gbangbã gɛ atɔɖɔ eluɔ akɔ ɔnɔ,

Romanɛ 1:16

Ɔmɔsɛ Kibui Gbangbã tinu kiwuĩbui ɔkɔ mɛ, ɔmɔsɛ kinu Owusoso Akaa yɛohumi ɔkɔ, anɔ nyia anɔ gɛ ayɛkɛ aŋãa yɛtibubu. Putɔ nɔɔ, ɔkɔ Yudanɛ flogo pɛ bagɛ betinu Yudanɛ.

Banɔkpɛkpɛ Axɔ̃ɛ 13:46

Kɛlɛ Paulo nɛ̀ Barnaba ebu balɛ ishu ulũ nɛ kifù masi masi mɛ asɛ, “Wɔnɔ kɛlɛ ɔsɛ buputɔ ɖɔ Owusoso Akaa ibuiɛ ɔkɔ. Pɔ gɛ nɔgɛ yɛkɛ ɛlɛ pɛ nɔmɔ ɔsɛ nɔshɔnɔ ɔkɔ ɛkpã tihɔ nɔ soɔ, butsyina ɛlɛ ɔvɛnɔ bagɛ etinu Yudanɛ ɔkɔ.”

Banɔkpɛkpɛ Axɔ̃ɛ 13:43

Gɛ banunɔ ekoeyì nɛ kɛtakpu ɔtɔ̃kɔɔ, Yudanɛ kpekpèɛ nɛ̀ bagɛ etsyina eku Yudanɛ ɔha mɛ atɔnɔ Paulo nɛ̀ Barnaba. Bazaɖɔaɖɔ nɛ̀ alɛ pɛ azakpalà alɛ asɛ bazã kɛlɛ abha nɛ balɛ Owusoso Akaa tibhui bhuibuɔ mɛ.

Banɔkpɛkpɛ Axɔ̃ɛ 10:35

pɔ ayɛkɛ banɔ edenɔ kɛmadi ka nyia ka mɛ gɛ esì yɛifu pɛ abhɛtɛ kɛgɛ ɛlɛ kɛlɛ ɔzãkɔ.

Banɔkpɛkpɛ Axɔ̃ɛ 5:20

Etseɖe balɛ asɛ, “Nɔvɛ ɔdɛ lɔ kititì nɛ Owusoso Akaavũɔ shu tɛ̀ nɔɖɔ ɛkpã vɔvɔ ɛlɛ shu ebui otseɖe banunɔ.”

Banɔkpɛkpɛ Axɔ̃ɛ 4:12

Batɛ bamɔ anɔ yɛyɛkɛ elù nɛ̀ ɛkpã ɔgana ananà abha, ɔmɔsɛ kinyè nanà bhama kanɔ alɛ mɛ gɛ babà alɔkɔ ayɛkɛ bɔlɔ elu nɛ̀ ɛkpã nɔ.”

Banɔkpɛkpɛ Axɔ̃ɛ 16:17

Adzɛnuvɔɛ nɔ atɔnɔ Paulo nɛ̀ bɔlɔ bagɔgɔɔ pɛ akpɛ ozĩ asɛ, “Banyɛ alɛ enu Kititiayɛ Gbagbla yɛaxɔ̃ɛdɛ, gɛ etseɖe wɔnɔ kidzo nɔnɔ abha gɛ baba yɛkɛ wɔnɔ elú ɛkpã.”

Banɔkpɛkpɛ Axɔ̃ɛ 3:26

Kliso gɛ Owusoso Akaa efeke yɛ yɛaxɔ̃ɛdɛ, akɔ yɛebhoso aba wɔnɔ ɔkɔ tɛ ebeyulà akɔ wɔnɔ ɔganà wɔnɔ ɔmayɛmɛ aka nyia aka titsyitsyina edenɔ yɛ kɛtakpu mɛ gagalĩ edzo nabha.”

Banɔkpɛkpɛ Axɔ̃ɛ 28:28

“Kliso ɛpɛ ɔsɛ tɛ̀ notì ɔsɛ basɛsɛ Owusoso Akaa yɛanɔ bubu lu ɔkɔ ɛkpã nɛ bagɛ betinu Yudanɛ ɔkɔ, kɛlɛ balɛ xɔnɔ abà taatɔ̃ nɛ̀ kibuiɛ!”

Banɔkpɛkpɛ Axɔ̃ɛ 10:2

Yɛnɛ̀ yɛɔpãa petee lɔkɔ balɛishu akɔ pɛ Owusoso Akaa kifùsisi zã alɛ mɛ. Azabhɛtɛ ɛyamɛ gbangbã ɔkɔ betsyuitsyuiɛ pɛ azã Owusoso Akaa tikukulu abha kibe nyia be.

Banɔkpɛkpɛ Axɔ̃ɛ 22:5

asɛ kana gɛ banɔlũazazã gbagbla nɛ̀ yɛ besheshèɛ petee abalà aɖɔ kaɖɔ nɛ kɛlɛishu ana. Ɛvɛ tsyɛ dɛyɛkɛ buplukpa odenɔ banɔlũazazã gbagbla ɔkɔ ɔsɛsɛ balɛ adzya alɛ nɛ Damasko, kɛlɛ ɛvɛ ɛkɛlɛ dɛgbana banɔ alɛ asɛ ɔɖavũmɛ azazã ana amana Yerusalem asɛ bapɔ̃ batɔ̃ akɔ alɛ.